Sustrai Colina: Bertsolari lapurtarra
Sustrai Colina Akordarrementeria (Urruña, Lapurdi, 1982ko urriaren 20a) bertsolaria, bertso irakaslea eta kazetaria da.
Zuzenbideko lizentzia du. Xilaba Bertsulari Xapelketa bi aldiz irabazi du.
| Sustrai Colina | |
|---|---|
 | |
| Bizitza | |
| Jaiotzako izen-deiturak | Sustrai Colina Akordarrementeria |
| Jaiotza | Urruña, 1982ko urriaren 20a (41 urte) |
| Herrialdea |  Lapurdi, Euskal Herria |
| Hezkuntza | |
| Hizkuntzak | euskara frantsesa gaztelania |
| Jarduerak | |
| Jarduerak | bertsolaria |
Parte-hartzailea | |
Biografia
Ikastolan egin zituen lehen ikasketak. Pilotazale amorratua, esku huska pilotan aritu zen bost urte zituenetik hamazazpi urte bete arte.
Egun, bertsolaritzan dabil buru-belarri: bertsotan aritu ez ezik, irakatsi ere egiten du, Hendaian. Bertso saioetan ere kantukide ohikoena duen Amets Arzallusekin batera dihardu bertso irakasle.
Gainera, zutabeak idazten ditu Berria egunkarirako, eta elkarrizketak Argia astekarirako. Ze Esatek! taldearen Ibilita ikasten da erortzen diskarako hiru abestiren hitzak egin ditu.
Bertsolaritzako ibilbidea
Donostian egin zuen bere lehen plaza, 1992an, Gipuzkoako Eskolarteko txapelketan. Ordutik aurrera hainbat txapelketetan parte hartu izan du; 2000an Iparraldeko Bertsolari Gazteen txapelketa irabazi zuen, eta, nagusien mailan, 2000 eta 2003 arteko Nafarroako txapelketetan parte hartu du, baita 2001eko Euskal Herriko Bertsolari Txapelketa Nagusian finalista izan zen eta bosgarren egin zuen. Hurrengo hiru ekitaldietan ere finalean aritu da.
2014an eta 2016an Iparraldeko Xilaba Bertsulari Xapelketa irabazi du.
Lorpenak
- Bertsolari Txapelketa Nagusia
- Hirugarrena 2017an.
- Laugarrena 2022an.
- Bosgarrena 2001ean.
- Finalista (6): 2001, 2005, 2009, 2013, 2017, 2022.
- Xilaba Bertsolari Xapelketa
- Txapeldun (2): 2014, 2016.
- Bigarrena (1): 2008.
- Finalista (5): 2008, 2010, 2012, 2014, 2016.
- Nafarroako Bertsolari Txapelketa
- Bigarrena (2): 2002, 2003.
- Finalista (4): 2000, 2001, 2002, 2003.
- Euskal Herriko Eskolarteko Txapelketa:
- Txapeldun (1): 2000
- Txapeldn orde (1): 1999
Erreferentziak
Kanpo loturak
Wiki Commonsen badira fitxategi gehiago, gai hau dutenak: Sustrai Colina  |
Datuak: Q12267767
Multimedia: Sustrai Colina / Q12267767
This article uses material from the Wikipedia Euskara article Sustrai Colina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.