Sanni Mari Elina Kurkisuo, izen artistikoa Sanni duena (Lohja, Finlandia, 1993ko maiatzaren 26a) abeslari eta aktore finlandiarra da.
Pop estiloa jorratzen du eta finlandieraz abesten du.
Sanni Kurkisuo | |
---|---|
Bizitza | |
Jaiotzako izen-deiturak | Sanni Mari Elina Kurkisuo |
Jaiotza | Lohja, 1993ko maiatzaren 26a (30 urte) |
Herrialdea | Finlandia |
Hezkuntza | |
Hizkuntzak | finlandiera |
Jarduerak | |
Jarduerak | abeslaria, aktorea eta kantugilea |
Genero artistikoa | electropopa |
Musika instrumentua | ahotsa gitarra perkusio instrumentua biolina |
Diskoetxea | Warner Music Group |
1993an jaio zen Lohjan eta 2012 urtean Sibelius-lukio arte eskolan graduatu zen. Urte berean Miss Farkku-Suomi filma finlandiarrean hartu zuen parte.
13 urterekin hasi zen musika munduan eta 2013ko apirilaren 5ean bere aurreneko singlea atera zuen, Prinsessoja ja astronautteja. Finlandiako musika zerrendetan hirugarren postuan kokatu zen singlea eta 2013an bertan diskoa plazaratu zuen, Sotke mut. Diskoa bederatzigarren postuan gelditu zen. Prinsessoja ja astronautteja-z gain Me ei olla enää me ere single arrakastatsua izan zen.
2015ean Lelu atera zuen eta single entzunena "2080-luvulla" izan zen. Hamaika aste egin zituen Finlandiako airplay charteko lehen postuan. 2016an bere izena daraman Sanni diskoa argitaratu zuen. Bi disko hauek lehenengo postura iritsi ziren Finlandiako zerrendatan.
2018 urtean "Dracula" eta "Pornoo" laburmetraietako protagonista izan zen. 2018ko MTV Europe Music Awards sarietan Finlandiako aktore onenarentzako izendapena jaso zuen.
2019an bere laugarren diska atera zuen, Trippi izenekoa ("bidaia"). "Hey Kevät" singleak bigarren postua lortu zuen Finlandiako musika zerrendetan. 2020ko udaberrian abiatzekoa zuen kontzertu bira udazkenera atzeratu behar izan zuen COVID-19 pandemiaren erruz.
2021eko maiatzean disko berri bati begira aurreneko singlea atera zuen, "Pettäjä" izenekoa. Bideoklipak arrakasta handia izan zuen, Finlandiako zerrendetan lehen postua eskuratzeraino. Bigarren single bat ere atera zuen ondoren, "Kesken", honek bigarren postua lortu zuen. Bi single hauen arrakasta ikusita Kesken EP izenarekin bost abestitako EPa atera zuen 2022ko ekainaren hasieran eta 2023an bosgarren disko luzearen prestaketan ari da, lehenengo aldiz ekoizlea ere izango da. Single berria atera du, "Haukilahden rantaan", Haukilahden hondartzan grabaturiko abesti tristea, minbiziaren gaia jorratzen baitu. Urte berean Isac Elliot abeslariarekin "Riidellään" abestia atera zuen.
2023ko udan Sanniversary izeneko kontzertu bira egin zuen Finlandian zehar musika munduan daramatzan 10 urtean ospatzeko. Azkenengo kontzertua Helsinkiko Jaialdian izan zen.
2024an The Voice-ren Finlandiako lehiaketan talde baten gidaria da. Finlandian zeharreko bira berri bati ekin dio.
Finlandiako zerrendatan 1. postua lortu zuten singleak:
Wiki Commonsen badira fitxategi gehiago, gai hau dutenak: Sanni Kurkisuo |
This article uses material from the Wikipedia Euskara article Sanni Kurkisuo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.