Antònia Vicens: Idazle espainiarra

Katalanez idatzi du narratiba eta poesia.

Antònia Vicens
6. President of Associació d'Escriptors en Llengua Catalana (en) 1998 - 1999 ← Jaume Fuster (en) - Jaume Pérez Montaner (en) →
Bizitza
Jaiotzako izen-deiturak	Antònia Vicens i Picornell
Jaiotza	Santanyí, 1941eko martxoaren 27a (83 urte)
Herrialdea	Espainia
Familia
Seme-alabak	ikusi Hèctor Hernández Vicens (en)
Hezkuntza
Hizkuntzak	katalana gaztelania
Jarduerak
Jarduerak	eleberrigilea eta haur literatura idazlea
Parte-hartzailea Defensem l'escola en català
Jasotako sariak	ikusi Sant Jordiren gurutzea  (1999) Ramon Llull Award  (2004) National Culture Award of Catalonia Espainiako Poesia Sari Nazionala  (2018) Jaume Fuster Award  (2019) Premi d'Honor de les Lletres Catalanes  (2022)
Genero artistikoa	eleberria

Hasierako idatzietan herriaren eta zaharren hizkera eta kontaera hartu zituen oinarri, eta ondoren katalanean trebatu zen Obra Cultural Balear erakundean. Argitaratu zuen aurreneko liburuak, Banc de fusta izeneko kontakizun bildumak, sari bat jaso zuen Cantonigròsen 1965ean. Bigarren lanak, berriz, oihartzun handiagoa izan zuen: 39º a l'ombra eleberriak Sant Jordi saria bereganatu zuen 1967an. Bai bi lan horietan bai ondorengoetan bere inspirazio iturri nagusiak izan dira Mallorcako unibertsoa eta turismoaren eta lurraldearen iraupenaren arteko oreka arazoak, uhartean gertatutako aldaketa eta haren ondorioak. Hoteletan lanean ibiltzeak ere ikuspegi ezin hobea eman zion egoeraz. Maiz landu dituen beste gai batzuk baztertutako jendearen egoera (baztertuak emakumeak direlako, sistematik kanpo daudelako) eta horrek eragiten duen bakardadea izan dira.

1971n ezkondu eta Palmara joan zen bizitzera. Han askotariko lanak bete zituen hainbat tokitan eta uharteko egoera ikuspegi askotatik ezagutu zuen. Avui egunkarian kolaboratzaile lanetan hasi zen ipuinak argitaratuz, baita Diario de Mallorca kazetan ere. 2000. urtean, erretiroa hartu zuenean, hiritik kanpora bizitzera joan zen, eta han jarraitu zuen idazten, poesia eta prentsarako artikuluak ere tartean.

1997an Associació d'Escriptors en Llengua Catalana (AELC) elkarteko juntan sartu zen, Balear Uharteetako lehendakariordearen karguarekin.

2009an hasi zen poesia argitaratzen, Lovely izeneko poema bilduma plazaratu zuenean.

Lehen aipatutako Sant Jordi sariaz gain beste hainbat jaso ditu, besteak beste Creu de Sant Jordi 1999an, Ramon Llull domina 2004an (uko egin zion, Balearretako Gobernuaren hizkuntz politika salatzeko), Kataluniako Kultura Sari Nazionala 2016an, Espainiako Poesia Sari Nazionala 2018an eta Katalanezko Letren Ohorezko Saria 2022an. Urte horretan alaba kutun izendatu zuen Mallorcako Kontseiluak.

Bere liburuak alemanera, frantsesera eta gaztelaniara itzuli dira.

Narrazio laburrak

• 1968 Banc de fusta
• 1980 Primera comunió
• 2005 Tots els contes

Eleberriak

• 1968 39º a l'ombra
• 1971 Material de fulletó
• 1974 La festa de tots els morts
• 1980 La Santa
• 1982 Quilòmetres de tul per a un petit cadàver
• 1984 Gelat de maduixa
• 1987 Terra seca
• 1997 L'àngel de la lluna (haurrentzat)
• 1998 Massa tímid per lligar (gazteentzat)
• 1998 Febre alta
• 2002 Lluny del tren
• 2007 Ungles perfectes
• 2010 Ànima de gos

Poesia

• 2009 Lovely
• 2013 Sota el paraigua el crit
• 2015 Fred als ulls
• 2017 Tots els cavalls
• 2020 Si no dius fort el meu nom em condemnes per sempre (antologia)
• 2020 Pare què fem amb la mare morta

Memoriak

• 1993 Vocabulari privat (Josep Maria Llompart de la Peñarekin)

• 1965 Cantonigròs narratiba saria Banc de fusta lanagatik
• 1967 Sant Jordi saria 39º graus a l'ombra lanagatik
• 1981 Llorenç Villalonga saria Quilòmetres de tul per a un petit cadàver lanagatik
• 1984 Ciudad de València - Constantí Llombart narratiba saria, Gelat de maduixa lanagatik
• 1999 Creu de Sant Jordi ibilbideari
• 2004 Balear Uharteetako Gobernuaren Ramon Llull saria ibilbideari
• 2016 Kataluniako Generalitatearen Kultura Sari Nazionala
• 2016 Palmako Udalaren Urrezko Domina
• 2016 Santanyiko Udalaren Urrezko Domina
• 2016 Obra Cultural Balear erakundearen 31 de Desembre Josep Maria Llompart saria
• 2018 Associació d'Escriptors en Llengua Catalana erakundearen Cavall Verd saria
• 2018 Espainiako Kultura Ministerioaren Poesia Sari Nazionala
• 2019 Associació d'Escriptors en Llengua Catalana erakundearen Jaume Fuster saria
• 2022 Òmnium Culturaleko Katalanezko Letren Ohorezko Saria

• «Antònia Vicens i Picornell». Associació d'Escriptors en Llengua Catalana (AELC).
• LletrA. «Antònia Vicens i Picornell». Universitat Oberta de Catalunya i Institut Ramon Llull.
• Zenbait poema: https://poeteca.cat/ca/poema/5258
• Bi poema euskaraz: https://www.berria.eus/blogariak/iparraldekoneska/2019/12/24/nire-lehenliburutegia/https://www.lyrikline.org/fr/poemes/la-poesia-13837