Alfred Tennyson

Viktoria erreginaren garaiko poetarik garrantzitsuenetakoa izan zen. 1827. urtean bertso bilduma txiki bat argitaratu zuen anaiarekin batera: Poems by two brothers (Bi anaien poemak). Hurrengo urtean Cambridge-ko Trinity College ikastetxean ikasten hasi zen eta han A.H. Hallam-en lagun egin zen. 1830. urtean Poems Chiefly Lyrical (Poema lirikoak bereziki) bakarkako lehen liburua argitaratu zuen, eta 1831. urtean ikasketak utzi behar izan zituen aita hil zitzaionean. 1832. urtean bere bigarren poema bilduma argitaratu zuen: Poems (Poemak), The Lotus Eaters (Lotofagoak) eta The Lady of Shalott (Shalott-eko dama) poema ezagunak haien artean. 1833. urtean bere lagun Hallam-en heriotzak eragin handia izan zuen beregan, eta In memoriam (1850) obra idazteari ekin zion haren ohoretan. Bere lanak ia hamar urte argitaratu gabe egon ondoren, 1842. urtean hirugarren poema bilduma argitaratu zuen Ulysses eta Locksley poemak barne, eta 1847. urtean The Princess (Printzesa) kontakizun poema bilduma. 1853. urtean Wight uhartera erretiratu zen eta han egon zen 1869 arte. Garai hartan ere obra ugari argitaratu zuen: Ode on the Death of the Duke of Wellington (1852, Wellington dukearen heriotzari eskainitako oda), Maud and other Poems (1855, Maud eta beste poema batzuk), Idylls of the King (1859, Erregearen Idilioak), Enoch Arden (1864). 1875-1879 bitarteko urteetan historiari buruzko hiru drama idatzi zituen: Queen Mary (Maria erregina), Harold eta Becket. Poesian erabili zuen teknikarengatik, eta hizkuntzan eta pentsamenduan sakondu izanagatik maisu handitzat hartua izan da, bere garaiko gizarteak haren lanak ongi hartu ez zituen arren.

Alfred Tennyson
Irudi gehiago
Poet Laureate of the United Kingdom (en) 1850eko azaroaren 19a - 1892ko urriaren 6a Lorden Ganberako kidea
Bizitza
Jaiotza	Somersby (en) , 1809ko abuztuaren 6a
Herrialdea	Britainia Handia eta Irlandako Erresuma Batua
Heriotza	Aldworth (en) eta Haslemere, 1892ko urriaren 6a (83 urte)
Hobiratze lekua	Westminster abadia
Familia
Aita	George Clayton Tennyson
Ama	Elizabeth Fytch
Ezkontidea(k)	Emily Tennyson, Lady Tennyson (en)  (1850eko ekainaren 13a -
Seme-alabak	ikusi Hallam Tennyson, 2nd Baron Tennyson (en) Lionel Tennyson (en) [[[Unnamed] Tennyson|[Unnamed] Tennyson]] (en)
Anai-arrebak	ikusi Charles Tennyson Turner Emilia Tennyson (en) Edward Tennyson (en) Emily Tennyson (en) Mary Tennyson (en) Frederick Tennyson (en) Horatio Tennyson (en) George Tennyson (en) Cecilia Tennyson (en) Septimus Tennyson (en) Matilda Tennyson (en) Arthur Tennyson (en)
Hezkuntza
Heziketa	Trinity College King Edward VI Grammar School (en)
Hizkuntzak	ingelesa
Jarduerak
Jarduerak	poeta, politikaria eta idazlea
Lantokia(k)	Londres
Lan nabarmenak	ikusi The Charge of the Light Brigade (en) The Lady of Shalott (en)
Jasotako sariak	ikusi Royal Societyko kidea Chancellor's Gold Medal
Kidetza	Royal Society Arteen eta Zientzien Ameriketako Estatu Batuetako Akademia
Sinesmenak eta ideologia
Erlijioa	anglikanismoa