Afrika Bibang: Abeslari bizkaitarra
Afrika Bibang (Algorta, Bizkaia, 1975) abeslaria da.
Musika beltza kantatu du nagusiki, eta bakarlari, Ke No Falte zein Etsaiak taldeetan aritu da, besteak beste. Ekuatore Gineako etorkinen alaba. eta Euskalduna da bera. A ereduan egin zituen ikasketak, baina 14 urte zituenean AEKn euskara ikasten hasi zen. Orain, euskaraz nahiz gaztelaniaz eta ingelesez abesten du.
| Afrika Bibang | |
|---|---|
 | |
| Bizitza | |
| Jaiotza | Algorta, 1975 (48/49 urte) |
| Herrialdea |  Bizkaia, Euskal Herria |
| Lehen hizkuntza | fangera |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | abeslaria |
| Kidetza | Etsaiak |
| Genero artistikoa | soula |
| Musika instrumentua | ahotsa |
      | |
Bizitza
Gurasoak Ekuatore Gineakoak izaki, txikitatik entzun izan du musika beltza: Afrikako musika, soula, reggaea, jazza...
1993an hasi zuen bere musika ibilbidea, eta hasieratik ahotsa izan da bere instrumentua. 2004 arte korista lanak egin ditu bizkaitarrak. Ke No Falte reggae taldean hasi zen, eta gero hainbat urte egin zituen Lekeitioko Etsaiak bandarekin. Fermin Muguruzak ere bere ondoan nahi izan zuen, eta Brigadistak Sound System lanetik aurrera luzaroan kolaboratu zuten. Muguruza izan zen, hain zuzen ere, Afrika bakarlana argitaratzera animatu zuena, 2004an.
Atzerrian hainbat urtez ibili ondoren 2019an Euskal Herrira itzuli eta Nomada diskoa plazaratu zuen.
Diskografia
- Entzun (2004, Metak)
- Nomada (2019, Airaka)
- Ispiluaren aurrean (2021) (EP)
Erreferentziak
Kanpo estekak
Datuak: Q12252830
This article uses material from the Wikipedia Euskara article Afrika Bibang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.