Amafuthetshe: Uketshezi olugqamukayo olukhandeka ngokwemvelo
Amafuthetshe, aziwa nangokuthi amafutha angahluziwe, noma uwoyela nje, ayingxube yomCalahwanzi (hydrocarbon) owuketshezi omnyama-saphuzi okhandeka ngokwemvelo futhi otholakala ekwakhekeni kwamadwala.
Igama elithi amafuthetshe lihlanganisa kokubili amafutha angahluziwe akhandeka ngokwemvelo kanye nemikhiqizo ebandakanya amafutha ayifukutho elincakuziwe. Njengoba ayisivuthisi esiyintshico (fossil fuel), amafuthetshe akhandeka lapho izindimbane ezinkulu zeziphili ezifile, iningi lazo okuyiZiloleza (zooplankton) ne-algae, zigqibeka ngaphansi kwamadwala anzika futhi zibhekana nomchadamezo nomfutho isikhathi eside.
Amafuthetshe ngokuyinhloko afumaneka ngokuqopholoza (oil drilling). Ukuqopholoza kwenziwa emva kokwenziwa kocwaningo lokwakheka kwamadwala, nenhlaziyo yesifothongo esinzika. Izintuthukiso zakamuva zezobuchwepheshe ziye zaholela ekusetshenzisweni kwezinye izifothongo ezingavamile ezifana nesihlabathi samafutha namafutha womcengezi.
Lapho sewagqotshiwe, amafutha ayancakuzwa futhi ahlukaniswe, imvama ngokuthonzisa, kube imikhiqizo eminingi esebenza ngokuqondile ekulumbeni eminye. Imikhiqizo ehlanganisa izivuthisi ezifana nogazolo.
This article uses material from the Wikipedia isiZulu article Amafuthetshe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiZulu (DUHOCTRUNGQUOC.VN) is an independent company and has no affiliation with Wiki Foundation.