Euro

Den euro (symbool: €, ISO-code: EUR) is de munte van d' Europeesche Economische en Monetaire Unie en wordt gebruukt deur achttien lidstoatn van d' Europeesche Unie die d' Eurozone vormn:

  1. België
  2. Cyprus
  3. Duutsland
  4. Estland
  5. Finland
  6. Grieknland
  7. Holland
  8. Ierland
  9. Italië
  10. Krowoasje
  11. Letland
  12. Litouwn
  13. Luxemburg
  14. Malta
  15. Ôostnryk
  16. Portugal
  17. Slovakeye
  18. Slovenië
  19. Spanje
  20. Vrankryk
Euro
Euro
██ Eurozone (20) ██ ERM II-leedn (2) ██ EU-leedn die gin lid zyn van ERM II (5) ██ Gin EU-leedn die wel den euro gebruukn (2)
Euro
Bankbrieftjes en klutters van den euro

In 1992 wierd er in Maastricht beslist van den euro in te voern. De weirde van 1 euro zou gelykig zyn an 1 ECU (European Currency Unit). Vanof 1 januoari 1999 wierdn de koersn van andêeln en obligoasjes ip de beurze in euro weregegeevn. De bankbrieftjes en klutters kwoamn den 1ste januoari 2002 in circuloasje in 12 landn van d' Europeesche Unie, ook in Monaco, San Marino en Vaticoanstad. 't Was de grotste omwisseliengsoperoasje aller tydn.

Euromuntn en bankbrieftjes

Den euro is ounderverdêeld in 100 cent.

Der zyn euromuntn in acht verschillige weirdn: 1, 2, 5, 10, 20 en 50 cent, en €1 en €2. Êen kant van iedere munte, de gemêenschappelikke kant, is vor al de landn gelykig en is ountworpn deur Luc Luycx van de Koninklijke Munt van België. De weirde stoat er ip met e koarte van Europa ip den achterground. Den andere kant, de nationale kant, toogt e thema die specifiek is vor ieder ofzounderlik land, me 12 sterr'n van d' Europeesche Unie der round.

Der zyn zeevn bankbrieftjes: €5, €10, €20, €50, €100, €200 en €500 die ountworpn zyn deur den Ôostnryker Robert Kalina. Ieder brieftje verschilt in ofmetienge en in kleur en is gewyd an en artistieke periode van d' Europeesche architecteure. Ip de vôorkant stoan veisters en pôortn die de gêest van oopnheid en soamnwerkienge in Europa symboliseern. Ip den achterkant stoan brugg'n die symbool stoan vo de communicoasje tusschn de menschn in Europa en tusschn Europa en de reste van de weireld.

Weirde Joar van uutgifte Kleur Lengte (mm) Bridte (mm) Vôorkant Achterkant Ountwerp
€ 5 2013 Olyfgroen 120 62 Euro  Euro  Klassiek
€ 10 2002 Zalmroze 127 67 Euro  Euro  Romoans
€ 20 2002 Blauw 133 72 Euro  Euro  Gotisch
€ 50 2002 Oranje 140 77 Euro  Euro  Renaissance
€ 100 2002 Groen 147 82 Euro  Euro  Barok & Rococo
€ 200 2002 Geel 153 82 Euro  Euro  Yzer & Glas
€ 500 2002 Purper 160 82 Euro  Euro  Modern

Externe koppelienge

Euro 

Tags:

Europeesche Unie

🔥 Trending searches on Wiki West-Vlams:

LibiëTwiddn WeireldôorlogeWilly LustenhouwerLissabon1662VietnamJeniverSintekloai1949VaticoanstadFransAroabiesche toaleGregorioansche kalenderPoldersKoppenaksvoorde1928GroenselPaus Benedictus XVILia LindaBordeaux2021894MoaneTechnologieSpoakbêenOlseneMoeder lieve moederThérouanneIranAlnusSint EustatiusFolk DranouterChina17588 juni1926RongyUffizi17 juliDirk FrimoutHertachtignVierspuugnPoolsInternet9 juniOrdinatio ImperiiNoyelles by SikelinBollezeeleNavarraFriedl' Lesage1000ThorLuk AllooDépartement du Nord🡆 More