ᱯᱷᱨᱟᱱᱥ (French: ), officially the French Republic (French: République française, pronounced ), ᱫᱚ ᱤᱣᱨᱳᱯ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱚᱢ ᱠᱟᱱᱟ᱾ ᱱᱟᱜᱟᱢ ᱥᱮ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱯᱷᱨᱟᱱᱥ ᱫᱚ ᱟᱹᱰᱤ ᱡᱟᱹᱨᱩᱲ ᱫᱤᱥᱚᱢ ᱠᱟᱱᱟ᱾ ᱟᱛ ᱦᱟᱥᱟ ᱨᱮᱱᱟᱜ ᱡᱟᱜᱟ ᱞᱮᱠᱟᱛᱮ ᱤᱣᱨᱳᱯ ᱨᱮᱱᱟᱜ ᱛᱮᱥᱟᱨ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱯᱷᱨᱟᱱᱥ᱾ ᱦᱚᱲᱟᱜ ᱮᱞᱮᱞ ᱞᱮᱠᱟᱛᱮᱫᱚ ᱯᱩᱱᱟᱜ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾
ᱫᱷᱟᱹᱨᱛᱤ ᱨᱮᱱᱟᱜ ᱯᱟᱹᱪᱷᱤᱢ ᱫᱤᱥᱚᱢᱠᱩ ᱵᱷᱤᱛᱨᱤᱨᱮ ᱯᱷᱨᱟᱱᱥ ᱫᱚ ᱟᱹᱰᱤ ᱢᱟᱨᱮ ᱫᱤᱥᱚᱢ ᱠᱟᱱᱟ᱾ ᱯᱷᱨᱟᱱᱥ ᱨᱮᱱ ᱯᱩᱭᱞᱩ ᱦᱚᱲ ᱠᱩ ᱵᱟᱵᱚᱛ ᱟᱹᱰᱤ ᱢᱚᱡᱽᱛᱮ ᱵᱟᱝ ᱵᱟᱰᱟᱭ ᱟᱠᱟᱱᱟ᱾ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱯᱷᱨᱟᱱᱥ ᱨᱮ ᱜᱩᱦᱟᱹ ᱨᱮ ᱧᱟᱢ ᱟᱠᱟᱱ ᱪᱤᱛᱟᱹᱨ ᱠᱩ ᱫᱚ ᱡᱤᱥᱩᱣᱟᱜ ᱡᱟᱱᱟᱢ ᱠᱷᱚᱱ ᱑᱕᱐᱐᱐ ᱥᱮᱨᱢᱟ ᱞᱟᱦᱟ ᱨᱮᱱᱟᱜ ᱠᱟᱱᱟ᱾ ᱟᱹᱰᱤ ᱫᱤᱱ ᱯᱷᱨᱟᱱᱥ ᱨᱮᱫᱚ ᱨᱟᱡᱽ ᱥᱟᱥᱚᱱ ᱛᱟᱸᱦᱮᱸ ᱠᱟᱱᱟ᱾ ᱑᱗᱘᱙ ᱥᱮᱨᱢᱟ ᱨᱮ ᱯᱷᱚᱨᱟᱥᱤ ᱦᱩᱞ ᱛᱟᱭᱚᱢ ᱨᱟᱡᱽ ᱥᱟᱥᱚᱱ ᱫᱚ ᱨᱟᱹᱯᱩᱫ ᱮᱱᱟ᱾
ᱯᱩᱭᱞᱩ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱯᱷᱨᱟᱱᱥ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱡᱟᱜᱟᱛᱮ ᱦᱩᱭᱞᱮᱱᱟ᱾ ᱚᱱᱟ ᱠᱷᱟᱹᱛᱤᱨ ᱫᱤᱥᱚᱢ ᱦᱟᱞᱮᱰᱟᱞᱮ ᱪᱟᱵᱟ ᱞᱮᱱᱟ᱾ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱨᱮ ᱡᱟᱨᱢᱟᱱᱤ ᱩᱛᱟᱹᱨ ᱯᱷᱨᱟᱱᱥ ᱮ ᱫᱚᱠᱷᱚᱞ ᱞᱮᱛᱛᱮ ᱛᱟᱞᱟ ᱯᱷᱨᱟᱱᱥ ᱨᱮᱱᱟᱜ ᱵᱷᱤᱥᱤᱛᱮ (Vichy) ᱥᱚᱨᱠᱟᱨ ᱵᱮᱱᱟᱣ ᱦᱩᱭᱞᱮᱱᱟ᱾
ᱯᱷᱨᱟᱱᱥ ᱨᱮᱱᱟᱜ ᱚᱛ ᱦᱟᱥᱟ ᱟᱹᱰᱤ ᱱᱟᱱᱟᱦᱩᱱᱟᱹᱨ ᱜᱮᱭᱟ᱾ ᱩᱛᱟᱹᱨ ᱥᱮᱡ ᱫᱚ ᱪᱚᱯᱚᱫ ᱟᱨ ᱥᱚᱢᱟᱱ ᱜᱮᱭᱟ᱾ ᱫᱟᱹᱠᱷᱤᱱ ᱛᱟᱞᱟ ᱥᱮᱡ ᱫᱚ ᱩᱥᱩᱞ ᱜᱮᱭᱟ᱾ ᱯᱩᱨᱩᱵ ᱥᱮᱡ ᱫᱚ ᱦᱟᱹᱨᱤᱭᱟᱹᱲ ᱵᱩᱨᱩ ᱟᱨ ᱵᱚᱨᱚᱯᱷ ᱛᱮ ᱯᱮᱨᱮᱡ ᱟᱠᱟᱱ ᱟᱞᱯᱥ ᱵᱩᱨᱩᱢᱟᱞᱟ ᱢᱮᱱᱟᱜᱼᱟ᱾ ᱯᱷᱨᱟᱱᱥ ᱨᱮᱱᱟᱜ ᱢᱟᱨᱟᱝ ᱜᱟᱰᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱮᱱ, ᱞᱳᱭᱟᱨ, ᱜᱟᱨᱚᱱ ᱟᱨ ᱨᱳᱱ᱾
ᱯᱷᱚᱨᱟᱥᱤ ᱟᱹᱨᱤᱪᱟᱹᱞᱤ ᱫᱚ ᱟᱹᱰᱤᱜᱮ ᱥᱚᱨᱮᱥ ᱜᱮᱭᱟ᱾ ᱯᱷᱚᱨᱟᱥᱤ ᱫᱟᱠᱟ ᱩᱛᱩ ᱥᱮ ᱡᱚᱢᱟᱜ ᱵᱮᱱᱟᱣ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮᱜᱮ ᱟᱹᱰᱤ ᱧᱩᱛᱩᱢᱟᱱ ᱢᱮᱱᱛᱮ ᱞᱮᱠᱷᱟᱜᱼᱟ᱾
This article uses material from the Wikipedia ᱥᱟᱱᱛᱟᱲᱤ article ᱯᱷᱨᱟᱱᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.