Un pêtre ( pêtre) est eune bête sans héthèque à huit gambes, dé tchi l'corps et divisé en deux parties.
Ch't' articl'ye fut c'menchie en Jèrriais |
Les pêtres sont sans ailes et lus bouoches n'peuvent pon miâtchi.
Les pêtres font dans lus corps d'la souaie (un fi d'protéinne) qu'i' produîthent lé travèrs dé boutons. La souaie d'pêtre est faite sèrvi par les bêtes s'lon lus manniéthe. Bein des manniéthes dé pêtre font d's ithangnies ou des drannets à seule fîn dé happer lus mangi (d's însectes), mais des pêtres peuvent enhèrméler lus victînmes dans d'la souaie, construithe des nids ou enfliuber lus oeux. Y'a des p'tits pêtres tchi peuvent "voler" atout des longs fis d'souaie qu'lé vent happe.
Les pêtres n'sont pont d's însectes (l's însectes ont siêx gambes et des corps divisés en trais parties). Les pêtres sont cliâssifiés en Arachnida acanté les scorpions, les magots, les lâques, les brébions et tout chenna.
Viyant qu'i' n'peuvent pon miâtchi lus mangi, les pêtres chuchent lé litchide ès corps d'lus victînmes.
This article uses material from the Wikipedia Nouormand/Normaund article Pêtre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.