Marine Le Pen: Fransk advokat og politikar
Marine Le Pen (fødd 5.
august 1968) er ein fransk advokat og politikar. Ho har vore leiar av det franske partiet Front National sidan januar 2011. Le Pen er den yngste av dei tre døtrene til Jean-Marie Le Pen, og tok over leiarvervet etter far sin, som hadde leidd partiet sidan det vart etablert i 1972.
| Marine Le Pen | |||
.jpg) | |||
| Fødd | 5. august 1968 (55 år) Neuilly-sur-Seine | ||
|---|---|---|---|
| Statsborgar av | Frankrike | ||
| Parti | Rassemblement national (1986) | ||
| Yrke | politikar, advokat | ||
| Utdanna ved | Université Panthéon-Assas | ||
| Mor | Pierrette Lalanne | ||
| Far | Jean-Marie Le Pen | ||
| Ektefelle | Éric Iorio, Franck Chauffroy | ||
| Sambuar | Louis Aliot | ||
| Barn | Jehanne Chauffroy, Mathilde Chauffroy, Louis Chauffroy | ||
| Alle verv |
| ||
Marine Le Pen var presidentkandidat for Front National under presidentvalet i Frankrike 2017. Ho fekk 21,4 prosent av røystene i første runde av valet og kom dermed vidare til den andre runden. 23. april 2017 gjekk ho mellombels av som partileiar for å fokusere på presidentkandidaturen.
Marine Le Pen har lang bakgrunn frå Front National. Ho vart medlem av partiet allereie som attenåring i 1986, og har hatt ei rekke verv før ho til slutt vart partileiar. Valet av Marine Le Pen som leiar av Front National representerte ein kontinuitet i politikken til partien, men Marine Le Pen skil seg likevel frå far sin på einskilde område, ikkje minst i framtoning. Ho har eit uttalt mål om å betre ryktet til partiet, om å modernisere det, gjere det mer stuereint og utvide fokus til å handle om meir enn innvandring og tryggleik. Samstundes forfektar ho dei same prinsippa og har same politiske plattform som føregangaren.
Kjelder
- Espen Løkeland-Stai (14.09.2012). «Marine Le Pen». Store norske leksikon. Henta 1. mai 2017.
This article uses material from the Wikipedia Nynorsk article Marine Le Pen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.