किभ ( Ukrainian ; रूसी: Киев) युक्रेनको राजधानी तथा सबैभन्दा ठूलो जनसङ्ख्या भएको सहर हो। यो सहर निपर नदीको किनारमा उत्तर-मध्य युक्रेनमा अवस्थित छ। सन् २०१५ को जुलाई अनुसार यस सहरको जनसङ्ख्या २८,८७,९७४ रहेको थियो (यद्यपि प्रेसमा सङ्ख्यामा अधिक अनुमान उद्धृत गरिएको छ), किभ युरोपको छैठौँ ठूलो जनसङ्ख्या भएको सहर हो।
किभ पूर्वी युरोपको महत्त्वपूर्ण औद्योगिक, वैज्ञानिक, शैक्षिक र साँस्कृतिक केन्द्र हो। यो सहर उच्च प्राविधिक उद्योग, उच्च शिक्षण संस्थान र ऐतिहासिक स्थलहरूको ठाउँ हो। यस सहरमा किभ मेट्रो सहित सार्वजनिक यातायात र पूर्वाधारको विस्तृत प्रणाली छ।
१९औँ शताब्दीको अन्तमा रूसी साम्राज्यको औद्योगिक क्रान्तिमा यो सहर पुनः समृद्धि भएको थियो। सन् १९१८ मा युक्रेनी राष्ट्रिय गणतन्त्रले सोभियत रूसबाट स्वतन्त्रता घोषणा गरेपछि किभ यसको राजधानी भएको थियो। लाल सेनाले सन् १९२१ पछि किभ युक्रेनी सोभियत समाजवादी गणराज्यको सहर घोषणा गर्दै सन् १९३४ मा किभ यसको राजधनी थियो। यो सहर दोस्रो विश्वयुद्धको अवधिमा लगभग पूर्ण रूपमा ध्वस्त भएको थियो तर युद्ध पछि चाडै नै यसको उत्थान भएको थियो। यो सहर सोभियत सङ्घको तेस्रो सबैभन्दा ठूलो सहर बनेको थियो।
किभका मुख्य उद्योगहरू बिजुली, ग्यास, र पाणी आपुर्ती, (कुल औद्योगिक उत्पादनको २६ %), खाना, पेय पदार्थ र सुर्तीजन्य उत्पादन (२२%), रासायनिक (१७%), मेकानिकल इन्जिनियरिङ (१३%) र कागज र कागज उत्पादनहरूको निर्माण, रेकर्ड गरिएको मिडियाको प्रकाशन, मुद्रण र प्रजनन सहित (११%) जस्ता उद्योगहरू रहेका छन् । यहाँ तेल परिवहन संस्थानको मुख्यालय छ।
अलेक्ज्याण्डर भर्टिन्स्की, रूसी र सोभियत गायक, रचनाकार, कवि, क्याबरे कलाकार, र अभिनेता
आदर
नोटहरू
सन्दर्भ
This article uses material from the Wikipedia नेपाली article किभ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.