1989: ár

ár 20. aldar sem hófst á sunnudegi.

Janúar

 

• 2. janúar - Ranasinghe Premadasa tók við embætti sem þriðji forseti Srí Lanka.
• 4. janúar - Annað Sídraflóaatvikið: Tvær líbýskar herþotur voru skotnar niður af bandarískum Grumman F-14 Tomcat-herþotum.
• 7. janúar - Híróhító Japanskeisari lést og Akíhító tók við.
• 8. janúar - Kegworth-flugslysið: 47 létust þegar Boeing 737-þota frá British Midlands hrapaði við Kegworth.
• 10. janúar - Kúbumenn hófu að draga herlið sitt frá Angóla.
• 16. janúar - Dönsku fyrirtækin De Danske Spritfabrikker, De Danske Sukkerfabrikker og Danisco sameinuðust undir nafni þess síðastnefnda.
• 17. janúar - Skotárásin í Cleveland-barnaskólanum: Patrick Purdy skaut 5 börn til bana og særði 30 áður en hann framdi sjálfsmorð í Stockton í Kaliforníu.
• 20. janúar - George H. W. Bush tók við af Ronald Reagan sem forseti Bandaríkjanna.
• 21. janúar - Spaugstofan hóf göngu sína í sjónvarpi með þætti sínum 89 á stöðinni.
• 23. janúar - 275 manns fórust í jarðskjálfta sem gekk yfir Sovétlýðveldið Tadjikistan.
• 24. janúar - Bandaríski fjöldamorðinginn Ted Bundy var tekinn af lífi með rafmagnsstól.

Febrúar

 

• 2. febrúar - Síðustu hersveitir Sovétmanna yfirgáfu Afganistan og bundu þannig endi á níu ára styrjöld milli landanna.
• 2. febrúar - Tölvuleikurinn SimCity kom út í fyrsta skipti.
• 2. febrúar - Carlos Andrés Pérez varð forseti Venesúela.
• 3. febrúar - P. W. Botha sagði af sér embætti forseta Suður-Afríku.
• 3. febrúar - Einræðisherrann Alfredo Stroessner var hrakinn frá völdum í Paragvæ.
• 8. febrúar - Boeing 707-þota fórst á Asóreyjum. 144 fórust.
• 11. febrúar - Barbara Harris varð fyrsti kvenkyns biskup Bandarísku biskupakirkjunnar og fyrsti kvenbiskup í biskupakirkju um allan heim.
• 12. febrúar - Í illviðri settist selta á einangrara í spennistöð á Geithálsi við Reykjavík sem olli rafmagnsleysi á öllu Íslandi.
• 14. febrúar - Ruhollah Khomeini, leiðtogi Írans, hvatti múslima til að drepa Salman Rushdie fyrir skrif hans í bókinni Söngvar Satans.
• 14. febrúar - Hið fyrsta af 24 gervitunglum í GPS-kerfinu var sett á braut um Jörðu.
• 15. febrúar - Sovétríkin tilkynntu að allir þeirra hermenn hefðu yfirgefið Afganistan.
• 17. febrúar - Magrebbandalagið var stofnað.
• 24. febrúar - Söngvabyltingin: Fáni Eistlands var dreginn að húni í fyrsta sinn í 44 ár.
• 26. febrúar - Landslið Íslands í handknattleik karla sigraði heimsmeistarakeppni B-liða í París. Kristján Arason skoraði sitt þúsundasta mark í landsleik.
• 27. febrúar - Caracazo, hrina mótmæla, gripdeilda og morða, gekk yfir Caracas í Venesúela.

Mars

 

• 1. mars - Sala bjórs var leyfð aftur á Íslandi.
• 1. mars - Bandaríkin fullgiltu Bernarsáttmálann.
• 4. mars - Bandarísku fjölmiðlafyrirtækin Time Inc. og Warner Communications sameinuðust í Time Warner.
• 6. mars - Frjálsíþróttafélag ÍBV var stofnað í Vestmannaeyjum.
• 7. mars - Íran sleit stjórnmálasambandi við Bretland vegna Söngva Satans.
• 9. mars - Sovétríkin gengust undir lögsögu Alþjóðadómstólsins.
• 13. mars - Tim Berners-Lee bjó til skjal þar sem lögð voru drög að Veraldarvefnum.
• 14. mars - Mynd Magnúsar Guðmundssonar, Lífsbjörg í Norðurhöfum, var frumsýnd í Ríkissjónvarpinu. Grænfriðungar höfðu krafist lögbanns á sýninguna en fengu því ekki framgengt.
• 15. mars - Fyrirtækið Athygli almannatengsl var stofnað.
• 18. mars - 4.400 ára gömul múmía fannst í Giza-píramídanum í Egyptalandi.
• 23. mars - Stanley Pons og Martin Fleischmann lýstu því yfir að þeim hefði tekist að framkalla kaldan kjarnasamruna í rannsóknarstofu við Háskólann í Utah í Bandaríkjunum.
• 24. mars - Exxon Valdez lak 240.000 tunnum af olíu nálægt Alaska.
• 31. mars - Línuhraðall, tæki til geislameðferðar vegna krabbameina, var tekinn í notkun á Landspítala Íslands.

Apríl

 

• 2. apríl - Suðurafríska landamærastríðið: Átök brutust út milli skæruliða SWAPO og lögreglu Suðvestur-Afríku.
• 7. apríl - Sovéski kafbáturinn Komsomólets sökk í Barentshafinu undan strönd Noregs vegna eldsvoða. 42 sjómenn létu lífið.
• 8. apríl - Fyrsta Bónus-verslunin var opnuð við Skútuvog í Reykjavík.
• 9. apríl - 20 almennir borgarar létust í Tbilisi í Georgíu þegar Rauði herinn barði niður mótmæli.
• 9. apríl - Landamærastríð Máritaníu og Senegal hófst vegna deilna um beitarréttindi.
• 14. apríl- Game Boy kom fyrst á markað í Japan.
• 15. apríl - Hillsborough-slysið: 96 stuðningsmenn Liverpool F.C. létust í troðningi á leik liðsins við Nottingham Forest F.C.
• 19. apríl - Central Park-árásin: Ráðist var á skokkarann Trisha Meili og henni nauðgað og misþyrmt hrottalega í Central Park í New York-borg. Fimm unglingar voru dæmdir fyrir árásina en reyndust saklausir þegar hinn raunverulegi árásarmaður játaði sök sína mörgum árum síðar.
• 21. apríl - Um 100 þúsund kínverskir mótmælendur söfnuðust saman á Torgi hins himneska friðar í Beijing í Kína.
• 25. apríl - Motorola MicroTAC, þá minnsti farsími heims, kom á markað.
• 26. apríl - Banvænasti fellibylur allra tíma, Daulatpur-Saturia-fellibylurinn, gekk yfir Dhaka-hérað í Bangladess með þeim afleiðingum að 1300 fórust.
• 28. apríl - Jóhannes Páll 2. páfi hóf opinbera heimsókn til Madagaskar, Sambíu, Malaví og Réunion.

Maí

 

• 1. maí - Skemmtigarðurinn Disney-MGM Studios var opnaður í Walt Disney World í Flórída.
• 2. maí - Ungverjar hófu að taka Járntjaldið niður þegar 240 km af gaddavír voru fjarlægðir.
• 4. maí - Oliver North hlaut dóm fyrir þátttöku sína í Íran-Kontrahneykslinu.
• 6. maí - Hljómsveitin Riva sigraði Söngvakeppni evrópskra sjónvarpsstöðva 1989 með laginu „Rock Me“. Framlag Íslands, lagið „Það sem enginn sér“, fékk ekkert stig.
• 10. maí - Manuel Noriega forseti Panama lýsti því yfir að úrslit forsetakosninga þar sem hann tapaði fyrir Guillermo Endara væru ógild.
• 11. maí - Bandaríkin sendu 1900 hermenn til Panama til að vernda bandaríska ríkisborgara.
• 14. maí - Mikhaíl Gorbatsjev fór í opinbera heimsókn til Kína.
• 17. maí - Alþingi samþykkti lög um breytingu á verkaskiptingu ríkis og sveitarfélaga sem meðal annars fól í sér flutning á rekstri grunnskóla til þeirra síðarnefndu.
• 17. maí - Meira en milljón mótmælenda gengu í gegnum Beijing og kröfðust lýðræðisumbóta.
• 18. maí - Verkfalli Bandalags háskólamanna lauk og hafði það staðið í sex vikur og valdið mikilli röskun á skólastarfi og fleiru.
• 20. maí - Stjórn Alþýðulýðveldisins Kína lýsti yfir gildistöku herlaga í Beijing.
• 26. maí - Vändåtberget-þjóðgarðurinn var stofnaður í Svíþjóð.
• 29. maí - Mótmælendur á Torgi hins himneska friðar í Kína afhjúpuðu 10 metra háa styttu af Gyðju lýðræðisins.
• 31. maí - Sex félagar í Byltingarhreyfingunni Túpac Amaru í Perú myrtu átta homma og klæðskiptinga á bar í borginni Tarapoto.

Júní

 

• 3. júní - Jóhannes Páll páfi 2. kom í tveggja daga heimsókn til Íslands.
• 3. júní - Átök brutust út milli Úsbeka og Tyrkja í Sovétlýðveldinu Úsbekistan. 100 létust í átökunum sem stóðu til 15. júní.
• 4. júní - Aðgerðir kínverskra stjórnvalda til að brjóta á bak aftur mótmæli á Torgi hins himneska friðar urðu að blóðbaði sem sýnt var frá í sjónvarpi í beinni útsendingu.
• 4. júní - Samstaða vann yfirburðasigur í þingkosningum í Póllandi.
• 4. júní - Lestarslysið í Ufa: 575 létust þegar neistar frá lestarvögnum ollu sprengingu í lekri gasleiðslu.
• 5. júní - Óþekktur kínverskur mótmælandi tók sér stöðu fyrir framan röð af skriðdrekum á Torgi hins himneska friðar í Beijing og stöðvaði þá tímabundið.
• 6. júní - Írönsk yfirvöld hættu við útför Ruhollah Khomeini eftir að fylgjendur hans höfðu nærri steypt kistu hans til jarðar til að ná bútum af líkklæðinu.
• 7. júní - 176 fórust þegar Surinam Airways flug 764 hrapaði í Paramaribo.
• 12. júní - Umdeild sýning á verkum Robert Mapplethorpe var tekin niður í Corcoran Gallery of Art í Washington D.C.
• 13. júní - Flak þýska orrustuskipsins Bismarck fannst 970 km vestan við Brest í Frakklandi.
• 16. júní - Kaupfélag Hvammsfjarðar óskaði eftir gjaldþrotaskiptum.
• 16. júní - 250.000 manns komu saman á Hetjutorginu í Búdapest til að taka þátt í endurgreftrun Imre Nagy sem tekinn var af lífi 1958.
• 18. júní - Búrma tók upp opinbera heitið Mjanmar.
• 21. júní - Breska lögreglan handtók 250 manns sem héldu upp á sumarsólstöður við Stonehenge.
• 22. júní - Háskólarnir Dublin City University og University of Limerick tóku til starfa á Írlandi.
• 24. júní - Jiang Zemin varð aðalritari Kínverska kommúnistaflokksins.
• 26. júní - Christer Pettersson var dæmdur í lífstíðarfangelsi í Svíþjóð fyrir morðið á Olof Palme.
• 30. júní - Omar al-Bashir steypti Sadiq al-Mahdi af stóli í Súdan.

Júlí

 

• 5. júlí - Fyrsti Seinfeldþátturinn fór í loftið í Bandaríkjunum.
• 5. júlí - P. W. Botha, forseti Suður-Afríku, og andófsmaðurinn Nelson Mandela hittust augliti til auglitis í fyrsta sinn.
• 9. júlí - Vesturþýsku tennisleikararnir Steffi Graf og Boris Becker unnu til verðlauna á Wimbleton-meistaramótinu.
• 10. júlí - Um 300.000 kolanámumenn í Síberíu fóru í verkfall. Þetta var stærsta verkfall í Sovétríkjunum frá 3. áratug 20. aldar.
• 14. júlí - Í Frakklandi var haldið upp á 200 ára afmæli Frönsku byltingarinnar.
• 17. júlí - Langferðabíll með 27 farþega hrapaði niður í 40 metra djúpt gil er hann fór út af veginum á Möðrudalsöræfum. Farþegarnir voru norrænir jarðfræðingar og sluppu flestir þeirra lítt meiddir.
• 17. júlí - Bandaríska sprengjuflugvélin Northrop Grumman B-2 Spirit flaug jómfrúarflug sitt.
• 17. júlí - Austurríki sótti um aðild að Evrópubandalaginu.
• 18. júlí - Bandaríska leikkonan Rebecca Schaeffer var myrt af geðsjúkum aðdáanda. Atvikið leiddi til setningar fyrstu laga gegn eltihrellum í Kaliforníu.
• 19. júlí - Á Kolbeinsey, 74 km norðvestur af Grímsey, var hafin bygging þyrlupalls með áfestum ratsjárspeglum og jarðskjálftamælum.
• 19. júlí - Pólska þingið kaus Wojciech Jaruzelski sem forseta landsins.
• 19. júlí - United Airlines flug 232 hrapaði við Sioux City í Iowa með þeim afleiðingum að 112 létust, en 184 björguðust.
• 20. júlí - Hvalveiðum Íslendinga lauk um sinn er síðasti hvalur samkvæmt vísindaáætlun var veiddur.
• 20. júlí - Aung San Suu Kyi var hneppt í stofufangelsi í Mjanmar.
• 21. júlí - Fyrstu íslensku IP-tengingunni við útlönd var komið á frá Tæknigarði við Háskóla Íslands.
• 26. júlí - Robert Tappan Morris var dæmdur í þriggja ára skilorðsbundið fangelsi fyrir að hafa skrifað Morris-orminn.
• 27. júlí - Chamoy Thipyaso og vitorðsmenn hennar voru dæmd til lengstu fangelsisvistar sem þekkst hafði í heiminum fram að því, eða í 141.078 ár.

Ágúst

 

• 2. ágúst - Pakistan varð aftur aðili að Breska samveldinu eftir úrsögn árið 1972.
• 5. ágúst - Jaime Paz Zamora varð forseti Bólivíu.
• 7. ágúst - Bandaríski þingmaðurinn Mickey Leland fórst ásamt 15 öðrum í flugslysi í Eþíópíu.
• 8. ágúst - STS-28: Geimskutlan Columbia hélt í 5 daga leynilega geimferð.
• 9. ágúst - Savings and loan-kreppan: Bandaríkjaforseti undirritaði lög um mestu björgunaraðgerðir sögunnar handa fjármálafyrirtækjum.
• 10. ágúst - Colin Powell varð fyrsti þeldökki forseti herráðs sameinaðs herafla Bandaríkjanna.
• 15. ágúst - F. W. de Klerk varð sjöundi og síðasti forseti Suður-Afríku á tímum aðskilnaðarstefnunnar.
• 17. ágúst - Ali Akbar Hashemi Rafsanjani var kjörinn forseti Írans með miklum meirihluta.
• 18. ágúst - Kólumbíski forsetaframbjóðandinn Luis Carlos Galán var myrtur í Bogotá.
• 19. ágúst - Friðarsamkoman Samevrópska lautarferðin var haldin á landamærum Austurríkis og Ungverjalands.
• 19.-21. ágúst - Kólumbíska lögreglan handtók 11.000 grunaða eiturlyfjasala vegna morða á háttsettum embættismönnum og forsetaframbjóðanda.
• 20. ágúst - Marchioness-slysið: 51 drukknaði þegar dýpkunarprammi sigldi á skemmtibátinn Marhioness á Thames í London.
• 23. ágúst - Íbúar Eistlands, Lettlands og Litháens mynduðu 600 km langa mennska keðju og kröfðust frelsis og sjálfstæðis.
• 24. ágúst - Eiturlyfjabarónar Kólumbíu lýstu ríkisstjórn landsins stríði á hendur.
• 24. ágúst - Fyrsta einkarekna sjónvarpsstöð Indónesíu, RCTI, hóf útsendingar.

September

 

• 5. september - Leikarar úr Leikfélagi Reykjavíkur fluttu sig formlega úr Iðnó yfir í Borgarleikhúsið.
• 8. september - Fjórir fatlaðir menn komu til Reykjavíkur á hjólastólum eftir 5 daga ferð frá Akureyri til þess að kynna Sjálfsbjörgu.
• 10. september - Þriðja ráðuneyti Steingríms Hermannssonar tók til starfa.
• 16. september - Erró, Guðmundur Guðmundsson listmálari, gaf Reykjavíkurborg tvö þúsund listaverk eftir sig og var safninu komið fyrir á Korpúlfsstöðum.
• 17. september - Tvö tankskip rákust á við austurströnd Bretlands. 100 tonn af olíu láku úr þeim.
• 17.-22. september - Fellibylurinn Húgó olli mikilli eyðileggingu í Karíbahafi og suðausturhluta Bandaríkjanna.
• 19. september - UTA flug 772 sprakk yfir Níger með þeim afleiðingum að 171 fórst. Samtökin heilagt stríð lýstu ábyrgð á hendur sér.
• 21. september - Universidade do Estado de Minas Gerais var stofnaður í Brasilíu.
• 21. september - Tónleikahúsið Olavshallen var vígt í Þrándheimi.
• 23. september - Borgarastyrjöldin í Líbanon: Vopnahlé tók gildi.
• 26. september - Víetnam dró síðustu hermenn sína frá Kambódíu og batt þannig enda á 11 ára hersetu.
• 30. september - Um 7.000 Austur-Þjóðverjar sem komu með lest til Prag fengu að halda áfram til Vestur-Evrópu.
• 30. september - Senegambíusambandið leystist upp vegna landamæradeilna.
• 30. september - Friðarsamningar sem bundu enda á Borgarastyrjöldina í Líbanon voru undirritaðir í Sádí-Arabíu.

Október

 

• 1. október - Í Danmörk var óvígð sambúð tveggja einstaklinga af sama kyni heimiluð.
• 3. október - Stjórn Austur-Þýskalands lokaði landamærunum að Tékkóslóvakíu til að hindra frekari fólksflótta til Vestur-Evrópu.
• 5. október - Dalai Lama hlaut friðarverðlaun Nóbels.
• 7. október - Í Reykjavík var opnuð sýning í tilefni af 150 ára afmæli ljósmyndunar. Á sýningunni var meðal annars mynd af Rannveigu Hallgrímsdóttur, en hún var systir Jónasar skálds.
• 7. október - Fyrstu fjöldamótmælin gegn stjórn Austur-Þýskalands hófust í Plauen.
• 13. október - Dow Jones-vísitalan féll um 190,58 stig vegna hruns áhættubréfamarkaðarins.
• 15. október - Suðurafríski andófsmaðurinn Walter Sisulu var leystur úr haldi.
• 17. október - Loma Prieta-jarðskjálftinn (7,1 á Richterskvarðanum) í San Francisco-flóa olli 63 dauðsföllum.
• 18. október - NASA skaut Galileo-geimfarinu á loft.
• 18. október - Leiðtogi Austur-Þýskalands, Erich Honecker, var neyddur til að segja af sér. Egon Krenz tók við.
• 19. október - Fjórmenningarnir frá Guildford voru leystir úr haldi.
• 19. október - Sýningartjaldið Wonders of Life var opnað í skemmtigarði Walt Disney, Epcot.
• 21. október - Þjóðhöfðingjar ríkja Breska samveldisins gáfu út Langkawi-yfirlýsinguna um að sjálfbærni skyldi vera eitt af forgangsverkefnum sambandsins.
• 20. október - Borgarleikhúsið var formlega vígt.
• 23. október - Mátyás Szűrös forseti Ungverjalands lýsti yfir stofnun lýðveldis.
• 24. október - Íslandsdeild samtakanna Barnaheill var stofnuð.
• 31. október - Hálf milljón manna tók þátt í fjöldamótmælum í Leipzig.

Nóvember

 

• 1. nóvember - Landamærin milli Austur-Þýskalands og Tékkóslóvakíu voru opnuð á ný.
• 3. nóvember - Austurþýskir flóttamenn komu til vesturþýska bæjarins Hof eftir að hafa farið gegnum Tékkóslóvakíu.
• 4. nóvember - Fellibylurinn Gay olli miklu tjóni í héraðinu Chumphon í Taílandi.
• 6. nóvember - Fyrsti fundurinn í Efnahagssamstarfi Asíu- og Kyrrahafsríkjanna var haldinn í Ástralíu.
• 7. nóvember - Kommúnistastjórnin í Austur-Þýskalandi sagði af sér en Egon Krenz var áfram þjóðhöfðingi.
• 9. nóvember - Fall Berlínarmúrsins: Günter Schabowski lýsti því í sjónvarpi af misgáningi að för til Vestur-Berlínar yrði heimil strax.
• 12. nóvember - Fyrstu forsetakosningarnar frá 1960 voru haldnar í Brasilíu.
• 14. nóvember - SWAPO vann sigur í kosningum í Namibíu.
• 17. nóvember - Flauelsbyltingin hófst í Tékkóslóvakíu. Friðsamir mótmælendur voru grimmdarlega barðir niður af óeirðalögreglunni í Prag.
• 17. nóvember - Disneymyndin Litla hafmeyjan var frumsýnd.
• 21. nóvember - Stjórnlagaþing Namibíu hóf að semja drög að stjórnarskrá Namibíu.
• 22. nóvember - Forseti Líbanons, René Moawad, var drepinn í sprengjutilræði.
• 25. nóvember - Hellarannsóknafélag Íslands var stofnað í Reykjavík.
• 26. nóvember - Fyrsta Vendée Globe-siglingakeppnin hófst.
• 28. nóvember - Flauelsbyltingin: Tékkneski kommúnistaflokkurinn tilkynnti að frjálsar kosningar yrðu haldnar.
• 29. nóvember - Forsætisráðherra Indlands, Rajiv Gandhi, sagði af sér eftir að flokkur hans tapaði helmingi þingsæta sinna.

Desember

 

• 1. desember - Tilraun herforingja á Filippseyjum til að velta Corazon C. Aquino úr stóli hófst.
• 3. desember - Öll stjórn sósíalíska einingarflokksins í Austur-Þýskalandi sagði af sér, þar á meðal Egon Krenz.
• 6. desember - Blóðbaðið í Montréal: Marc Lépine myrti 14 konur og særði 10 í skólanum École Polytechnique de Montréal.
• 6. desember - Síðasti Doctor Who-þátturinn í upphaflegu þáttaröðunum var sendur út á BBC.
• 6. desember - 52 létust í sprengjutilræði við DAS-bygginguna í Bogotá í Kólumbíu.
• 7. desember - Söngvabyltingin: Sovétlýðveldið Litháen varð fyrst til að afnema einræði kommúnistaflokksins.
• 14. desember - Chile hélt sínar fyrstu frjálsu kosningar í 16 ár.
• 15. desember - Eiturlyfjabaróninn José Gonzalo Rodríguez Gacha var drepinn af kólumbísku lögreglunni.
• 17. desember - Brasilía hélt sínar fyrstu frjálsu kosningar í 25 ár.
• 17. desember - Byltingin í Rúmeníu hófst með því að mótmælendur réðust inn í höfuðstöðvar rúmenska kommúnistaflokksins í Timișoara.
• 17. desember - Fyrsti heili Simpsonsþátturinn var sendur út. Þetta var jólaþáttur.
• 20. desember - Bandaríkin réðust inn í Panama til að steypa Manuel Noriega af stóli.
• 21. desember - Leiðtogi Rúmeníu, Nicolae Ceaușescu, hélt ræðu frammi fyrir 110.000 manns utan við höfustöðvar kommúnistaflokksins í Búkarest. Fólkið gerði hróp að honum og hann skipaði hernum að ráðast gegn því.
• 22. desember - Ion Iliescu tók við sem forseti Rúmeníu.
• 24. desember - Á Stórhöfða í Vestmannaeyjum komst vindur í 120 hnúta (224 km/klst) í hviðu, sem jafnaði eldra met. Þetta met var svo slegið 3. febrúar 1991.
• 25. desember - Nicolae Ceausescu og konan hans, Elena, voru tekin af lífi í Rúmeníu.
• 29. desember - Vaclav Havel settur forseti Tékkóslóvakíu. Þar með endaði Flauelsbyltingin.

Ódagsettir atburðir

• Voyager 2-geimfarið uppgötvaði nýja gerð af eldstöðvum á Tríton: lághitaeldstöð.
• Körfuknattleiksdeild UMFB var stofnuð.
• Listasafn Færeyja var stofnað í Þórshöfn.
• Tryggingafélagið VÍS var stofnað í Reykjavík.
• Hljómsveitin Insane Clown Posse var stofnuð.
• Hljómsveitin Skítamórall var stofnuð.
• Íslensk orðsifjabók kom út.
• Norska hljómsveitin CC Cowboys var stofnuð.
• Íslenska húsbréfakerfið var stofnað.
• Hryðjuverkasamtökin Al-Kaída voru stofnuð.
• Breska hljómsveitin The Verve var stofnuð.
• Fyrirtækið Þyrluþjónustan var stofnað á Íslandi.
• Tölvuleikurinn Minesweeper kom út.
• Rússneska fyrirtækið Gazprom var stofnað.

• 8. janúar - Kristján Einar Kristjánsson, íslenskur akstursíþróttamaður.
• 12. janúar - Axel Witsel, belgískur knattspyrnumaður.

 

• 2. febrúar - Alfreð Finnbogason, íslenskur knattspyrnumaður.
• 21. febrúar - Corbin Bleu, bandarískur leikari.
• 24. febrúar - Kosta Koufos, grísk-bandarískur körfuknattsleikmaður.
• 24. febrúar - Trace Cyrus, bandarískur gítarleikari, lagahöfundur og söngvari.
• 1. mars - Carlos Vela, mexíkóskur knattspyrnumaður.
• 27. mars - Ólafur Gústafsson, íslenskur handknattleiksmaður.
• 7. apríl - Sylwia Grzeszczak, pólsk söngkona.
• 22. apríl - Aron Einar Gunnarsson, íslenskur knattspyrnumaður.
• 5. maí - Chris Brown, bandarískur söngvari.
• 29. maí - Eyþór Ingi Gunnlaugsson, íslenskur söngvari.
• 2. júní - Freddy Adu, knattspyrnumaður frá Gana.
• 19. júní - Ögmundur Kristinsson, íslenskur knattspyrnumaður.
• 21. júní - Abubaker Kaki Khamis, súdanskur hlaupari.

 

• 23. júlí - Daniel Radcliffe, breskur leikari.
• 15. ágúst - Joe Jonas, söngvari (Jonas Brothers).
• 19. ágúst - Sara Nuru, þýsk fyrirsæta.
• 21. ágúst - Hayden Panettiere, bandarísk leikkona.
• 8. september - Gylfi Þór Sigurðsson, íslenskur knattspyrnumaður.
• 13. september - Thomas Müller, þýskur knattspyrnumaður.
• 17. nóvember - Emmsjé Gauti, íslenskur tónlistarmaður.
• 13. desember - Taylor Swift, bandarísk söngkona og lagasmiður, gítarleikari og leikkona.
• 19. desember - Valdimar Bergstað, íslenskur hestamaður.
• 22. desember - Jordin Sparks, bandarísk söngkona, sigurvegari 6. þáttaraðar American Idol.
• 30. desember - Ryan Sheckler, bandarískur atvinnuhjólabrettamaður.

• 7. janúar - Showa keisari í Japan (f. 1901).
• 23. janúar - Salvador Dalí, spænskur listamaður (f. 1904).
• 24. janúar - Ted Bundy, bandarískur fjöldamorðingi (f. 1946).
• 31. janúar - William Stephenson, kanadískur njósnari (f. 1897).
• 31. janúar - Kristján Albertsson, íslenskur rithöfundur (f. 1897).
• 20. febrúar - Manuel Rosas, mexíkóskur knattspyrnumaður (f. 1912).
• 19. mars - Finnbogi Rútur Valdimarsson, íslenskur stjórnmálamaður (f. 1906).
• 16. apríl - Brynjólfur Bjarnason, íslenskur stjórnmálamaður (f. 1898).
• 19. apríl - Daphne du Maurier, breskur rithöfundur (f. 1907).
• 30. apríl - Sergio Leone, ítalskur leikstjóri (f. 1929).
• 18. maí- Gunnar Nielsen, formaður Knattspyrnufélagsins Fram (f. 1914).
• 22. maí - Rush Rhees, bandarískur heimspekingur (f. 1905).
• 26. maí - Don Revie, enskur knattspyrnuþjálfari (f. 1927).

 

• 3. júní - Ayatollah Ruhollah Khomeini, íranskur shíta-leiðtogi (f. 1900).
• 27. júní - Alfred Jules Ayer, breskur heimspekingur (f. 1910).
• 2. júlí - Wilfrid Sellars, bandarískur heimspekingur (f. 1912).
• 6. júlí - János Kádár, ungverskur stjórnmálamaður (f. 1912).
• 11. júlí - Laurence Olivier, enskur leikari (f. 1907).
• 16. júlí - Herbert von Karajan, austurrískur hljómsveitarstjóri (f. 1908).
• 4. september - Ronald Syme, nýsjálenskur sagnfræðingur (f. 1903).
• 22. september - Irving Berlin, rússneskt-bandarískt tónskáld (f. 1888).
• 4. október - Secretariat, bandarískur veðhlaupahestur (f. 1970).
• 6. október - Bette Davis, bandarísk leikkona (f. 1908).
• 22. október - Ewan MacColl, enskur þjóðlagasöngvari (f. 1915).
• 23. október - Carl Billich, íslenskur hljómsveitarstjóri (f. 1911).
• 6. nóvember - Margarete Buber-Neumann, þýskur kommúnisti (f. 1901).
• 14. desember - Andrei Sakarov, sovéskur kjarneðlisfræðingur (f. 1921).
• 21. desember - Stefán A. Pálsson, íslenskur kaupmaður (f. 1901).
• 22. desember - Samuel Beckett, írskt leikskáld (f. 1906).
• 25. desember - Nicolae Ceausescu, forseti Rúmeníu (f. 1918).

• Eðlisfræði - Norman F. Ramsey, Hans G. Dehmelt, Wolfgang Paul
• Efnafræði - Sidney Altman, Thomas R Cech
• Læknisfræði - J Michael Bishop, Harold E Varmus
• Bókmenntir - Camilo José Cela
• Friðarverðlaun - Tenzin Gyatso, 14. Dalai Lama
• Hagfræði - Trygve Haavelmo