Le Guerra Frigide refere al periodo de confrontation e rivalitate inter le bloco del statos communista, dirigite principalmente per le URSS, e isto del statos capitalista, dirigite principalmente per le SUA.
Le Guerra Frigide durava approximativemente de 1949 (data del fondation del Republica federal german e del consolidation de regimes communista in Europa del est) usque 1989 (data del cadita del Muro de Berlin e del revolution sanguilente in Romania contra le regime de Nicolae Ceaușescu). Iste periodo se caracterisava per menacias de guerra nuclear (como le Crise cuban a missilios in 1962), per guerras inter «substitutos» appoiate per le URSS e le SUA (como le guerras civil in Mozambique, Angola e Nicaragua, le conflicto inter Israel e su vicinos arabe, etc.) e per plure guerras «calde» (como in Corea, Vietnam e Afghanistan).
Guerra Frigide |
---|
instantia de: cold war[*], perpetual war[*], proxy war[*], historical period[*] |
subclasse de: low-intensity conflict[*] |
|
precedite per: Secunde Guerra Mundial , succedite per: post–Cold War era[*] |
initio: 1945 , fin: 25 decembre 1991 |
Commons: Cold War |
Le duo alliantias le plus importante del Guerra Frigide era le OTAN e le Pacto de Varsovia. Le Statos Unite organisava anque altere alliantias como le OTASE in Asia e le Pacific, CENTO in Asia central, ANZUS con Australia e Nove Zelanda, etc. Le URSS possedeva equalmente alteres, como le Pacto sino-sovietic. Multe nationes refusava le alliantia e del URSS e del SUA. Sub le impulsion de Yugoslavia, India e Indonesia, inter alteres, illos creava le Movimento non alineate. In 1963, le Republic popular de China rumpeva su alliantia con le Union sovietic.
Le Guerra Frigide ha continuate a influentiar relationes international post 1989, como le Guerras del Congo (1996-7 e 1998-2002), tensiones inter le RPC e Taiwan, le division de Corea, le embargo statounitense contra Cuba, etc.
This article uses material from the Wikipedia Interlingua article Guerra Frigide, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.