Pobo Oseto

(en oseto: ир, ирæттæ, ir, irættæ; дигорæ, дигорæнттæ, digoræ, digorænttæ) son un grupo étnico da cordilleira do Cáucaso, nativos da rexión coñecida como Osetia. Falan a lingua oseta, unha lingua irania oriental (escita) da familia de linguas indoeuropeas, e moitos tamén son falantes fluídos de ruso como segunda lingua. O oseto non está relacionado nin é mutuamente intelixible con ningunha outra lingua irania. O oseto, un remanente do grupo dialectal escita-sármata que outrora era falado por toda a estepa, é a única lingua irania nativa de Europa.

Pobo oseto
Home oseto en 1881.
Poboación
Poboación total: c  750 000
Rexións principais:
Rusia	558 515
(en Osetia do Norte)	480 310
Osetia do Sur	51 000
Xeorxia (excluíndo Osetia do Sur)	39 426
Turquía	50 000
Ucraína	4 830
Letonia	256
Estonia	116
Aspectos culturais
Lingua	Oseto, ruso e xeorxiano
Relixión	Igrexa Ortodoxa, con importantes minorías que practican o uatsdin e islam
Grupos relacionados	Outros pobos iranios: escitas, sármatas e alanos

Na súa maioría, os osetos son cristiáns ortodoxos, cunha salientable minoría que practica o uatsdin e o islam.

Os osetos viven maioritariamente en Osetia, que está politicamente dividada entre Osetia do Norte-Alania en Rusia, e Osetia do Sur, que dende o conflito de Osetia do Sur de 2008 converteuse de facto nun estado independente de Xeorxia.

Os seus parentes máis achegados, os jász, viven na rexión de Jászság, no norte do condado de Jász-Nagykun-Szolnok, en Hungría.

Bibliografía

• Nasidze; et al. (maio de 2004). "Mitochondrial DNA and Y-Chromosome Variation in the Caucasus". Annals of Human Genetics 68: 205. 
• Nasidze; et al. (2004). "Genetic Evidence Concerning the Origins of South and North Ossetians" (PDF). Arquivado dende o orixinal (PDF) o 12 de xaneiro de 2012. Consultado o 23 de novembro de 2017.