Marine Le Pen: Dlíodóir agus polaiteoir Francach
Polaiteoir Francach, ar dheis ar fad, is ea Marion Anne Perrine Le Pen, nó Marine Le Pen (fuaimnítear é: ) mar is fearr aithne uirthi.
Rugadh í ar an 5 Lúnasa 1968 i Neuilly-sur-Seine na Fraince. Is é an gríosóir Jean-Marie Le Pen a hathair.
.jpg)
_01.jpg)
Ón mbliain 2011 amach, tá sí ina ceannaire ar an bhFront National nó inniu, an Rassemblement National (Gaeilge: 'Fronta' nó 'Slógadh Náisiúnta'); bhunaigh a hathair an páirtí sa bhliain 1972. Tá an RN go mór ar an eite dheis.
.jpg)
_(cropped1).jpg)
Gairm
Bhí Marine Le Pen ina feisire i bParlaimint na hEorpa idir 2004 - 2017. Bhí costais neamhrialta aici Bhí na fiosruithe fós ag dul ar aghaidh sa bhliain 2022.
Sa bhliain 2015, rinne sí idirbheartaíocht i Moscó chun iasachtaí don RN a thógáil amach (bhí na fiacha seo fós amuigh sa bhliain 2022).
Toghadh chun na parlaiminte í sa bhliain 2017.
Toghchán 2017
Ar an 23 Aibreáin 2017, an lá na chéad céime an toghcháin uachtaránacha, bhain sí 21% na nguthanna, sa dara háit agus amhlaidh á chur isteach sa dara chéim.
Is sa díospóireacht teilifíse idir Macron agus Marine Le Pen ar an 3 Bealtaine ba shoiléire an difríocht idir an bheirt iarrthóirí. Labhair Macron go stuama, sothuigthe, socair. Cuid den phort a bhí ag Macron ná dlús a chur leis an gcomhoibriú idirnáisiúnta, an euro a neartú, agus fáilte thar teorainn isteach a chur roimh aicmí éagsúla daoine.
Ar an 7 Bealtaine, an lá na dara céime, bhain Le Pen 34% na nguthanna. Chaill sí gach uile départment sa tír seachas péire sa tuaisceart, Pas-de-Calais agus Aisne (101 département atá sa tír ar fad). Sa deireadh thiar, beagán le cois ar 20 milliún vóta a fuair Macron agus taobh le 10 milliún a bhí a chéile comhraic.
_05.jpg)
Toghchán 2022
Bhí feachtas Le Pen an babhta seo dírithe níos mó ar an gcostas maireachtála do ghnáth-shaoránaigh na Fraince, agus shílfeá nach raibh an oiread céanna béime aici ar cheist na n-inimirceach agus an phobail Ioslamaigh. Ach ní raibh haon chabhair dá cás é go raibh an geilleagar ag neartú ó toghadh Macron sa bhliain 2017.
Nuair a thug Le Pen agus Macron aghaidh ar a chéile le linn díospóireacht teilifíse, cháin Macron an cosc ar chaitheamh scairfeanna Moslamacha atá beartaithe ag Le Pen a chur i bhfeidhm má thoghtar í – dar léi gur “éide éigeantach” í an scairf a gcuireann Ioslamaigh iachall ar mhná í a chaitheamh.
Chuir Macron i leith Le Pen go raibh sí ró-spleách ar an Rúis toisc airgead a bheith faighte ar iasacht ag RN ó bhainc sa Rúis. Chosain Le Pen na hiasachtaí – ní raibh aon dul as aici ach airgead a lorg thar lear, a dúirt sí, toisc nach raibh bainc sa Fhrainc toilteanach iasachtaí a thairiscint dá gluaiseacht. Cé gur thagair Le Pen le linn na díospóireachta d’ionsaí na Rúise ar an Úcráin (bhí “líne dhearg” trasnaithe ag an Rúis, dar léi) ní raibh aon fhreagra éifeachtach aici ar bhuncháineadh Emmanuel Macron. Bhí sí faoi anáil Vladimir Putin mar gheall ar na hiasachtaí, a dúirt sé, mar a léirigh an tacaíocht a thug sí d’fhorghabháil na Crimé in 2015 agus a cáineadh ar smachtbhannaí in aghaidh na Rúise a moladh ó shin.
Ar 10 Aibreán 2022, vótáil 28% i bhfabhar Macron sa chéad bhabhta agus 23% i bhfabhar Le Pen. Thug thart ar leath na vótálaithe tacaíocht mar sin d’iarrthóirí eile.
Ar 24 Aibreán 2022, chloígh Macron a chéille comhraic,Marine Le Pen sa dara babhta vótála d'uachtaránacht na tíre; 59% de sciar an vóta a fuair Macron. Díol imní dó gur thit a thacaíocht ón toghchán deiridh ansin i 2017; bhí tacaíocht Le Pen agus an páirtí atá i bhfad ar dheis, méadaithe (34% sa bhliain 2017, 41̤̤̤% in 2022).
Pearsanta
Phós sí dhá uair agus tá triúr clainne uirthi.
Sa bhliain 2022, rinne Le Pen iarracht aghaidh dhaonna a chur ar an RN. Tháinig sé chun solais go bhfuil cúpla cat ag Marine Le Pen agus taitníonn Karaoke léi.
Féach freisin
Tagairtí
This article uses material from the Wikipedia Gaeilge article Marine Le Pen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaeilge (DUHOCTRUNGQUOC.VN) is an independent company and has no affiliation with Wiki Foundation.