Віктар Эдуардавіч Кінгісеп
Ві́ктар Эдуарда́віч Кі́нгісеп (эст.: Viktor Eduard Kingissepp, 12 (24) сакавіка 1888, воласць Каарма-Суўрэ, Эзэльскі павет, Ліфляндская губерня, Расійская імперыя — 4 мая 1922, Талін, Эстонія) — прафесійны рэвалюцыянер Расіі і Эстоніі, адзін з арганізатараў Камуністычнай партыі Эстоніі, працаваў у Вярхоўным рэўтрыбунале РСФСР, у УНК і УЦВК.
| Віктар Эдуардавіч Кінгісеп | |
|---|---|
| эст.: Viktor Eduard Kingissepp | |
 | |
| Дата нараджэння | 24 сакавіка 1888 |
| Месца нараджэння | |
| Дата смерці | 4 мая 1922 (34 гады) ці 3 мая 1922 (34 гады) |
| Месца смерці | |
| Грамадзянства |  Расійская імперыя |
| Адукацыя | |
| Партыя | Камуністычная партыя Эстоніі |
| Член у | |
| Род дзейнасці | рэвалюцыянер |
| Дзеці | Сяргей Кінгісеп[d] |
 Медыяфайлы на Вікісховішчы | |
Біяграфія
У рэвалюцыйным руху з 1905 года, член РСДРП(б) — з 1906 года.
У 1917 годзе скончыў Петраградскі Імператарскі ўніверсітэт.
У 1907—1914 гадах вёў партыйную працу ў Пецярбургу, Таліне; удзельнічаў у выданні бальшавіцкай газеты «Кійр» («Прамень») у 1913—1914, падтрымліваў сувязь з Рускім бюро ЦК РСДРП, з бальшавіцкай фракцыяй 4-й Дзяржаўнай думы і з «Праўдай».
Пасля Лютаўскай рэвалюцыі 1917 вярнуўся ў Петраград; з пачатку чэрвеня ў Таліне, адзін з кіраўнікоў бальшавіцкай арганізацыі Эстоніі. З 22 кастрычніка (4 лістапада) 1917 намеснік старшыні ВРК Эстляндскага края, арганізатар Чырвонай Гвардыі. З 26 кастрычніка (8 лістапада) 1917 член Выканкама Саветаў Эстляндскага края.
З сакавіка 1918 года у Маскве, у Вярхоўным рэўтрыбунале і ВЧК, член УЦВК. З лістапада 1918 адзін з кіраўнікоў Кампартыі Эстоніі, якая дзейнічала ў падполлі, на яе 1-м (1920) і 2-м (1921) з'ездах выбраны членам ЦК і яго палітбюро. Арыштаваны эстонскай паліцыяй і паводле прыгавору ваенна-палявога суда расстраляны.
Зноскі
Літаратура
- Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
Спасылкі
На Вікісховішчы ёсць медыяфайлы па тэме Віктар Эдуардавіч Кінгісеп
This article uses material from the Wikipedia Беларуская article Віктар Эдуардавіч Кінгісеп, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.