El sistema numbéricu representáu polos numerales romanos orixinose na Antigua Roma, y foi la forma usada pa escribir los númberos en toa Europa hasta finales de la Edá Media.
Nesti sistema los númberos represéntense por combinaciones de lletres del alfabetu llatín. Los numberales romanos, tal y como los conocemos anguaño, básense en siete símbolos:
Símbolu | I | V | X | L | C | D | M |
---|---|---|---|---|---|---|---|
Valor | 1 | 5 | 10 | 50 | 100 | 500 | 1,000 |
L'usu de los numberales romanos continuó bien de tiempu dempués de la desapaición del Imperiu romanu. Dende'l sieglu XIV pa en delantre esti sistema de numberación foi sustituyíu, na mayoría de los usos, pol más cenciellu de los numberales arábigos. Por embargu, esti procesu foi gradual ya incompletu, y l'usu de los numberales romanos, magar que p'asuntos d'importancia menor, continúa nel sieglu XXI.
Los númberos del 1 al 10 avecen a representase, en numberales romanos, como sigue:
Los númberos fórmense combinando símbolos y sumando los sos valores, de forma que por exemplu II ye dos (dos "unos") y XIII ye trece (un "diez" y tres "unos"). Los símbolos colóquense d'izquierda a derecha por orden de valor, entamando pol mayor. Sicasí, hai dellos casos particulares . Pa evitar repetir más de trés vegaes un símbolu consecutivamente (por exemplu, IIII o XXXX) utilízase la resta posicional de la forma que se recueye darréu:
Asina, por exemplu, MCMIV ye 1904, porque M representa mil, CM novecientos y IV cuatro.
La forma "estandarizada" de representación qu'acabamos de describir ye, más qu'una convención de representación universalmente aceptada, el vezu modernu. L'usu de los numberales na Roma antigua varió enforma, y tampoco hebo una estandarización nos tiempos medievales o modernos.
Les inscripciones romanes, especialmente les qu'apaecen en contestos oficiales, parecen tener preferencia pol usu de formes aditives como IIII o VIIII en llugar de formes qu'impliquen resta como IV y IX. Les dos formes de representar los numberales apaecen en documentos de la dómina romana, inclusive dientro del mesmu documentu, y hai tamién formes de "resta doble" como XIIX o inclusive IIXX en cuenta de XVIIII. Amás, delles veces nun s'utilicen los símbolos V y L, y vense formes como IIIIII o XXXXXX en cuenta de VI o LX.
Eses variaciones ya inconsistencies persistieron demientres la dómina medieval y na Edá Moderna, inclusive convirtiéndose na norma en dalgunos contestos. Asina, nos relós avézase a representar cuatro con IIII pero nueve con IX; los oríxenes d'esti vezu pueden rastrexase hasta'l sieglu XIV. Esta práutica, sicasí, nun ye nin de lloñe universal; por exemplu, el famosu reló del Palaciu de Westminster de Londres, el Big Ben, usa la forma IV.
This article uses material from the Wikipedia Asturianu article Numberación romana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.