Dr Johann Sebastian Bach (* 21.
Märzjul./31. Märzgreg. 1685 z Eisenach; † 28. Juli 1750 z Leipzig) isch e dütsche Komponist, Orgle- und Klaviervirtuos vom Barock gsi. Er gältet hüte as eine vo de bekanntiste und bedütendste Donschöpfer, wo d Muusig von em spöteri Komponiste wäsentlig beiiflusst het und d Wärk von em au in zahllose Bearbeitige vorchömme.
Zu Läbzite isch dr Bach as Virtuos, Organist und Orgleinspäkter hoch gschetzt worde, allerdings si siini Kompositione nume eme relativ chliine Kreis vo Muusigkenner bekannt gsi. Noch siim Dod si siini Wärk joorzähntelang in Vergässeheit groote und si kuum no öffentlig ufgfüehrt worde. Wo d Komponiste vo dr Wiener Klassik aagfange hai, sich mit Deil vom Bach siim Wärk afo usenandersetze, isch dr Bach vo dr breite Öffentligkeit mit dr Wiideruffüehrig vo dr Matthäus-Bassioon under dr Leitig vom Felix Mendelssohn im Johr 1829 widerentdeckt worde. Sit dr Middi vom 19. Johrhundert ghöre siini Wärk wältwit zum feste Repertoire vo dr klassische Muusig.
Johann Sebastian Bach im dütschsprochige Wikisource
This article uses material from the Wikipedia Alemannisch article Johann Sebastian Bach, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.