Estlanders

Hierdie artikel handel oor die etniese groep. Vir die taal, sien Estnies.

Alternatiewelik is Estlanders diegene wat in Estland woon of in Estland gebore is.

Estlanders
Totale bevolking:	ca. 1 miljoen
Belangrike bevolkings  in:	Estland 907 937  Finland 50 367  Swede 25 509  Verenigde State 24 694  Kanada 23 180–50 000  Rusland 17 875  Verenigde Koninkryk 14 000  Frankryk 12 590  Australië 7 543  Duitsland 5 000  Noorweë 2 871  Oekraïne 2 868  Ierland 2 560  Letland 2 000  België 2 000  Ysland 111
Taal:	Estnies
Geloofsoortuiging:	Hoofsaaklik ongebonde of Lutheranisme Minderhede Rooms-Katolieke Kerk en Oosters-Ortodokse Kerk
Verwante etniese groepe:	Ander Fins-Oegriese volke soos Finne en Hongare

Estlanders vorm die titulêre nasie van Estland, waar hulle sowat 69% van dié land se bevolking uitmaak. Naas Estlanders leef nog minderhede soos Russe (25%), Oekraïners (1,7%) en Wit-Russe (0,9%) in Estland; 'n historiese minderheid vorm die Baltiese Duitsers wat na die Tweede Wêreldoorlog veral in Duitsland gevestig het. Behalwe vir Estland kom Estniese minderhede nog in Europese lande soos Finland (0,8%) en Swede voor, maar verreweg die meeste Estlanders woon in Estland.

Wêreldwyd leef sowat 1 miljoen Estlanders, waarvan 907 937 in Estland, 50 367 in Finland, 25 509 in Swede, 24 694 in die Verenigde State en tussen 23 180 en 50 000 in Kanada. Daarbenewens het Estlanders nog in lande soos Rusland (17 875), die Verenigde Koninkryk (14 000) en Frankryk (12 590) gevestig.

In teenstelling met die ander inheemse etniese groepe van die Baltiese lande (Letlanders en Litauers) wat tot die Baltiese volke behoort en Baltiese tale praat, behoort die Estlanders saam met Finne en Hongare tot die Fins-Oegriese volke. Die meeste Estlanders is ongebonde (71%), gevolg deur Lutheranisme (13%) en die Oosters-Ortodokse Kerk (13%).

• Wiki Afrikaans  Wiki Commons het meer media in die kategorie Estlanders.