Silezia-Pola Lingvo: Okcidentslava lingvo aŭ dialekto
La silezia-pola lingvo (propralingve ślōnskŏ gŏdka, ślōnski, kelkfoje ankaŭ po naszymu, en Esperanto preferate nomata silezia-pola kontraste al la silezia-germana lingvo, propralingve Schläsisch, Schläsch, kelkfoje ankaŭ Schläs'sch, dialekto de la germana, kiun en 1945 parolis 7 milionoj da homoj) estas okcidentslava lingvo respektive dialekto, kiu apartenas al la leĥa grupo.
| Silezia lingvo | |
| ślōnski | |
 | |
| lingvo • moderna lingvo | |
|---|---|
| Leĥaj lingvoj | |
| Parolata en | Pollando, Ĉeĥio |
| Regiono | Supra Silezio, Ĉeĥa Silezio |
| Parolantoj | 522 000 |
| Denaskaj parolantoj | 509 000 |
| Skribo | latina alfabeto |
| Lingvistika klasifiko | |
Hindeŭropa
| |
| Lingvaj kodoj | |
| Lingvaj kodoj | |
| ISO 639-3 | szl |
| Glottolog | sile1253 |
| Angla nomo | Silesian |
| Franca nomo | silésien |
| Ekzemplo |
|---|
|
| Patro nia |
Ĝi estas parolata en la Suprasilezia regiono de Pollando, sed ankaŭ per malplimultoj en la Ĉeĥa respubliko kaj Germanio. En la jaro 2011 ĉirkaŭ 509 000 homoj en Pollando konsideris la silezian-polan kiel sian gepatran lingvon.
La silezia-pola estas proksime parenca al la norma pola lingvo, tiel ke plej multaj lingvistoj konsideras ĝin kiel dialekton de la pola lingvo.
Alfabeto
La lingvo ĝis la demokratiiĝo de Pollando post 1990 estis preskaŭ nur parole praktikata, kaj nur en la lastaj jaroj aperis pluraj sistemoj de silezia ortografio. Kompromisa variaĵo inter la pluraj ortografioj estas uzata en la interreto, ekz. en la silezia-pola Vikipedio.
| A a | Ã ã | B b | C c | Ć ć | D d | E e |
| F f | G g | H h | I i | J j | K k | L l |
| Ł ł | M m | N n | Ń ń | O o | Ŏ ŏ | Ō ō |
| Ô ô | Õ õ | P p | R r | S s | Ś ś | T t |
| U u | W w | Y y | Z z | Ź ź | Ż ż |
Komparo inter la germana kaj pola sileziaj dialektoj
| silezia-germana | silezia-pola | germana | pola | Esperanto |
|---|---|---|---|---|
| Jungaohs | huncwot, rojber | Hundsfott (ungezogener Junge) | łobuz, huncwot | fripono |
| kascheln | klojzdnōnć | auf dem Eis ausrutschen | pośliznąć się | akcidente gliti sur glacio |
| Kastrull | kastrol | großer Topf, Kasserolle | sagan | kaserolo |
| Nudelkulle | nudelkula | Nudelholz | wałek do ciasta | rulbastono (por platigi paston) |
| Ritsche | ryczka | Hocker / Schemel | taboret | seĝeto / tabureto |
| Wurscht | wuszt | Wurst | kiełbasa | kolbaso |
| rumurbern | rōmplować/sznupać | rumwühlen | myszkować | movi aferojn sen videbla celo (eble serĉante ion) |
| Pfusch | fucha | Schwarzarbeit, mangelhafte Arbeit, Pfusch | praca na czarno, neformale robota na czarno, fucha | fuŝo, laboraĉo |
| Morast | maras | Schlamm, Morast | błoto | ŝlimo |
| Kokott | kokot | Hahn | kogut | koko |
| Kreppel | krepel | Krapfen / Berliner (Kreppel en Hesio kaj Frankonio) | pączek | gistopasta bakaĵo (speco de benjeto) |
| Wasserwaage | waserwoga | Wasserwaage | poziomica, waserwaga | nivelilo |
| Mostrich | zynft, mostrich | Senf, Mostert, Mustard, Mostrich | musztarda | mustardo |
Referencoj
Vidu ankaŭ
Eksteraj ligiloj
This article uses material from the Wikipedia Esperanto article Silezia-pola lingvo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.