Ijk 2023: 79-a Internacia Junulara Kongreso (IJK) de TEJO
La 79-a Internacia Junulara Kongreso (IJK) de TEJO okazis, kune kun la ILEI-kongreso, inter la 5-a kaj la 12-a de aŭgusto 2023 en Lignano Sabbiadoro, Italio.
| IJK 2023 | ||
|---|---|---|
| Loko | Lignano Sabbiadoro,  Italio | |
| Ekde | 5-a de aŭgusto 2023 | |
| Ĝis | 12-a de aŭgusto 2023 | |
| Organizanto | Tutmonda Esperantista Junulara Organizo | |
| Oficiala retejo | ijk2023 | |
| ← Antaŭa | Sekva → | |
Origine la IJK planiĝis okazi en Marina di Massa, sed pro nekonsento kun la kongresejo, la loko estis ŝanĝita al vilaĝo Bella Italia en la municipo Lignano Sabbiadoro.
En la sama jaro la 108-a Universala Kongreso de Esperanto okazis samlande en Torino. Okazis busa karavano de UK al IJK.
Organiza teamo
Jen estas listo de organizantoj:
- Albert Stalin Garrido - kunordigo, financoj, tema programo
- Tobias Nowak - akceptejo, loĝado
- Mia Nordentoft - AKSO, aliĝilo
- Josuo Marso - taga programo
- Wojciech Oreszczuk - helpantoj
- Giovanni de Lucia - vespera kaj nokta programo
- Brunetto "Bruĉjo" Casini - LKK-prezidanto, rilatoj kun lokaj instancoj
- Laura Brazzabeni - reprezentanto de ILEI
- Federico Tomasetig - ekskursoj
Programo
La temo de la kongreso estis "intergeneracia kunlaboro pri edukado". Ĝi estis la temo de kelkaj prelegoj kaj ĝi profitis de la komuna okazigo de IJK kaj la ILEI-kongreso.
Dum la kongreso oni prezentis du originale esperantajn muzikalojn.
Sabate okazis la interkona vespero. Dimanĉe vespere okazis koncerto de JoMo. Lunde okazis la trinkomanĝa vespero. Marde vespere okazis koncerto de Ĵomart kaj Nataŝa. Merkrede okazis internacia vespero, kiu daŭris ĉirkaŭ du horojn. Ĵaŭde vespere oni prezentis la muzikalon Petveturaj aventuroj. Vendrede vespere oni prezentis la muzikalon La sorto gvidos vin.
Referencoj
Vidu ankaŭ
Eksteraj ligiloj
- IJK 2023
- ILEI-Kongreso 2023 Arkivigite je 2023-01-16 per la retarkivo Wayback Machine
- vilaĝo Bella Italia
This article uses material from the Wikipedia Esperanto article IJK 2023, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.