La eksa licenca futbala sekcio de la de la sporta klubo TSV Bayer 04 Leverkusen en 1999 transformiĝis al memstara komerca societo kaj ekde tiam estas centprocenta filio de la kemia konzerno Bayer AG, el kies laboristaro la sporta klubo origine ekestis la 1-an de julio 1904.
Bayer 04 Leverkusen |
---|
|
futbala klubo • profesia sporta teamo |
---|
Kluba nomo | Bayer 04 Leverkusen Fußball GmbH |
Fondita | 1-a de julio 1904 |
Stadiono | BayArena |
Kapacito | 30 210 |
Prezidanto | afergvidanto Wolfgang Holzhäuser |
Trejnisto | Sascha Lewandowski, Sami Hyypiä |
Ligo | unua germania ligo de futbalo - Bundesliga |
2021/22 | 3-a pozicio |
Oficiala retejo | www.bayer04.de |
|
|
La unua futbala teamo de Bayer 04 en 1979 avancis al la unua germania ligo de futbalo - Bundesliga kaj de tiam sen interrompoj konkuras en la plej alta nacia ligo de futbalo. Ekde la venko de la UEFA-pokalo en 1988 ĝi estas inter la entute ok germanaj profesiaj klubaj futbalteamoj, kiuj gajnis internacian titolon. Inter la plej grandaj sukcesoj de la klubo krome kalkuliĝas la gajno de la nacia pokalo en 1993 kaj la atingo de la finalo de la Ligo de Ĉampionoj de UEFA en 2002. Pro multaj duaj pozicioj en diversaj turniroj dum la lastaj 15 jaroj, interalie kvin duaj pozicioj en germanaj ĉampionecoj, la teamo tamen havas la renomon de "eterne nur dua plej bona" teamo - iuj mokantoj eĉ laŭ la silabo "vic-" de la vorto "vicĉampiono", germanlingve "Vize-" nomas la urbon kaj sian teamon "Vizekusen".
Sukcesoj
Venkoj
- Nacia pokalo (DFB-Pokal) 1993
- UEFA-pokalo - ekde 2009 nomata Eŭropa Ligo de UEFA - 1988
- Halofutbala nacia pokalo (DFB-Hallen-pokalo) 1994
Duaj pozicioj
- Ligo de Ĉampionoj de UEFA: 2002
- dua pozicio en la unua germania ligo de futbalo - Bundesliga: 1999, 2000, 2002, 2011
- nacia pokalo (DFB-Pokal) 2002, 2009
Teamo de la sezono 2011/12
golisto | defendo | mezo | atako |
---|
1 | René Adler | | 22 | David Yelldell | | 23 | Bernd Leno | | 36 | Fabian Giefer | |
| 2 | Daniel Schwaab | | 3 | Stefan Reinartz | | 4 | Bastian Oczipka | | 5 | Manuel Friedrich | | 14 | Vedran Ćorluka | | 20 | Danny da Costa | | 21 | Ömer Toprak | | 24 | Michal Kadlec | | 27 | Gonzalo Castro | |
| | |
Transiroj antaŭ la sezono 2011/12
Transiroj antaŭ la sezono 2012/13
Trejnistaro en la sezono 2011/12
nomo | funkcio |
---|
Sascha Lewandowski | ĉefa trejnisto |
Sami Hyypiä | teamgvidanto |
Rüdiger Vollborn | golista trejnisto |
Holger Broich | trejnisto de fizika forto |
Zvonko Komes | trejnisto de fizika forto |
Trejnistoj ekde la jaro 1950
Konataj futbalistoj de la klubo
La teamo de la jarcento
Okaze de la centjara jubileo de la klubo en la jaro 2004 elektiĝis la kluba "teamo de la jarcento". Subtenantoj el antaŭe elektita grupo de futbalistoj povis elekti siajn favoratojn.
Pluaj konataj futbalistoj de la klubo
(en alfabeta sinsekvo)
- Sergej Barbarez
- Emil Becks
- Stefan Beinlich
- Dimitar Berbatow
- Thomas Brdarić
- Andrzej Buncol
- Landon Donovan
- Dietmar Demuth
- Holger Fach
- Franco Foda
- Clemens Fritz
- Jürgen Gelsdorf
- Falko Götz
- Pavel Hapal
- Markus Happe
- Heiko Herrlich
- Richard Job
- Roque Júnior
- Niko Kovač
- Robert Kovač
- Martin Kree
- Udo Lattek
- Ioan Lupescu
- Erik Meijer
- Freddy Mutz
- Oliver Neuville
- Arne-Larsen Økland
- Diego Placente
- Alois Reinhardt
- Knut Reinhardt
- Claudio Reyna
- Paulo Rink
- Jürgen Röber
- Wolfgang Rolff
- Christian Schreier
- Andreas Thom
- Tita
- Herbert Waas
- Boris Živković
La unua vira teamo futbala de la klubo nur ĝis la jaro 2000 per emblemo sur la brusta parto de la sportistaj ĉemizoj varbis por la kluba kemia konzerno Bayer AG respektive por medikamentoj el tiu konzerno. Ekde la jaro 2001, kiel montras la sekva listo, ĉefa ĉemiza sponsoro estas malsamaj energiproduktaj konzernoj.
- 1904−1992: Bayer AG
- 1992−1995: Talcid (Bayer AG)
- 1995−1997: Alka-Seltzer (Bayer AG)
- 1997−2000: Aspirin (Bayer AG)
- 2000−2001: avanza (RWE)
- 2001−2007: RWE
- 2007−2011: TelDaFax ENERGY
- Ekde 2011: SunPower
Virina futbalo
La 1-an de julio 2008 la klubo transprenis la sekcion de virina futbalo de la sportklubo TuS Köln rrh., plennome "Turn- und Sportklub Köln rechtsrheinisch", do "gimnastika kaj sporta klubo de [la urbopartoj de] Kolonjo dekstre de la Rejno". La unua teamo komence konkuris en la dua nacia ligo de virina futbalo, ekde la jaro 2010 en la unua nacia ligo de virina futbalo; kaj la dua teamo en 2010 avancis al la regiona ligo okcidenta de virina futbalo. Aldoniĝas tri knabinaj teamoj, kiuj konkuras en siaj respektivaj laŭaĝaj ligoj.
Eksteraj ligiloj
This article uses material from the Wikipedia Esperanto article Bayer 04 Leverkusen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.