Fezante

Fezante IUCN-status: Veilig
Ventjesfezante
Taxonomische indeêlienge
Riek: Beêsten (Animalia) Stamme: Chordabeêsten (Chordata) Klasse: Veugels (Aves} Orde: 'Oenachtegen (Galliformes) Femielje: Phasianidae Heslacht: Phasianus
Soôrt
Phasianus colchicus (Linnaeus, 1758)

De fezante kom voe op landbouwhrond, in bossen en moerassen in Europa via Azië toet in China en is ok eïntroduceerd in stikk'n van Noôrd-Amerika en Oceanië. Oôrsproenkelijk kom de veugel uut Azië.

De mannelijke fezante wor zo'n 70 toet 90 cm en is 'n opvall'nde veugel. Ie is overwehend roôdbruun mie een zwarte schubbieng op zen buuk, de staert is ebandeerd. De kop is blauwhroen mie een hroôte roôie lelle voe zen oôhen. Vadder ei 't een 'n witt'n 'alsband en een helihe kromme snaevel. 't Wuufje is onopvall'nd lichbruun mie een doenkere teêkenienge en ei een kortere staert dan 't ventje. De kukens zien lichbruun mie 'n zwarte strepieng. Een heliekende veugel is de petrieze (Perdix perdix).

De fezante is een hrondveugel die an in nie-stedelijke hebied'n leef wir a vee beschuttieng is in de vurm van hewassen, hos, aehen en bossen. Ze briengen 't hroste deêl van der leven deur op de hrond op zoek ni eetn, mè ze slaepen wè in de boômen. Ze eetn zaeden, beiers, hraen'n, mè ok wurmen en aore onhewurveln.

Broedhedrag

Fezanten leven 't hroste deêl van 't jaer in kleine hroepjes, en vurmen in de broedtied pèrtjes of een harem, wivan aon de wuufjes nae epèrd te ène zelfstandig hun broeien. Ze broeien in een uutekrauwd kuletje, hoed verstopt in de behroeiieng. Der worn toet 15 eiers eleid die an deur 't wuufje worn uutebroeid. Nae vier week'n te èn ebroeid komm'n de eiers uut. De kukens bluven nog twi week'n bie der moeder.