გვარი (Genus) — თარი ტაქსონომიური კატეგორია, ნამუთ აკმაშქვანს ფილოგენეზურო არხოს მარენჯი გვარობეფს.
სამანგათ, ფიჭვიშ გვარი (Pinus) აკმაშქვანს ფიჭვიშ არძა გვარობას; კატუშ გვარი (Felis) — ტყარი კატუშ შხვადოშხვა გვარობას. ბოტანიკური დო ზოოლოგიური ნომენკლატურათ ირი გვარი ართი ზიტყვათ (ჸოფირფონი ჯოხოთ) იშანუაფუ. სამანგათ, Pinus — ფიჭვი, Felis — კატუ. რჩქვანელობურო, გვარს გოართოიანაფილი რე მიარე ვარდა მუსხირენი გვარობა. მარა რე თიჯგურა გვარეფი ხოლო, ნამუსჷთ ხვალე აკა გვარობა რე (გინკგო — Ginkgo biloba, კვატანინძგამი — Ornithorhynchus anatinus), თინეფს მონოტიპური გვარი ჯოხონა. არხო გვარეფი აკმოქიმინჷნა ფანიას. სამანგათ ძარწუფაშ (Viburnum) დო ინჭირიაშ (Sambucus) გვარეფი გოართოიანაფილი რე ჩხოროტყებიშობურეფიშ (Caprifoliaceae) ფანიას, ჯოღორიშ (Canis) დო მელაშ (Vulpes) გვარეფი — ჯოღორიშობურეფიშ ფანიას. კანკალეშა გვარს გიშმართჷნა გიმენგარეფს; გვარიშ დო ფანიაშ შქას შქაფონო კატეგორიას — გიმენფანიას დო ტრიბას. სამანგათ, ქერიშ დო ქობალკალაიშ გვარეფი მიშმულა ქერიშობურეფიშ ტრიბაშა, ონდატრაშ დო წყარიშ მემინდორეშ გვარეფი აკმოქიმინჷნა მემინდორეეფიშ გიმენფანიას.
This article uses material from the Wikipedia მარგალური (Margaluri) article გვარი (ბიოლოგია), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.