Een berg is e grôte verhogienge in 't eirdippervlak ip e beperkt gebied die uutstikt boovn 't land derroend, geweunlyk in de vorm van e piek.
Een berg is over 't algemêen steiler of een heuvel. Bergn wordn gevormd deur tektonische krachtn of vulkanisme. Die krachtn kunn ip e bepoalde plekke 't eirdippervlak omhoge duuwn. Bergn erodeern troage deur actie van riviern, weersomstandigheedn en gletsjers. Sommigte bergn stoan g'isoleerd, moa de mêeste stoan in enorme bergkeetns.
Ip hoge bergtoppn is 't vele kouder of ip zêeniveau wat dat een invloed èt ip 't ecosystème. De bergn zyn minder geschikt vo landbouw en mêer vo groendstofwinnienge en recreoasje, lyk bergbeklemmn.
Den hogstn berg ip eirde is de Mount Everest in de Himalaya in Azië met e top van 8850 m boovn de zêespegel.
Ofbeeldiengn die ier by passn ku je vien in de categorie Mountains van Wiki Commons. |
This article uses material from the Wikipedia West-Vlams article Berg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.