ரையன் ரோட்னி ரெனால்ட்சு (ஆங்கில மொழி: Ryan Rodney Reynolds) (பிறப்பு: அக்டோபர் 23, 1976) என்பவர் கனடிய நாட்டு நடிகர், திரைப்படத் தயாரிப்பாளர் மற்றும் தொழிலதிபர் ஆவார்.
இவர் கனேடிய நாட்டு விடலைப்பருவ தொலைக்காட்சி தொடரான 'பிப்டீன்' (1991-1993) என்ற தொடர் மூலம் நடிப்புத்திரையில் அறிமுகமானார். 1998 முதல் 2001 வரை 'டூ கைஸ் அண்ட் எ கேர்ள்' என்ற தொடரில் முன்னணி பாத்திரத்தில் நடிப்பதற்கு முன்பு சிறிய வேடங்களில் சில தொடர்களில் நடித்துள்ளார். அதை தொடர்ந்து பிளேடு 3 (2004), வோல்வரின் (2009), ஆர்.ஐ.பி.டி. (2013), வுமன் இன் கோல்ட் (2015), லைப் (2017), பிரீ காய் (2021), போன்ற பல திரைப்படங்களில் நடித்ததன் மூலம் அறியப்படும் நடிகர் ஆனார்.
ரையன் ரெனால்ட்சு | |
---|---|
பிறப்பு | ரியான் ரோட்னி ரெனால்ட்ஸ் அக்டோபர் 23, 1976 வான்கூவர், பிரித்தானிய கொலம்பியா, கனடா |
பணி | நடிகர், திரைப்படத் தயாரிப்பாளர், தொழிலதிபர் |
செயற்பாட்டுக் காலம் | 1991–இன்று வரை |
வாழ்க்கைத் துணை | ஸ்கார்லெட் ஜோஹான்சன் (செப்டம்பர் 27, 2008-ஜூலை 1, 2011) பிளேக் லைவ்லி (செப்டம்பர் 9, 2012) |
பிள்ளைகள் | 3 |
இவர் டெட்பூல் என்ற மார்வெல் வரைகதை கதாபாத்திரத்தை வைத்து வெளியான மிகப்பெரிய வணிக வெற்றி மீநாயகன் படங்களான டெட்பூல் (2016) மற்றும் டெட்பூல் 2 (2018) போன்ற திரைப்படங்களில் நடித்ததன் மூலம் இவரது நடிப்பு திறனுக்காக விமர்சகர்களின் சாய்ஸ் திரைப்பட விருது மற்றும் கோல்டன் குளோப் விருது போன்றவற்றிக்கு பரிந்துரை செய்யப்பட்டது.
இவர் அக்டோபர் 23, 1976 அன்று பிரித்தானிய கொலம்பியாவின் வான்கூவரில் நான்கு மகன்களில் இளையவராக பிறந்தார். இவரது தந்தை, ஜேம்சு செஸ்டர் ரெனால்ட்ஸ் என்பவர் ராயல் கனடியன் மவுண்டட் காவல்அதிகாரியாக இருந்தார், அதற்கு முன்பு படையில் இருந்து ஓய்வு பெற்று உணவுப் பொருட்கள் மொத்த விற்பனையாளராக வேலைக்குச் சென்று இருந்தார். இவரது தாயார் தமரா லீ, சில்லறை விற்பனையில் பணிபுரிந்தார்.
This article uses material from the Wikipedia தமிழ் article ரையன் ரெனால்ட்சு, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.