Xxxtentacion

Роден и пораснат во Плантејшон на Флорида, Онфрој поголем дел од детството го поминал во Лодерхил. Почнал да се занимава со музика после излегувањето од поправен дом, а после некое време ја објавил својата прва песна на музичката платформа SoundCloud во 2013 година.

Онфрој го објавил својот прв албум 17 на 25 август 2017 година. Неговиот втор албум ? бил објавен 16 март 2018 година, и дебитирал на првото место на листата Билборд 200, со сингловите Sad! и Changes кои се искачиле на седмо и триесет и седмо место на листата Билборд Хот 100.

Џасеј Двејн Рикардо Онфрој е роден 23 јануари 1998 година во Плантејшон на Флорида. Неговите родители потекнувале од Јамајка, Двејн Рикардо Онфрој и Клеопатра Фриман. Имал три браќа и сестри, а поради финансиската состојба на нивната мајка поголем дел тие живееле кај баба им. Кога Онфрој имал шест години, прободил човек со нож кој ја нападнал мајка му и не долго после тоа бил присилен да живее со баба му.

Занимањето на Онфрој за музиката почнало кога неговата тетка го убедила да се приклучи на школскиот, а подоцна и црковниот хор. Не долго после тоа бил исфрлен од школскиот хор, бидејќи нападнал друг ученик. После исфрлањето од основното училиште поради серија физички пресметки со соучениците, мајка му го пратила во верска заедница на шест месеци. За тоа време, Онфрој почнал да слуша ну метал, хард рок и рап, поради тоа пробал да научи да свири клавир и гитара. Се откажал од средното училиште после втората година, а себеси се опишувал како „несоодветен“ додека поминувал низ депресија.

На 18 јуни 2018 година Онфрој излегол продавницата за мотори на Дирфилд Бич кога бил погоден со куршум од страна на два напаѓачи (во темни дуксерици и црвена маска на лицето на еден од напаѓачите) од камионет за време на грабежот. Пукањето се случило источно од градот Паркланд. Сведоците рекле на полицијата дека напаѓачите зеле торба од возилото на музичарот, а потоа побегнале од местото на нападот. Онфрој после пукањето во критична состојба бил однесен во болница, а подоцна била потврдена смртта на пејачот.