Մայքլ Բի Ջորդան

Մայքլ Բի Ջորդան; անգլ.՝ Michael B. Jordan
	Ջորդանը 2018 թվականի մայիսին Կաննի կինոփառատոնի ժամանակ
Ծնվել է	փետրվարի 9, 1987 (37 տարեկան)
Ծննդավայր	Սանտա Անա, Կալիֆոռնիա, ԱՄՆ
Կրթություն	Newark Arts High School?
Քաղաքացիություն	ԱՄՆ
Մասնագիտություն	դերասան, կինոդերասան, հեռուստատեսային դերասան, հնչյունավորող, գործադիր պրոդյուսեր, կինոպրոդյուսեր, մոդել և կինոռեժիսոր
Ընտրանի	Սև Հովազ, Creed?, Friday Night Lights?, Fruitvale Station?, Without Remorse? և Տիեզերական ջեմ 2։ Նոր ժառանգություն
Համատեղ ապրող(ներ)	Lori Harvey?

Կյանքը և կարիերան

1987-2011: Վաղ կյանք և կարիերայի սկիզբ

Մայքլ Բակարի Ջորդանը ծնվել է 1987 թվականի փետրվարի 9-ին Կալիֆորնիա նահանգի Սանտա Անա քաղաքում։ Նա Մայքլ Ջորդանի և Դոնա Դեյվի երեք երեխաների մեկն է։ Ունի ավագ քույր՝ Ջամիլան, և կրտսեր եղբայր՝ Խալիդը։ Նա սովորել է Նյու Ջերսի նահանգի Նյուարկ քաղաքում գտնվող արվեստի ավագ դպրոցում, որտեղ նաև խաղացել է բասկետբոլային թիմում։

Ջորդանը իր կարիերան սկսել է որպես մոդել՝ նկարահանվելով այնպիսի ընկերությունների գովազդներում, որոնցից են՝ Modell's Sporting Goods և Toys "R" Us: Նա իր դերասանական կարիերան սկսել է 1999 թվականին՝ ստանալով փոքրիկ դերեր «Քոսբի» և «Սոպրանոներ» հեռուստասերիալներում։ 2001 թվականին նա նկարահանվեց «Հարդբոլ» ֆիլմում, իսկ հետագայում նկարահանվեց այնպիսի հայտնի հեռուստասերիալներում, որոնցից են՝ «Մետաղալար» (2002), «Իմ բոլոր երեխաները» (2003-2006), «Ուրբաթ երեկոյի լույսերը» (2009-2011), «Ծնողներ» (2010-2011) և այլն։

2012-ներկա։ Ճանաչում և հաջողություն

2012 թվականին Ջորդանը ստացավ իր առաջին գլխավոր դերը «Ֆրութվեյլ կայարան» ֆիլմում, որի պրեմիերան կայացավ հաջորդ տարի։ 2015 թվականին էկրան բարձրացավ Սիլվեստր Ստալոնեի մասնակցությամբ «Քրիդ» սպորտային դրաման, որտեղ Ջորդանը մարմնավորում է գլխավոր հերոս Ադոնիս Քրիդին։ Նա արժանացավ կինոքննադատների բարձր գնահատականին այդ ֆիլում նկարահանվելու շնորհիվ, ինչպես նաև ստացավ «Լավագույն դերասան» մրցանակը մի քանի մրցանակաբաշխություններում։ 2018 թվականին կայացավ սուպերհերոսների մասին պատմող «Սև հովազ» ֆիլմի պրեմիերան, որտեղ Ջորդանը մարմնավորում է Էրիկ Քիլմոնգերին։

Ֆիլմագրություն

Ֆիլմեր

Տարի	Անվանում	Բնօրինակ անվանում	Դեր
1999	«Սև և սպիտակ»	Black and White	Երիտասարդ #2
2001	«Հարդբոլ»	Hardball	Ջեմալ
2007	«Բլեքաութ»	Blackout	Սի Ջեյ
2009	«Պաստոր Բրաուն»	Pastor Brown	Թարիք Բրաուն
2012	«Կարմիր պոչեր»	Red Tails	Մորիս Ուիլսոն
2012	«Քրոնիկա»	Chronicle	Սթիվ Մոնտգոմերի
2013	«Ֆրութվեյլ կայարան»	Fruitvale Station	Օսկար Գրենթ
2014	«Այդ անհարմար պահը»	That Awkward Moment	Մայքի
2015	«Ֆանտաստիկ քառյակ»	Fantastic Four	Ջոնի Սթորմ
2015	«Քրիդ»	Creed	Ադոնիս Ջոնսոն Քրիդ
2018	«Սև Հովազ»	Black Panther	Էրիկ Քիլմոնգեր
2018	«451 աստիճան ըստ Ֆարենհայթի»	Fahrenheit 451	Գայ Մոնթեգ
2018	«Քին»	Kin	Տուն մաքրող
2018	«Քրիդ 2»	Creed II	Ադոնիս Ջոնսոն Քրիդ

Հեռուստասերիալներ

Տարի	Անվանում	Բնօրինակ անվանում	Դեր	Նշում
1999	«Սոպրանոներ»	The Sopranos	Ռայդլենդ Քիդ	1 էպիզոդ
1999	«Քոսբի»	Cosby	Մայք	1 էպիզոդ
2002	«Մետաղալար»	The Wire	Ուոլաս	12 էպիզոդ
2003-2006	«Իմ բոլոր երեխաները»	All My Children	Ռեջի Փորթեր Մոնտգոմերի	59 էպիզոդ
2006	«CSI․ Հանցանքի վայրի տեղազննում»	CSI: Crime Scene Investigation	Մորիս	1 էպիզոդ
2006	«Առանց հետք»	Without a Trace	Ջեսի Լյուիս	1 էպիզոդ
2007	«Դետեկտիվ գործ»	Cold Case	Մայքլ Քարթեր	1 էպիզոդ
2009	«Շտապ ծանուցում»	Burn Notice	Քորի Ջենսեն	1 էպիզոդ
2009	«Ոսկորներ»	Bones	Փերի Ուիլսոն	1 էպիզոդ
2009	«Օգնականներ»	The Assistants	Նեյթ Ուորեն	13 էպիզոդ
2009-2011	«Ուրբաթ երեկոյի լույսերը»	Friday Night Lights	Վինս Հովարդ	26 էպիզոդ
2010	«Օրենք եւ կարգ. Քրեական նպատակ»	Law & Order: Criminal Intent	Դենի Ֆորդ	1 էպիզոդ
2010	«Խաբիր ինձ»	Lie to Me	Քեյ	2 էպիզոդ
2010-2011	«Ծնողներ»	Parenthood	Ալեքս	16 էպիզոդ
2012	«Բնակարան»	House	Ուիլ Ուեսթվուդ	1 էպիզոդ

Ծանոթագրություններ

Արտաքին հղումներ

Մայքլ Բի Ջորդանը Internet Movie Database կայքում
Մայքլ Բի Ջորդանը Թվիթթերում

Վիքիպահեստն ունի նյութեր, որոնք վերաբերում են «Մայքլ Բի Ջորդան» հոդվածին։

This article uses material from the Wikipedia Հայերեն article Մայքլ Բի Ջորդան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.