Бінаміна́льная, або біна́рная, або бінаміяльная намэнклятура — прыняты ў біялягічнай сыстэматыцы спосаб пазначэньня відаў пры дапамозе двухслоўнай назвы (бінамэна), якая складаецца са спалучэньня дзьвюх назваў або імёнаў: імя роду і імя віду (паводле тэрміналёгіі, прынятай у заалягічнай намэнклятуры) ці імя роду і краявіднага эпітэту (паводле батанічнай тэрміналёгіі).
Імя роду заўсёды пішацца зь вялікай літары, імя віду (краявідны эпітэт) — заўсёды з маленькай (нават калі ўтвараецца ад імя ўласнага). У тэксьце бінамэн, як правіла, пішацца курсівам. Імя віду (краявідны эпітэт) ня варта прыводзіць асобна ад імя роду, паколькі без імя роду яно пазбаўленае сэнсу. У некаторых выпадках дапускаецца скарачэньне імя роду да адной літары або стандартнага скарачэньня.
Па традыцыі, якая ўсталявалася ў айчыннай біялёгіі, у заалягічнай літаратуры атрымала распаўсюджваньне словазлучэньне біномная намэнклятура (ад па-ангельску: binomial), а ў батанічнай — бінарная, ці бінамінальная намэнклятура (ад па-лацінску: binominalis).
This article uses material from the Wikipedia Беларуская (тарашкевіца) article Бінамінальная намэнклятура, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.