2014: Anêye

Etrevéns a vey avou l' walon

• Lives e walon k' ont rexhou ciste anêye la :
  • Bosret di s' no d' famile (Joëlle Spierkel)
  • So tchants so voye (Joël Thiry)
  • Les grands åbes (Stibane, Sarah V, På-Hinri Thomsin, eyet ds ôtes)
  • Li Noeråde (Jean-Luc Fauconnier)
  • Sapinse Seur Lidiye (Emile Gilliard)
  • Paskeyes di tos les djoûs (Joseph Selvais)

Etrevéns a vey avou l' Walonreye

• Li govienmint del Walonreye candje, et ç' n' est nén l' minme k' å livea federå. Paul Magnette divént minisse-prezidint, mins Rudy Demotte dimeure minisse-prezidint del Federåcion Walonreye-Brussele

Etrevéns a vey avou l' Beldjike

 

Li prumî minisse (Charles Michel) et l' minisse des finances fourît di ç' pårti la. Tos les ôtes gros ministeres alît a des Flaminds di droete et do cinte. Gn ourit bråmint do herleme sociå, metans ene manif di tos l' payis a Brussele li 15 di decimbe.

Les Rodjes Diåles vont pol prumî côp disk' ås dmeyès finåles d' ene cope daegnerece di fotbal (loukîz 2 pådjes ladsu dins l' Rantoele-gazete l° 71 di l' erî-såjhon 2014).

Ôtes etrevéns

• Oucrinne : Fén 2013, li prezidint rifuze l' acoird avou l' Kiminålté uropeyinne; des revinteus pro-Urope ocupèt adon Kiyev; li 20 di fevrî, l' årmêye saetche dissur zels å fuzik, avou 75 moirts. Li 22 d' fevrî li prezidint cwite Kiyev po Xharkov, et adon, li pårlumint vôte si disdjocaedje. Mins li Rûsseye riprind l' Crimêye, et les Crimeyins acceptèt l' raloyaedje pa referandom li 16 di måss. Adonpwis, les deus provinces di Doniesse et Louhanse volèt esse dislaxheye, et c' est l' guere sacwants moes ki fwait dipus d' 2000 moirts.
• Ene minêye di five Ebola acsût li Liberia, li Siera Leyone eyet l' Guinêye-Conacri. Et, pol prumî côp, fé ricnoxhe des cas foû d' l' Afrike.
• Israyel atake co on côp l' Binde di Gaza, pa air, pa tere et pa mer. Gn årè ene swessantinne di moirts israyelîs (ene dijhinne di civils) et dipus d' 2000 moirts palestinîs (dipus d' 1500 civils). Gn ava waire di rclamaedje disconte Israyel dins les payis d' Urope coûtchantrece.
• Li guere civile di Sireye, e s' cwatrinme anêye, fwait todi on hopea d' moirt. Des revinteus islamiveus d' Irak et Sireye controlèt ene nouzome sitindêye di tere, et ahiver èn estat islamike lomé eto Dayech.

Rilomés Walons et waloneus

• 8 di djun : Jean Brumioul
• 9 di djun : Andrée Bacq
• 4 di djulete : Robert Vandamme
• 13 di setimbe : André Quevrain

Ôtès djins

• 5 di djanvî : Euzebio