2007: വർഷം

ജനുവരി

• ജനുവരി 30- മൈക്രോസോഫ്റ്റ് പുതിയ ഓപ്പറേറ്റിങ് സിസ്റ്റമായ വിൻ‌ഡോസ് വിസ്റ്റ പുറത്തിറക്കി.
• ഐ.എസ്.ആർ.ഓ നിർമ്മിച്ച തിരിച്ചിറക്കാവുന്ന ബഹിരാകാശ പേടകം 22-നു വിജയകരമായി തിരിച്ചിറക്കി പരീക്ഷിച്ചു. ജനുവരി 10-ന് ആണ് ഉപഗ്രഹം പി.എസ്.എൽ.വി ഉപയോഗിച്ച് വിക്ഷേപിച്ചത്. ഇന്ത്യയുടെ ചാന്ദ്രയാൻ പദ്ധതിക്കു മുന്നോടിയായിട്ടാണിത്.

ഫെബ്രുവരി

• ഫെബ്രുവരി 25-ഗാനരചയിതാവ് പി. ഭാസ്കരൻ അന്തരിച്ചു.
• ഫെബ്രുവരി 20-എറണാകുളം-ഇടുക്കി ജില്ലാതിർത്തിയിൽ ഭൂതത്താൻ‌കെട്ട് അണക്കെട്ടിനു സമീപം തട്ടേക്കാട് പക്ഷിസങ്കേത പ്രദേശത്ത് പെരിയാറ്റിൽ ബോട്ട് മുങ്ങി പതിനഞ്ച് കുട്ടികളും മൂന്ന് അദ്ധ്യാപികമാരും‍ മരിച്ചു.

മാർച്ച്

• ഒമ്പതാം ക്രിക്കറ്റ് ലോകകപ്പ് മാർച്ച് 11-നു വെസ്റ്റ് ഇൻഡീസിൽ ആരംഭിച്ചു.

ഏപ്രിൽ

• പ്രമുഖ വാസ്തുശില്പി ലാറി ബേക്കർ ഏപ്രിൽ ഒന്നിന്‌ അന്തരിച്ചു.

ജൂൺ

• ഇന്ത്യയുടെ രാഷ്ട്രപതി ഡോ. എ.പി.ജെ. അബ്ദുൽ കലാം കാലാവധി പൂര്ത്തിയാക്കി സ്ഥാനമൊഴിയുന്നതിനാല് തല്സ്ഥാനത്തേക്ക് തിരഞ്ഞെടുപ്പ് പ്രഖ്യാപിച്ചു. യു.പി.എ-ഇടതു സഖ്യത്തിന്റെ സ്ഥാനാർത്ഥിയായി പ്രതിഭാ പാട്ടിലും, എൻ.ഡി.എ സ്വതന്ത്രനായി ഭൈരോൺ സിംഗ് ഷെഖാവത്തുമാണ്‌ മത്സരിക്കുന്നത്

ജൂലൈ

• ജൂലൈ 31-മുംബൈ ബോംബു സ്ഫോടന പരമ്പരയുമായി ബന്ധപ്പെട്ട് ഹിന്ദി ചലച്ചിത്ര നടൻ സഞ്ജയ് ദത്തിന്‌ ആറു കൊല്ലം തടവുശിക്ഷ ലഭിച്ചു.
• ഇന്ത്യയുടെ രാഷ്ട്രപതിയായി പ്രതിഭാ പാട്ടിലിനെ തിരഞ്ഞെടുത്തു.

ഓഗസ്റ്റ്

• ഓഗസ്റ്റ് 1- കോയമ്പത്തൂർ ബോംബ് സ്ഫോടന പരമ്പരയിലെ വിചാരണത്തടവുകാരനായിരുന്ന അബ്ദുന്നാസർ മദനിയെ കോടതി കുറ്റവിമുക്തനാക്കി.

സെപ്റ്റംബർ

• സെപ്റ്റംബർ 24 - ആദ്യ ട്വന്റി 20 ക്രിക്കറ്റ്‌ ലോകകപ്പിൽ മഹേന്ദ്ര സിംഗ് ധോണി നായകനായ ഇന്ത്യൻ സംഘം വിജയിച്ചു.

ഒക്ടോബർ

• ഒക്ടോബർ 10 - മലയാള സാഹിത്യകാരനായ സി.വി. ശ്രീരാമൻ അന്തരിച്ചു.
• ഒക്ടോബർ 3- മലയാള ഭാഷാ വിദഗ്ദ്ധനും ചിന്തകനുമായ എം.എൻ. വിജയൻ അന്തരിച്ചു.
• ഒക്ടോബർ 2- ലോക അഹിംസാദിനമായി ഐക്യരാഷ്ട്രസഭ പ്രഖ്യാപിച്ചു.

നവംബർ‍

• നവംബർ 3- പാകിസ്താനിൽ പ്രസിഡന്റ് പർ‌വേസ് മുഷാറഫ് അടിയന്തരാവസ്ഥ പ്രഖ്യാപിച്ചു.

ഡിസംബർ

• ഡിസംബർ 27-പാകിസ്താൻ മുൻ പ്രധാനമന്ത്രി ബേനസീർ ഭൂട്ടോ കൊല്ലപ്പെട്ടു.