1988: ár

ár 20. aldar og hlaupár sem hófst á föstudegi samkvæmt gregoríska tímatalinu.

Janúar

 

• 1. janúar - Kennitölur voru teknar upp á Íslandi í stað nafnnúmera.
• 1. janúar - Stærsta lútherska trúfélag Bandaríkjanna, Evangelíska lútherska kirkjan í Ameríku, var stofnað.
• 2. janúar - Efnahagsumbætur Mikhaíls Gorbatsjovs, Perestrojka, hófust í Sovétríkjunum.
• 7.-8. janúar - Orrustan um hæð 3234 var háð milli sovéskra hermanna og mújaheddína í Afganistan.
• 13. janúar - Forseti Tævan, Chiang Ching-kuo, lést og varaforsetinn, Lee Teng-hui, tók við.
• 13. janúar - Kalksteinsdrangurinn Sommerspiret á Møns Klint í Danmörku hrundi í hafið.
• 15. janúar - Lögreglu og mótmælendum lenti saman við Klettamoskuna í Jerúsalem.
• 22. janúar - Paul Watson, skipstjóra og forsprakka Sea Shepherd-samtakanna, var vísað úr landi, gefið að sök að hafa látið sökkva hvalbátunum tveimur í Reykjavíkurhöfn árið 1986.
• 25. janúar - Varaforseti Bandaríkjanna, George H. W. Bush, reiddist sýnilega í sjónvarpsviðtali við Dan Rather á CBS um Íran-Kontrahneykslið.
• 26. janúar - Söngleikurinn Óperudraugurinn hóf göngu sína á Broadway.
• 30. janúar - Listasafn Íslands var opnað í gamla íshúsinu við Tjörnina í Reykjavík.

Febrúar

 

• 2. febrúar - Halldór Halldórsson varð fyrstur Íslendinga til að fá ígrædd hjarta og lungu í átta klukkustunda aðgerð í London.
• 3. febrúar - Bandaríkjaþing hafnaði beiðni Ronald Reagan Bandaríkjaforseta um fjárveitingu til stuðnings Kontraskæruliðum í Níkaragva.
• 5. febrúar - Jóhann Hjartarson skákmaður sigraði Viktor Kortsnoj í undankeppni einvígis um um réttinn til að skora á heimsmeistarann í skák.
• 6. febrúar - Alfred Jolson var vígður biskup kaþólskra á Íslandi.
• 6. febrúar - Sænski stjórnmálaflokkurinn Svíþjóðardemókratarnir var stofnaður.
• 12. febrúar - Sovéska herskipið Bessavetníj sigldi á bandarísku freigátuna USS Yorktown á Svartahafi þrátt fyrir að Yorktown hefði krafist réttar til friðsamlegrar ferðar.
• 13. febrúar - Vetrarólympíuleikarnir 1988 voru settir í Calgary í Kanada.
• 17. febrúar - 27 létust og 70 særðust þegar sprengja sprakk við First National Bank í Oshakati í Namibíu.
• 17. febrúar - Bandaríska undirofurstanum William R. Higgins var rænt í Líbanon. Hann var síðar myrtur.
• 23. febrúar - Málverki Edvards Munch, Vampyr, var stolið frá Nasjonalgalleriet í Osló.
• 24. febrúar - Hæstiréttur Bandaríkjanna dæmdi tímaritinu Hustler í vil í málinu Hustler Magazine gegn Falwell.
• 27. febrúar - Sumqayit-ofsóknirnar gegn Armenum í Sumqayit í sovéska Aserbaísjan hófust.

Mars

 

• 1. mars - Ný umferðarlög gerðu notkun ökuljósa allan sólarhringinn að skyldu, svo og notkun öryggisbelta.
• 3. mars - Breski stjórnmálaflokkurinn Frjálslyndir demókratar var stofnaður.
• 6. mars - Flavíusaðgerðin: Breskir sérsveitarmenn skutu tvo írska lýðveldishermenn á Gíbraltar. Fjöldi hefndaraðgerða fylgdi í kjölfarið.
• 10. mars - Sálin hans Jóns míns hélt sína fyrstu tónleika í Bíókjallaranum við Lækjargötu.
• 13. mars - Seikangöngin milli Hokkaídó og Honsjú voru opnuð fyrir lestarumferð.
• 16. mars - Íraksher gerði gasárás á íraska bæinn Halabja, þar sem aðallega bjuggu Kúrdar. Allir bæjarbúar fórust, yfir 5000 talsins.
• 16. mars - Íran-Kontrahneykslið: Herforingjarnir Oliver North og John Poindexter voru ákærðir fyrir svik gegn Bandaríkjunum.
• 17. mars - Fyrsta íslenska glasabarnið fæddist og var það tólf marka drengur.
• 17. mars - Sjálfstæðisstríð Erítreu: Orrustan um Afabet.
• 17. mars - 143 létust þegar Avianca flug 410 hrapaði í fjallshlíð við landamæri Kólumbíu og Venesúela.
• 19. mars - Korporálamorðin í Belfast: Tveir breskir hermenn í borgaralegum klæðum voru myrtir eftir að hafa mætt líkfylgd þekkts lýðveldishermanns.
• 24. mars - Fyrsti McDonald's-veitingastaðurinn var opnaður í Belgrad í Júgóslavíu.
• 24. mars - Mordechai Vanunu var dæmdur í 18 ára fangelsi fyrir að hafa afhjúpað kjarnavopnaáætlun Ísraels.
• 25. mars - Kertamótmælin í Bratislava fyrir trúfrelsi fóru fram.
• 28. mars - Atlantic Airways flaug sitt fyrsta flug milli Færeyja og Danmerkur.
• 29. mars - Suðurafríska þingkonan Dulcie September var myrt við skrifstofur Afríska þjóðarráðsins í París.

Apríl

• 5. apríl - Kuwait Airways flugi 422 var rænt. Í kjölfarið fylgdu umsátur í þremur heimsálfum og morð á tveimur farþegum.
• 10. apríl - Stóra Setóbrúin yfir Setóhaf í Japan var opnuð.
• 11. apríl - Síðasti keisarinn eftir Bernardo Bertolucci hlaut níu óskarsverðlaun.
• 12. apríl - Poppsöngvarinn Sonny Bono var kjörinn borgarstjóri í Palm Springs í Kaliforníu.
• 16. apríl - Japanska teiknimyndin Nágranninn minn Totoro var frumsýnd.
• 16. apríl - Ítalski þingmaðurinn Roberto Ruffilli var myrtur af Rauðu herdeildunum.
• 22. apríl - Gíslatakan á Ouvéa: Tugir lögreglumanna og einn saksóknari voru teknir í gíslingu af sjálfstæðissinnum á Nýju-Kaledóníu.
• 25. apríl - Fyrsta breiðskífa Sykurmolanna, Life's Too Good, kom út í Bretlandi.
• 25. apríl - Ivan Demjanjuk var dæmdur til dauða í Ísrael fyrir stríðsglæpi sem hann framdi í útrýmingarbúðunum í Treblinka.
• 29. apríl - Fyrsta reglulega flug Boeing 747-400-vélar fór fram.
• 30. apríl - Céline Dion sigraði Söngvakeppni evrópskra sjónvarpsstöðva 1988 fyrir Sviss með laginu „Ne partez pas sans moi“.
• 30. apríl - Heimssýningin World Expo 88 var opnuð í Brisbane í Ástralíu.

Maí

 

• 4. maí - PEPCON-slysið átti sér stað í Nevada í Bandaríkjunum.
• 10. maí - Þingkosningar fóru fram í Danmörku aðeins sjö mánuðum eftir síðustu þingkosningar.
• 10. maí - Þingmönnum á norska stórþinginu var fjölgað úr 157 í 165.
• 14. maí - 27 létust þegar ölvaður ökumaður ók á rútu á þjóðvegi 71 í Kentucky í Bandaríkjunum.
• 15. maí - Stríð Sovétmanna í Afganistan: Sovétmenn hófu að draga herlið sitt frá Afganistan.
• 18. maí - Bókamessan í Tórínó fór fram í fyrsta sinn.
• 23. maí - Danska kvikmyndin Pelle sigurvegari eftir Bille August vann Gullpálmann á Kvikmyndahátíðinni í Cannes.
• 24. maí - Umdeild sveitarstjórnarlög voru samþykkt í Bretlandi þar sem kynning á samkynhneigð í opinberum skólum var bönnuð í grein 28.
• 29. maí - Leiðtogafundurinn í Moskvu 1988 hófst.
• 31. maí - Fyrsti Reyklausi dagurinn var haldinn.

Júní

 

• 4. júní - Mammì-lögin um takmörkun á eignarhaldi fjölmiðla á Ítalíu voru samþykkt.
• 6. júní - Elísabet 2. svipti knapann Lester Piggott riddaratign eftir að hann hlaut fangelsisdóm vegna skattsvika.
• 7. júní - Anna-Greta Leijon sagði af sér embætti dómsmálaráðherra í Svíþjóð eftir að upp komst að hún hafði stutt einkarannsókn útgefandans Ebbe Carlsson á morðinu á Olof Palme.
• 10. júní - Evrópukeppnin í knattspyrnu 1988 hófst í Þýskalandi.
• 10. júní - Söngvabyltingin hófst í Eistlandi.
• 11. júní - Stórtónleikar voru haldnir á Wembley-leikvanginum í London í tilefni af 70 ára afmæli Nelson Mandela.
• 14. júní - Skógareldur braust út rétt norðan við Yellowstone-þjóðgarðinn í Bandaríkjunum. Þegar hann var slökktur í september höfðu 3.000 km² eða 36% af þjóðgarðinum brunnið.
• 22. júní - Bandaríska kvikmyndin Hver skellti skuldinni á Kalla kanínu var frumsýnd.
• 25. júní - Evrópukeppnin í knattspyrnu 1988: Holland sigraði Sovétríkin 2-0 í úrslitaleik.
• 27. júní - Lestarslysið á Garde de Lyon: 56 létust þegar lest á leið inn á stöðina Gare de Lyon í París rakst á kyrrstæða lest.
• 28. júní - Jóhannes Páll 2. gaf út páfatilskipunina Pastor Bonus („góði hirðirinn“) með breytingum á páfaráði og stjórnsýslu kirkjunnar.
• 29. júní - Morrison gegn Olson: Hæstiréttur Bandaríkjanna staðfesti heimild sérstakra saksóknara til að rannsaka glæpi embættismanna framkvæmdavaldsins.
• 30. júní - Kaþólski erkibiskupinn Marcel Lefebvre skipaði fjóra biskupa í Écône í Sviss gegn vilja páfa.

Júlí

 

• 1. júlí - DAX-vísitalan hóf göngu sína í Þýskalandi.
• 3. júlí - Stríð Íraks og Írans: Bandaríska herskipið USS Vincennes skaut í misgripum niður farþegaþotu á vegum Iran Air. 290 farþegar fórust.
• 3. júlí - Fatih Sultan Mehmet-brúin yfir Bospórussund var fullbyggð.
• 3. júlí - Åmsele-morðin: Hjón og 15 ára sonur þeirra voru myrt af Juha Valjakkala og kærustu hans í Åmsele í Svíþjóð. Eftir mikinn eltingarleik náðust þau í Óðinsvéum í Danmörku sjö dögum síðar.
• 6. júlí - Eldur braust út á olíuborpallinum Piper Alpha í Norðursjó. 165 verkamenn og 2 björgunarsveitarmenn fórust.
• 6. júlí - Sjúkrahússúrgangur barst á land á strönd Long Island í New York í Bandaríkjunum.
• 11. júlí - Dómur féll vegna blóðbaðsins í Bologna. Fjórir hægriöfgamenn hlutu lífstíðardóma.
• 14. júlí - Fjárfestingarfélag Berlusconis, Fininvest, keypti verslunarkeðjuna Standa af Montedison.
• 15. júlí - Fyrsta staðfesta tilfelli selapestar í Eystrasalti.
• 28. júlí - Fjórir leiðtogar ítölsku vinstrihreyfingarinnar Lotta Continua voru handteknir vegna Calabresi-morðsins.
• 31. júlí - 32 létust þegar landgangur á Abdul Halim-ferjustöðinni hrundi í Butterworth í Malasíu.

Ágúst

• 2. ágúst - Flugslys varð í Reykjavík og fórust þrír menn er kanadísk flugvél skall í jörðina á milli Hringbrautar og flugbrautarendans.
• 5. ágúst - Leiðtogi sjíamúslima í Pakistan, Arif Hussain Hussaini, var skotinn til bana í Peshawar.
• 8. ágúst - Þúsundir mótmælenda voru drepnir í 8888-uppreisninni í Mjanmar.
• 8. ágúst - Samið var um vopnahlé milli Suður-Afríku, Angóla og Kúbu.
• 10. ágúst - Stríði Íraks og Írans lauk með friðarsamningum.
• 11. ágúst - Osama Bin Laden stofnaði hryðjuverkasamtökin Al-Kaída.
• 17. ágúst - Forseti Pakistans Muhammad Zia-ul-Haq og sendiherra Bandaríkjanna Arnold Raphel létust í flugslysi.
• 18. ágúst - Endurbótum lauk á Viðeyjarstofu og Viðeyjarkirkju.
• 21. ágúst - Stuðlabergsdrangur var reistur í Skagafirði til minningar um Örlygsstaðabardaga er 750 ár voru liðin frá atburðinum.
• 21. ágúst - Hundruðir létu lífið í jarðskjálfta við landamæri Nepals og Indlands.
• 26. ágúst - Íslenska kvikmyndin Foxtrot var frumsýnd.
• 26. ágúst - „Flugstöðvarmaðurinn“ Mehran Karimi Nasseri settist að á Charles de Gaulle-flugvelli í París þar sem hann hélt sig til ársins 2006.
• 28. ágúst - Skriðuföll urðu á Ólafsfirði eftir miklar rigningar og urðu tvö hundruð manns að rýma hús sín. Tjón varð mikið á mannvirkjum en ekki slys á fólki.
• 28. ágúst - Þrjár af flugvélum ítalska listflugshópsins Frecce Tricolori rákust saman yfir Ramstein-flugstöðinni. Ein þeirra hrapaði á áhorfendur með þeim afleiðingum að 75 létust.

September

 

• 1. september - Fyrsta kona sem gegndi embætti ráðuneytisstjóra tók til starfa sem slík. Var það Berglind Ásgeirsdóttir, þá 33 ára gömul.
• 3. september - Tekin var í notkun Óseyrarbrú yfir ósa Ölfusár og styttist leiðin milli Þorlákshafnar og Eyrarbakka við það úr 45 í 15 kílómetra.
• 11. september - Söngvabyltingin: 300.000 manns tóku þátt í mótmælum gegn yfirráðum Sovétríkjanna.
• 12. september - Fellibylurinn Gilbert tók land á Jamaíka þar sem hann olli miklum skemmdum. 30 manns fórust.
• 14. september - Fellibylurinn Gilbert kom upp að Júkatanskaga. Yfir 200 manns fórust í Mexíkó vegna hans.
• 17. september - Sumarólympíuleikar voru settir í Seoul í Suður-Kóreu.
• 17. september - Steingrímur Hermannsson og Jón Baldvin Hannibalsson létu þau orð falla í viðtali í fréttaskýringaþætti á Stöð 2 að ríkisstjórn Þorsteins Pálssonar væri fallin þar sem ekki væru forsendur fyrir samstarfi eftir tillögur forsætisráðherra um 6% gengisfellingu til að mæta vanda sjávarútvegsins.
• 19. september - Finnska farsímanetið Radiolinja hóf starfsemi.
• 22. september - Eldur braust út á olíuborpallinum Ocean Odyssey í Norðursjó.
• 23. september - Bandaríska kvikmyndin Í þokumistrinu var frumsýnd.
• 24. september - Mikil mótmæli brutust út í Vestur-Berlín vegna fundar Alþjóðabankans og Alþjóðagjaldeyrissjóðsins.
• 26. september - Upp komst um lyfjamisnotkun Ben Johnson sem sett hafði heimsmet í 100 metra hlaupi á Ólympíuleikunum í Seúl.
• 28. september - Önnur ríkisstjórn Steingríms Hermannssonar tók við völdum.
• 29. september - Geimskutlunni Discovery var skotið á loft.

Október

 

• 1. október - Danska sjónvarpsstöðin TV 2 hóf útsendingar og batt þar með enda á einokun DR1.
• 5. október - Mótmæli hófust gegn ríkisstjórn Alsír. Þau voru barin niður af mikilli hörku.
• 5. október - Þjóðaratkvæðagreiðsla um framlengingu valdatíðar Augusto Pinochet fór þannig að meirihluti kaus gegn honum.
• 11. október - Fyrsta konan var kosin forseti sameinaðs Alþingis og var það Guðrún Helgadóttir.
• 12. október - Blóðbaðið í Birchandra Manu: Yfir 13 stuðningsmenn Kommúnistaflokks Indlands (marxistanna) voru drepnir af stuðningsmönnum Kongressflokksins.
• 21. október - Listasafn Sigurjóns Ólafssonar var opnað í Reykjavík. Þennan dag hefði Sigurjón orðið áttræður, en hann lést í desember 1982.
• 23. október - Íslendingar unnu 11 verðlaun á heimsleikum fatlaðra í Seúl í Suður-Kóreu. Þar af voru tvenn gullverðlaun, sem Haukur Gunnarsson og Lilja M. Snorradóttir hlutu.
• 24. október - Stöð 2 stóð fyrir heimsbikarmóti í skák, sem fram fór í Borgarleikhúsinu í Reykjavík og lauk með sigri heimsmeistarans, Garrí Kasparov.
• 27. október - Ronald Reagan ákvað að láta rífa sendiráð Bandaríkjanna í Moskvu út af hlerunarbúnaði sem byggður var inn í bygginguna.
• 28. október - Kvikmyndin Í skugga hrafnsins var frumsýnd í Svíþjóð.
• 29. október - Leikjatölvan Sega Genesis kom út í Japan.
• 30. október - Philip Morris keypti Kraft Foods fyrir 13,1 milljarð dala.
• 30. október - Ayrton Senna tryggði sér heimsmeistaratitilinn í Formúlu 1-kappakstri með sigri í Japan.

Nóvember

 

• 1. nóvember - Fyrsta fjórburafæðing á Íslandi þar sem öll börnin lifðu, allt stúlkur.
• 2. nóvember - Fyrsti tölvuormurinn sem dreifði sér um Internetið, Morrisormurinn, hóf göngu sína.
• 3. nóvember - Tamílskir málaliðar frá Srí Lanka reyndu að fremja valdarán á Maldíveyjum en Indlandsher kom í veg fyrir það.
• 3. nóvember - Þúsundir námsmanna mótmæltu fyrrum forseta Suður-Kóreu Chun Doo-hwan.
• 8. nóvember - George H. W. Bush, fulltrúi repúblikanaflokksins, var kosinn forseti Bandaríkjanna. Michael Dukakis var í framboði fyrir demókrata.
• 10. nóvember - Bandaríski flugherinn viðurkenndi tilvist njósnavélarinnar Lockheed F-117 Nighthawk.
• 15. nóvember - Frelsissamtök Palestínu viðurkenndu tilvist Ísraels og lýsti jafnframt yfir stofnun Palestínuríkis á Vesturbakkanum.
• 15. nóvember - Fyrsta Fairtrade-merkið var gefið út af Max Havelaar-stofnuninni í Hollandi.
• 16. nóvember - Söngvabyltingin: Eistneska Sovétið lýsti því yfir að lög þess væru æðri lögum Sovétríkjanna.
• 16. nóvember - Benazir Bhutto var kjörin forsætisráðherra Pakistans.
• 17. nóvember - Linda Pétursdóttir var krýnd Ungfrú heimur.
• 18. nóvember - Stríðið gegn eiturlyfjum: Ronald Reagan undirritaði lög sem kváðu á um dauðarefsingu fyrir tiltekin brot.
• 22. nóvember - Fyrsta frumgerð Northrop Grumman B-2 Spirit-sprengjuflugvélar var kynnt í Kaliforníu.
• 23. nóvember - Fyrrum forseti Suður-Kóreu, Chun Doo-hwan, baðst opinberlega afsökunar á spillingu í valdatíð sinni og sagðist myndu fara í útlegð.
• 24. nóvember - Bandarísku gamanþættirnir Mystery Science Theater 3000 hófu göngu sína.
• 25. nóvember - Áfengiskaupamálið: Forseti Hæstaréttar, Magnús Thoroddsen, sagði af sér.
• 29. nóvember - Fimleikafélagið Rán var stofnað í Vestmannaeyjum.

Desember

 

• 1. desember - Fyrstu tónleikar íslensku hljómsveitarinnar Bless fóru fram.
• 2. desember - Benazir Bhutto varð fyrsti kvenkyns forsætisráðherra íslamsks ríkis.
• 2. desember - Þúsundir létust þegar fellibylur gekk yfir Bangladess.
• 7. desember - Jarðskjálfti gekk yfir Sovétlýðveldið Armeníu með þeim afleiðingum að nær 25.000 létust.
• 9. desember - Síðustu Dodge Aries- og Plymouth Reliant-bifreiðarnar voru framleiddar af Chrysler.
• 12. desember - 35 létust í lestarslysi í Clapham í London.
• 20. desember - Samningur Sameinuðu þjóðanna gegn ólöglegri verslun með fíkniefni og skynvilluefni var undirritaður í Vínarborg.
• 21. desember - Flugvél sprakk yfir Lockerbie í Bretlandi. Alls dóu 270 manns, þar af 243 farþegar, 16 í áhöfn og 11 á jörðu niðri.
• 21. desember - Bandaríska fjármálafyrirtækið Drexel Burnham Lambert viðurkenndi innherjaviðskipti og samþykkti að greiða 650 milljón dala sekt.
• 22. desember - New York-samningarnir voru undirritaðir milli Kúbu, Angóla og Suður-Afríku þar sem Sameinuðu þjóðirnar fengu stjórn Namibíu.
• 22. desember - Brasilíski aðgerðasinninn Chico Mendes var myrtur.
• 27. desember - Fyrsta fasta bílnúmerið í nýju númerakerfi var sett á bifreið Halldórs Ásgrímssonar dómsmálaráðherra, HP741. Nýja kerfið gekk í gildi í ársbyrjun 1989.
• 29. desember - Íslenska hugbúnaðarfyrirtækið Kögun hf var stofnað.

Ódagsettir atburðir

• Friðrik Skúlason hóf þróun á ættfræðiforritinu Espólín.
• Skýjakljúfurinn Torre Picasso var opnaður í Madríd.
• Bók Salman Rushdie, Söngvar Satans, kom út.
• Veitingastaðurinn Ítalía hóf starfsemi í Reykjavík.
• Hljómsveitin Traveling Wilburys var stofnuð.
• Ungmennafélagið Fjölnir var stofnað í Grafarvogi í Reykjavík.
• Íslenska fyrirtækið Milestone ehf. var stofnað.
• Bandaríska hljómsveitin Nine Inch Nails var stofnuð.

• 1. janúar - Katie Volding, bandarísk leikkona.
• 17. janúar - Nikki Reed, bandarísk leikkona.
• 14. febrúar - Ángel Di María, argentínskur knattspyrnumaður.
• 17. febrúar - Natascha Kampusch, fórnarlamb mannræningja.

 

• 20. febrúar - Rihanna, söngkona frá Barbados.
• 25. febrúar - Rúrik Gíslason, íslenskur knattspyrnumaður.
• 28. apríl - Juan Mata, spænskur knattspyrnumaður.
• 4. mars - Adam Watts, enskur knattspyrnumaður.
• 5. mars - Bjarni Viðarsson, íslenskur knattspyrnumaður.
• 11. mars - Fábio Coentrão, portúgalskur knattspyrnumaður.
• 11. mars - Helena Sverrisdóttir, íslensk körfuknattleikskona.
• 27. mars - Brenda Song, bandarísk leikkona.
• 30. mars - Richard Sherman, bandarískur knattspyrnumaður.
• 10. apríl - Haley Joel Osment, bandarískur leikari.
• 13. apríl - Anderson Luís de Abreu Oliveira, brasilískur knattspyrnumaður.
• 28. apríl - Juan Mata, spænskur knattspyrnumaður.
• 5. maí - Adele, bresk söngkona.
• 11. maí - Oscar Carlén, sænskur handknattleiksmaður.
• 27. maí - Birkir Bjarnason, íslenskur knattspyrnumaður.
• 1. júní - Javier Hernández, mexíkóskur knattspyrnumaður.

 

• 28. júlí - Gunnar Nelson, íslenskur bardagaíþróttamaður.
• 18. ágúst - Ásgeir Erlendsson, íslenskur fréttamaður.
• 24. ágúst - Rupert Grint, enskur leikari.
• 27. ágúst - Alexa Vega, bandarísk leikkona.
• 1. september - Sigurjón Friðbjörn Björnsson, íslenskur handknattleiksmaður.
• 27. september - Hjörtur Logi Valgarðsson, íslenskur knattspyrnumaður.
• 27. september - Guðný Björk Óðinsdóttir, íslensk knattspyrnukona.
• 4. október - Derrick Rose, bandarískur körfuknattleiksmaður.
• 7. október - Diego Costa, spænskur knattspyrnumaður.
• 7. október - Friðrik Dór, íslenskur tónlistarmaður.
• 13. október - Úlfur Karlsson, íslenskur kvikmyndagerðarmaður.
• 15. október - Mesut Özil, þýskur knattspyrnumaður.
• 6. nóvember - Conchita Wurst, austurrískur söngvari.
• 19. nóvember - Xavier Barachet, franskur knattspyrnumaður.
• 1. desember - Jay Simpson, breskur knattspyrnumaður.
• 7. desember - Emily Browning, áströlsk leikkona.
• 14. desember - Vanessa Hudgens, bandarísk leikkona.
• 19. desember - Alexis Sánchez, spænskur knattspyrnumaður.
• 27. desember - Hera Hilmarsdóttir, íslensk leikari.
• 30. desember - Rakel Hönnudóttir, íslensk knattspyrnukona.

• 15. febrúar - Richard Feynman, bandarískur eðlisfræðingur (f. 1918).

 

• 28. febrúar - Guðrún Á. Símonar, íslensk óperusöngkona (f. 1924).
• 25. mars - Gunnar M. Magnúss, íslenskur rithöfundur (f. 1898).
• 31. mars - William McMahon, forsætisráðherra Ástralíu (f. 1908).
• 21. maí - Sammy Davis, Sr., bandarískur dansari og leikari (f. 1900).
• 27. maí - Hjördis Petterson, sænsk leikkona (f. 1908).
• 25. júní - Svavar Guðnason, íslenskur listmálari (f. 1909).
• 30. júlí - Ólafur Jóhann Sigurðsson, íslenskur rithöfundur (f. 1918).
• 2. ágúst - Raymond Carver, bandarískur rithöfundur (f. 1938).
• 14. ágúst - Enzo Ferrari, ítalskur bílahönnuður (f. 1898).
• 27. ágúst - Max Black, bandarískur heimspekingur (f. 1909).
• 28. ágúst - Paul Grice, bandarískur heimspekingur (f. 1913).
• 16. október - Christian Matras, færeyskur málfræðingur (f. 1900).
• 22. október - Plácido Galindo, perúskur knattspyrnumaður (f. 1906).
• 26. október - Ragnar Kjartansson, íslenskur myndhöggvari (f. 1923).
• 6. desember - Roy Orbison, bandarískur tónlistarmaður (f. 1936).

• Eðlisfræði - Leon M. Lederman, Melvin Schwartz, Jack Steinberger
• Efnafræði - Johann Deisenhofer, Robert Huber, Hartmut Michel
• Læknisfræði - James W, Black, Gertrude B. Elion, George H. Hitchings
• Bókmenntir - Naguib Mahfouz
• Hagfræði - Maurice Allais
• Friðarverðlaun - Friðargæslusveitir Sameinuðu þjóðanna, New York borg