Gjermanie
| Gjermanie | |
  | |
| Informazions | |
| Nomenance | Bundesrepublik Deutschland |
| Lenghe ufiziâl | Todesc |
| Capitâl | Berlin |
| Politiche | |
| Forme di guvier | Republiche federâl |
| Cjâf dal stât | Frank-Walter Steinmeier |
| Cjâf dal guvier | Angela Merkel |
| Indipendence | 18 di Zenâr 1871 |
| Jentrade inte ONU | 18 di Setembar 1973 |
| Gjeografie | |
| Continent | Europe |
| Fûs orari | UTC +1 |
 | |
| Superficie | |
| Superficie Totâl | 357.376 |
| Intal mont | 61° |
| % di aghe | 2,18% |
| Popolazion | |
| Popolazion totâl | 82.175.684 ab. |
| Intal mont | 16° |
| Densitât | 230 ab./km2 |
| Economie | |
| Monede | Euro |
| Consum energjie | kWh/ab. |
| Domini di prin nivel | .de |
| Prefìs tel. internazionâl | +49 |
| Plache automobilistiche | D |
| Imni nazionâl | Das Lied der Deutschen |
| Fieste nazionâl | 3 di Otubar |
La Gjermanie e je un stât de Europe centrâl che e je stade un dai fondadôrs de Union Europeane. Vuê al è al stât plui popolât e indi un dai plui impuartants de Union, soredut tal ambit economic. E confine a ovest cun France, Lussemburc, Olande e Belgjiche, a sud cun Svuizare e Austrie, a est cun Polonie e Republiche Ceche e a nord cun Danimarcje.
Gjeografie
La Gjermanie si slargje dal Mâr dal Nord e dal Mâr Baltic fin tes Alps, dulà che si cjate la cime plui alte (Zugspitze, 2.962 metris). A Jevât il confin al è segnât de confluence dai flums Oder e Neisse, mintri che a Bonât il limit nazionâl al è la valade dal Ren.
La zone setentrionâl e centrâl dal paîs si cjate la bassure gjermaniche, che si slargje viers Jevât inte planure Sarmatiche. La part centri-orientâl a si cjatin rilêfs di altece no superiôr a 1.600 metris, clamâts Mittelgebirge.
Il flum plui lunc al è il Ren, che con i sôs 1.320 km (la risultive e i prins chilometris a son logadis in Svuizare) al travierse la intiere nazion di Sud a Nord.
Storie
La Gjermanie, tal sens di stât nazionâl e je nassude intal 1871, cuant che i paîs de Confederazion todescje si unirin intal Imperi Gjermanic, terminât cun la fin de Prime Vuere Mondiâl e cul Tratât di Versailles dal 1919.
La Republiche di Weimar e fo fondade subit daspò de vuere come tentatîf di stabilî un paîs liberâl e democratic; intal 1923, purpûr, si combinà une iperinflazion e un grant declini economic, che consintì la montade al podè di Adolf Hitler cirche dîs agns plui tart.
Intal 1949 il paîs e fo dividût in dôs nazions, la Republiche Federâl Todescje a Bonât e la Republiche Democratiche Todescje a Jevât, cheste ultime inte zone di ocupazion russe. A sô volte, la citât di Berlin e fo dividude a mitât, cun la bande ocidentâl che deventà di pertinence de Republiche Federâl e la bande orientâl de Republiche Democratiche.
Cun la fin de Vuere Frede e l'abatiment dal Mûr di Berlin, la riunificazion dal paîs e fo acelerade: intal 3 di Otubar dal 1990, difat, il teritori de Republiche Democratiche e fo anetût inte Republiche Federâl.
Popolazion
La popolazion di marilenghe todescje e je cirche l'85% dal totâl. Il grup forest plui grant al è chê turc (di plui di 2 milions di personis), seguît dai grups talian, serbian, grec, polac e crauat.
Ordenament dal stât
La nazion e je dividude in 16 stâts federâts (tod. Länder); Berlin e Amburc a son citâts-stât, mintri che il Breme (stât) e comprent ancje la citât di Bremerhaven.
Tabele dai stâts federâi todescs
| |||||||||||||||||||||||||||||||||||||||||||||||||||||||||||||||||||||||||
Economie
La Gjermanie e je la plui grande potence economiche de Europe, la cuarte al mont par PIL e la cuinte par PIL a paritât di podê di acuist.
Viôt ancje
This article uses material from the Wikipedia Furlan article Gjermanie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.