C'l artìcol chè 'l è scrit in Carpśàn
La Vèner 'd Brassempouy, ciamèda anca Sgnóra 'd Brassempouy u Dama cun la brèta, l' è un pês ed statuèta 'd avóri cun na ghìgna 'd dòna preistórica, catèda vers al 1894 in dla Gróta 'd al Pepa in dal cumùn 'd Brassempouy, in dla regiòun aquitàna 'dla Fransa durànt ai schêv ed soquànt archiòlug 'd al tèimp.
Sculpìda in dl avóri 'd mammùt ed 24000 an fà, fend pert 'dla cultùra gravetiàna 'd cal perìod lè, la Vèner la s catèva ind un strêt 'd ai schèv insèm a dimòndi èter pês mìa tròp méj sculpî, mo però sèimper in dl avóri, tant che 'l archiòlug Édouard Piette al finìva per ciamèr 'd avóri tùta cla particulèr sedimeintasiòun catèda in dla Gróta.
In cal mèinter chè, la statuèta, elta 3,65 cm per 2,2 cm 'd profonditê per 1,9 cm 'd larghèsa, la s cata in dal Muséo 'dl'Archiulugìa Nasiunèla 'd Saint-Germain-en-Laye, śvèin a Parì.
This article uses material from the Wikipedia Emiliàn e rumagnòl article Vèner 'd Brassempouy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.