Uova D'oro
C'l artìcul chè 'l è scrit in Miranduléś
Miranduléś Huevos de oro | ||
| Uova d'oro | ||
 Bardem e Gassman in na figùra dal film | ||
| Óṿ 'd òr 1993 | ||
|---|---|---|
| Regìa: Juan José Bigas Luna | ||
| Scritōr: Cuca Canals • Bigas Luna | ||
| Atōr: Javier Bardem • Alessandro Gassman Maribel Verdú • Benicio Del Toro • Alicia Moro Raquel Bianca • Francesco Maria Dominedò Elisa Tovati • Thomas Lusht • María Martín Albert Vidal • Enric Cusí • Francisco Casares Ángel de Andrés López • Maria de Medeiros | ||
| Müsica: Nicola Piovani | ||
| Léngua: Spagnōl | ||
| Dürä dal film: 95 minüt | ||
| Nasiōṅ: Spaggna • Itàglia • Frància | ||
Uova d'oro (Óṿ 'd òr) 'l è 'n film dramàtic dal 1993 ad Juan José Bigas Luna. La pelìcula 'l è stada giràda a Benidorm (Alicànt), a Madrìd, a Melilla e a Miami.
Gl’Óṿ 'd òr dal tìtul i èṅ di sìmbui di cajòṅ che Javier Bardem al strica in dla lucandìna dal film.
Sunt
Benito (Javier Bardem) e Miguel (Alessandro Gassmann) i èṅ dū militàr e caprentēr ch'i lavór'n a Melilla, sità spagnōla in teritòri maruchèṅ. Benito, fan sfegatâ ad Julio Iglesias, 'l è 'l muróś dla Rita (Elisa Tovati), surèla dal sò culéga muradōr Mosca (Francesco Dominedò), che però la gh mét i còran pròpria cun Miguel. Benito al s arlìa e 'l tórna in Spaggna cun l'idéa ad dvintàr un palasinàr. C'n i bèsi abû in prèst da Gil (Ángel de Andrés López) al śōv'n al gh la cava a tiràr sù al sò prim edifìsi a Benidorm (in dla cumunità valensiàna), na tór ciamàda "Torre González" ch'l'arcòrda a la fiṅ la fórma 'd un cas.
Benito al fà furtùna e 'l s mét insém a la Claudia (Maribel Verdú), na dóna cgnusùda in un bar, ma pò al la fà spuśàr a Gil méntar lò al spóśa par bèsi sò fiōla Marta (Maria de Medeiros). Dvintâ ric al decìd 'd a n jutàr briśa la Rita, finìda in buléta, e par vindicàr-'s ad Miguel 'l al tōś a lauràr sèg cuma manuvàl. In cal méntar la Claudia, stufa ad star cun Gil, la fà crédar 'd èsar l'amànta 'd Benito, insfilsànd-'g un sò regipèt in dla bisàca dla sò giàca, parchè la vrév turnàr a èsar la sò dóna. La Marta la n gh véd piò da l'arlìa ma pò fra lē, la Claudia e Benito a taca 'n rapòrt a tri.
C'n al parmés dla Marta e 'd Benito la Claudia la taca a 'ndàr fóra cun 'n atōr americàṅ pîṅ ad mùscui, Bob (Benicio del Toro). I dū però i fàṅ 'n incidènt in màchina, cun la Claudia ch'la mōr e lò ch'l armàgn uféś a 'l gambi.
Culegamènt estéran
This article uses material from the Wikipedia Emiliàn e rumagnòl article Uova d'oro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.