C'l artìcul chè 'l è scrit in Miranduléś
The Signal | ||
AJ Bowen e Scott Poythress in na figùra dal film | ||
Al Signàł 2007 | ||
---|---|---|
Regìa: David Bruckner • Dan Bush • Jacob Gentry | ||
Scritōr: David Bruckner • Dan Bush • Jacob Gentry | ||
Atōr: AJ Bowen • Anessa Ramsey • Sahr Ngaujah Scott Poythress • Justin Welborn • Cheri Christian | ||
Müsica: Ben Lovett | ||
Léngua: Ingléś | ||
Dürä dal film: 103 minüt | ||
Nasiōṅ: Stat Unî |
The Signal (Al Signàł) 'l è 'n film ad scarésa americàṅ dal 2007 ad David Bruckner, Dan Bush e Jacob Gentry girâ a Atlànta c'n un budget ad sinquànta-mila dòlar.
La pelìcula l'è ambintàda in dla sità invintàda 'd Terminus, al nóm ch'la gh'iva la capitàl dla Geòrgia quànd l'è stada fundàda in dal 1837.
Turnànd a cà da sò marè Lewis (AJ Bowen) dòp avēr pasâ la nòt c'n al sò amànt Ben Capstone (Justin Welborn), la Mya Denton (Anessa Ramsey) la fà a mènt che la gint in gir l'è fóra 'd tèsta a séguit ad soquànt singài disturbâ ch'i rìvan da i telefunèṅ, da 'l ràddio e da 'l televiśiòṅ. Anc in dal sò cundumìni 'l è 'n masèl parchè dagnóra tut i gh'aṅ la matéria in dla suca ch'la i pòrta a cupàr i sò vśèṅ 'd cà. La dóna la scapa via in présia da 'l sò apartamènt insém a 'l sò amìg Rod (Sahr Ngaujah) dòp che sò marè 'l à fat fóra Jerry (Matthew Stanton).
Lewis al finìs a cà dna sgnōra ciamàda Anna (Cheri Christian) ch'l'iva péna masâ 'l sò spóś Ken (Christopher Thomas) par difénd'r-as da lò ch'l iva pruâ a strusàr-la sóta 'l efèt dal signàł dal televiśōr. La sgnōra l'éra drē a dar na fèsta e òṅ di òspit, Clark (Scott Poythress), 'l à fat cumpàgn cun Rod tajànd-ag la tèsta. Lewis 'l è drē a pascàr sò mujēr mo anc Ben al vōl savēr in du è-la finìda la Mya.
This article uses material from the Wikipedia Emiliàn e rumagnòl article The Signal (film 2007), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.