C'l artìcol chè 'l è scrit in Carpśàn
Teletubbies | ||
Teletubbies | ||
Teletubbies 1997 | ||
---|---|---|
Avtōr: | ||
Regìa: | ||
Senegiadùra: | ||
Personâǵ: Al Tinky Winky Al Dipsy La Laa-Laa La Po | ||
Dupiadōr originêl: | ||
Mùśica: | ||
Durèda dal progràma: 25 minût | ||
Lengua: Ingléś | ||
Nasiòun/Paēś: Régn Unî |
I Teletubbies (ciamê acsè anca in itagliàn) egl'ìn di pupâs protagonìsta edla séri TV ch'la porta al stès nom, per putèin dimòndi cìc, mìsa in ònda dala BBC tra 'l 1997 e 'l 2001. Tùt e quàter i Teletubbies egl'ìn impersunê da di atōr vistî cun di custùm ed na stófa colorèda e imbutìda. I gh'àn anc na banda retangolèra sàimper 'd stófa griśa in dla pansa che, ind un sert mumèint edla puntèda, la dvèinta a só volta un schérum dla televiśiòun, ch'al fà vèder di bē filmèin per putèin, cun dagli aventùri da cinèin dimòndi, c'ma p'r eśèimpi di sèlt dàint'r el pósi 'd aqua, o dal brìśi stremnèdi per dèr-i a di nader, e via descurènd.
I Teletubbies i stàn dàint'r in na cà tùta 'd fêr e 'd plàstica, cun di letèin, na tèvla e dal scrani c'ma ch'i fùsen ind un tèimp futûr, cun di tûb, dal lûś e di ptòun ch'i par'rèven cmandèr dal funsiòun edla cà. Fóra dala porta, i Teletubbies i vàn in dal giardèin in dû i s caten anca dimòndi cunìi drē a magnèr dl'èrba. Despès i Teletubbies i tàch'n a dìr:"Tante coccole, tante coccole" màinter ch'i s brasen, e "Ciao ciao, ciao ciao", quand i salùt'n al public di putèin.
This article uses material from the Wikipedia Emiliàn e rumagnòl article Teletubbies, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.