Taxi Driver
C'l artìcul chè 'l è scrit in Miranduléś
Miranduléś Taxi Driver | ||
| Taxi Driver | ||
 La Jodie Foster e De Niro in na figùra dal film | ||
| Tasìsta 1976 | ||
|---|---|---|
| Regìa: Martin Scorsese | ||
| Scritōr: Paul Schrader | ||
| Atōr: Robert De Niro • Jodie Foster • Harvey Keitel Cybill Shepherd • Peter Boyle • Albert Brooks Leonard Harris • Victor Argo • Brenda Dickson | ||
| Müsica: Bernard Herrmann | ||
| Léngua: Ingléś • Spagnōl | ||
| Dürä dal film: 113 minüt | ||
| Nasiōṅ: Stat Unî | ||
Taxi Driver (Tasìsta) 'l è 'n film dramàtic americàṅ dal 1976 ad Martin Scorsese, vinsidōr dla Palma 'd òr a 'l 29śum Fèstival ad Cannes.
Sunt
Travis Bickle (Robert De Niro) al gh'à vint-siē an, al stà a New York e 'l à cgnusû la guèra in Vietnam. Al fà al tasìsta ad nòt parchè al fà fadìga a durmìr, inóltar 'l è 'n alienâ e anc deprès. Durànt al dè al viṿ da par lò, al scriv un diàri e al guàrda la televiśiòṅ. Quànd al và fóra, al s pasa 'l tèmp a védar di film pòran in di cìnema a luś rósa.
Travis 'l è tòlt dimóndi da la Betsy (Cybill Shepherd), n'impiegàda ch'la lavóra p'r al senadōr Charles Palantine (Leonard Harris) candidâ a dvintàr al presidènt di Stat Unî. Quànd chi lò al gh la cava a purtàr-la fóra, al fà al śbali più grand dla sò vita purtànd-la a védar òṅ di chi film lè spurcaciòṅ e acsè al vèṅ dascargâ in quàt'r e quàt'r òt.
Al tasìsta 'l è daśgustâ da qvél ch'al véd e da 'l cumpurtamènt da schiva dla sucietà. Quànd na baghéta ad tréd'ś an, l’Iris (Jodie Foster), la gh dmanda un pasàǵ par scapàr via da 'l sò prutedōr Matthew "Sport" (Harvey Keitel), lò al vrév in tut al manéri salvàr-la da 'l sò destîn ma lē la n gh astà briśa dgénd che, quànd l'è muntàda sù, l'éra drugàda pódga. La ragasōla la tórna acsè da Matthew.
Travis al và śò 'd tèsta e al taca a cumpràr dal pistòli.
Culegamènt estéran
This article uses material from the Wikipedia Emiliàn e rumagnòl article Taxi Driver, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.