C'l artìcol chè 'l è scrit in Carpśàn
Al stramâs (materasso in itagliàṅ) 'l è cal grôs cusèin imbutî, 'd forma retangolêr, ch'al stà in dal lêt sòt'à i cristiàṅ ch'i s egh śachen in sìma.
'D sòt a 'l stramâs a gh'stà la reda. Per tgnìr-el abàsta pulî, al stramâs 'l andrèv cuacê dàinter in na só frōda apósta, cuacèda incòr dai linsō in sìma.
In di tèimp pasê, in dal canpàgni, al stramâs 'l era sōl un grôs sâc ed canva pîn ed pavéra o 'd fói 'd furmintòun, dìt al pajòun, pugê in sìm'a la reda dal lêt, mo a gh'n era anch'ed quī fât col crîn ed cavâl, ed lana o cun di èter quêl incòr śmulśèin.
In di noster dè a è custumê al stramâs cun dàint'r al mòli, ciamê anca "ortopèdic", e in di ùltem tèimp, quêl cun dla gòma tendra apòsta, ch'la tìn bèin sustgnùda la forma dal corp ch'al s egh śaca in sìma.
This article uses material from the Wikipedia Emiliàn e rumagnòl article Stramâs, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.