Sotto Il Vestito Niente

C'l artìcul chè 'l è scrit in Miranduléś

Sotto Il Vestito Niente Miranduléś

Sotto Il Vestito Niente Sotto il vestito niente
Sotto Il Vestito Niente
La Simonsen e Schanley in na figùra dal film
Sóta 'l vistî gnint
1985
Regìa: Carlo Vanzina
Scritōr: Marco Parma • Franco Ferrini
Atōr: Renée Simonsen • Donald Pleasence
Tom Schanley • Sonia Raule • Anna Galiena
Cyrus Elias • Nicola Perring • Maria McDonald
Catherine Noyes • Paolo Tomei • Mimmo Sepe
Müsica: Pino Donaggio
Léngua: Itagliàṅ
Dürä dal film: 88 minüt
«
Pascàr la fama 'l è murtàl.»
(Tagline dal film)


Sotto il vestito niente (Sóta 'l vistî gnint) 'l è 'n film śal dal 1985 ad Carlo Vanzina ambintâ in dal mónd dla mòda milanéśa dla Milàṅ da bévar di an Utànta. 'L à fat sù al 22śum incàs ad cla stagiòṅ lè a i budghèṅ itagliàṅ.

Vanzina, sarnî dòp che Michelangelo Antonioni 'l iva dit ad nò a 'l prudutōr Achille Manzotti, al s è ispirâ a 'l rumànś umònim ad Paolo Pietroni, publicâ c'n al nóm ad Marco Parma, ma pò 'l à cambiâ dimóndi al scrit insém a Franco Ferrini parchè 'l iva catâ al lìbar brut. Piutòst lò al vliva ispirar-'s a Omicidio a luci rosse ad Brian De Palma e a 'n fat sucès dabòṅ in alóra a Milàṅ, al masamènt in dal mónd dla mòda dal femnàr Francesco D'Alessio da part dla mudèla americàna Terry Broome. I stilìsta itagliàṅ i n 'n aṅ vlû savēr ad dar al sò apòǵ a la pelìcula, a part Franco Moschino ch'l à urganiśâ na sfilàda apòsta p'r al film. A la prima ad Sotto il vestito niente, i stilìsta i n s èṅ minga fat védar dal tut anc se invidâ e 'l dè dòp i giurnài i aṅ intitulâ «La mòda 'd Milàṅ la tarma».

Al film al gh'à abû un séguit minga uficiàł, Sotto il vestito niente II ad Dario Piana, e òṅ uficiàł, sèmp'r ad Vanzina, Sotto il vestito niente - L'ultima sfilata dal 2011.

Sunt

Bob Crane (Tom Schanley), guardiàṅ dal parc ad Yellowstone in dal Wyoming, al tōś subìt 'n aparéć par Milàṅ quànd al sènt telepaticamènt che la sò śmèla, la mudèla Jessica (Nicola Perring), l'è in perìcul, avénd catâ la mòrt cupàda c'n un para 'd fòrbis. Quànd al riva in Itàglia, ad sò surèla a n s sà più gnint, l'è sparìda. Dòp avér vdû ch'la pulisìa la n s dà minga tant da far, al s mét lò a investigàr in dal mónd dla mòda, faghénd dal dmandi a i culéga ad lavōr dla Jessica. Chi lē la stava in un palàs e la dividìva 'l apartamènt cun atri tri mudèli, la Carrie (Catherine Noyes), la Margot (Maria McDonald) e la Barbara (Renée Simonsen). Qvésta chè specialmènt la 'l juta vluntéra parchè l'éra dimóndi amìga ad sò surèla e anc parchè lò al gh piàś abàsta.

Dòp avér cgnusû anc al purtinàr pursèl dal palàs (Mimmo Sepe), la Carrie la vèṅ catàda mòrta cun na fòrbśa insfilsàda adòs e sōl alóra al cumisàri Danesi (Donald Pleasence) al taca a far-as càrag dal caś dabòṅ. I masamènt però i cuntìnuan cun la Margot ch'la mōr in dla stésa manéra, pròpria quànd Bob al ricév na létra da la Jessica. A s vèṅ a savér che soquànt tèmp prima 'n imprendidōr pîṅ ad bèsi, Giorgio Zanoni (Cyrus Elias), 'l iva urganiśâ un festèṅ in dua d'l alcol e dla cucaìna a gh 'n éra ch'a gh in vansàva. Insém a lò i gh'ér'n anc la Jessica, la Margot, la Carrie e n'atra mudèla ad nóm Cristina (Sonia Raule) ch'l'iva pardû la vita śugànd a la roulette rusa. Par far-i taśēr e par n avér di guàj, 'l óm 'l iva dâ dimóndi diamànt a cal tri dóni. Ma pò i diamànt i éran sparî.

Culegamènt estéran

Tags:

EmiliànMiranduléś

🔥 Trending searches on Wiki Emiliàn e rumagnòl:

FilosofîSèrb-Cruàt30 ed nuvèmberJohn Saxon54 (nùmer)Aliens - Scontro finaleTecnologîIràn1842Azerbaigiàn.招聘BélgiDaily IPTV ReviewODMèsicPP (PIA)18021983800La sorella di UrsulaMêrsRoberta BruzzoneLucien de RubempréRumênCiro MenottiPatriarcaJar Of FliesIn medio stat virtusSalunech16 ed lóiTèxasLatèinSleim Ammar1490 (nùmer)Toronto1067NuvalêraSârlandL'insegnante viene a casa12 ed mèrzLo specchio scuro700 (nùmer)5 ed mèrzEmégglia-RumâgnaDistùrub depresìṿGAn 1000TriettoCina82917913397Sistamma operatîvPandôrBad Pinocchio2020Dialèt fraréś.tiaaInglês181231 (nùmer)Downside UpMatthias Schoenaerts43 (nùmer)CampéṣenAdele (cantànta)Purtugàl🡆 More