C'l artìcul chè 'l è scrit in Miranduléś
Simul stabunt simul cadent o Simul stabunt vel simul cadent (literalmènt insém i staràṅ o sinò insém i cascaràṅ) l'è na manéra 'd dir latìna ch'a s dróa in dal dirìt p'r indicàr che quànd na situasiòṅ la n gh'è piò la s tira adrē 'n àtar quèl ch'al n pōl minga armàgnar sù da par lò, faghénd dònca crudàr incòśa.
Al prim uś difùś su i mèdia al gh'è stâ a i tèmp dal fasìśum quànd al Papa Pio XI 'l à tirâ fóra cla fraś chè par mét'r in guàrdia 'l guèr'n itagliàṅ che s'l is mis maṅ a l' Cuncurdâ, firmâ da pôc tèmp, alóra a sarév vgnû śò tut, anc i Pat Lateranéns e la Questiòṅ Rumàna.
'N eśèmpi mudèr'n ad cal dit chè al s cata in dla léǵ su l'elesiòṅ dal presidènt dla regiòṅ. Se p'r un quàlc mutìṿ chi lò al gh'is da vgnir méno (par mòrt, destitusiòṅ, impedimènt o dimisiòṅ) alóra la sò Giùnta e 'l Cunsìli regiunàł i farévan na fiṅ cumpàgna. Un quèl dal gènar 'l è sucès in dal 2014 quànd al presidènt dla regiòṅ Emìglia-Rumàgna Vasco Errani al s è dimìs parchè cundanâ in prim grâd a 'n prucès (pò asòlt in apèl). Vgnénd méno al presidènt a s è dònca andâ diretamènt a gl'elesiòṅ in dal Nuvémbar dal stés an.
This article uses material from the Wikipedia Emiliàn e rumagnòl article Simul stabunt simul cadent, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.