Scream 3
C'l artìcul chè 'l è scrit in Miranduléś
Miranduléś Scream 3 | ||
| Scream 3 | ||
 La Neve Campbell in na figùra dal film | ||
| Sîg 3 2000 | ||
|---|---|---|
| Regìa: Wes Craven | ||
| Scritōr: Ehren Kruger | ||
| Atōr: Neve Campbell • Courteney Cox Arquette David Arquette • Parker Posey • Patrick Dempsey Liev Schreiber • Scott Foley • Lance Henriksen Jenny McCarthy • Carrie Fisher • Matt Keeslar | ||
| Müsica: Marco Beltrami | ||
| Léngua: Ingléś | ||
| Dürä dal film: 112 minüt | ||
| Nasiōṅ: Stat Unî | ||
Scream 3 (Sîg 3) 'l è 'n film ad scarésa americàṅ dal 2000 ad Wes Craven, tèrs capìtul dla saga ad Ghostface dòp Scream dal 1996 e Scream 2 dal 1997. Al gh'à abû pò un séguit in dal 2011, Scream 4.
Custâ quarànta migliòṅ ad dòlar, al film al 'n à pò muciâ sù sènt-a-ssantadū a 'l incìrca.
Sunt
Cotton Weary (Liev Schreiber) 'l è 'l prutagunìsta 'd un prugràma televiśìṿ nóṿ ciamâ „100% Cotton“. Adès al viṿ a Hollywood insém a la sò muróśa Christine (Kelly Rutherford). Méntar 'l è drē a turnàr a cà in màchina al sènt al telèfun sunàr: da cl'atra banda dla curnéta a gh'è òṅ ch'al gh admànda in du è-la la Sidney Prescott (Neve Campbell). Se lò al n gh al diś minga al gh prumét ch'al cuparà la sò muróśa. Dòp èsar-'s fata na dócia la Christine la cata 'l sasèṅ in cà e la s lóga in na cambra srand-la a ciàṿ. Quànd a riva Cotton, cardénd-'l al manìac, la ragàsa la gh tira 'n cōlp in cô cun la masa da gòlf, pò la s bèca na scurtlàda in dla schina e la mōr. Anc Cotton al gh lasa 'l péni.
In cal méntar la Sidney la s cata cun sò pàdar in un pòst segrét in muntàgna par lugàr-as da 'l sasèṅ che da dimóndi an al gh dà adòs. La giurnalìsta Gale Weathers (Courteney Cox Arquette), durànt na cunferénsa stampa, l'incróśa 'l detective Mark Kincaid (Patrick Dempsey) ch'al gh fà védar na foto dla Maureen Prescott da ragasōla ch'al serial killer 'l iva lasâ su 'l cadàv'r ad Cotton. 'L agìnt al gh dmanda 'l sò ajùt par purtàr avànti gl'indàśìn. In séguit la Gale la gh'à la manéra 'd litgàr-as cun la Jennifer Jolie (Parker Posey), l'atōra ch'la gh'à 'l sò rōl in dal film „Śbrandlâ 3“ e ch'la fà la cōrt a Linus (David Arquette).
Al dè dòp Ghostface al s insfìlsa in di studi in du a s gira 'l film par masàr la Sarah Darling (Jenny McCarthy). La Jennifer l'è daspràda parchè la fà a mènt ch'al sasèṅ al masa gl'atōr in d'l órdan cumpàgn a qvél dla pelìcula ch'i èṅ drē a giràr e lē la sarév qvéla ch'la gh'à da vgnir dòp.
Culegamènt estéran
This article uses material from the Wikipedia Emiliàn e rumagnòl article Scream 3, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.