Sabato, Domenica E Venerdì
C'l artìcul chè 'l è scrit in Miranduléś
Miranduléś Sabato, domenica e venerdì | ||
 L'Edwige Fenech e Lino Banfi in na figùra dal film | ||
| Sàbat, dméndga e venardè 1979 | ||
|---|---|---|
| Regìa: Pasquale Festa Campanile Sergio Martino • Castellano e Pipolo | ||
| Scritōr: Castellano e Pipolo | ||
| Atōr: Edwige Fenech • Lino Banfi • Michele Placido Adriano Celentano • Barbara Bouchet • Lova Moor Milena Vukotic • Margot Cottens • Franco Diogene Antonio Ferrandis • Lory Del Santo • Daniele Vargas | ||
| Müsica: Mariano Detto | ||
| Léngua: Itagliàṅ | ||
| Dürä dal film: 118 minüt | ||
| Nasiōṅ: Itàglia | ||
Sabato, domenica e venerdì (Sàbat, dméndga e venardè) l'è na cumèdia a epiśòdi dal 1979 ad Sergio Martino, ad Pasquale Festa Campanile e ad Castellano e Pipolo.
In d'l epiśòdi Venardè i rècitan al ragàsi dal còrp ad bal dal Crazy Horse ad Parì. Al cantànt Leone di Lernia al canta i braṅ „La megghiaire sfaticata“ e „Ce vuò ce fè“ méntar Celentano al canta „Constantin“.
Sunt
Prim epiśòdi: Sàbat • regìa ad Sergio Martino
Nicola La Brocca (Lino Banfi), ciamâ "Tòpolo" par la sò muróśa e culéga Clelia (Milena Vukotic), una ch'la gh astà sèmp'r adòs, 'l è 'n raśunēr ch'al lavóra par n'aśiénda giapunéśa, la Zaikoto. P'r al fiṅ dla stmana a gh'à di rivàr a Milàṅ 'l inśgnēr Tokimoto (Edwige Fenech) e al diretōr (Daniele Vargas), ch'al gh'à da divértìr-as cun la sò pràtica Baby (Lory Del Santo) al vōl śbulugnàr-al pròpria a 'l pugliéś Nicola ch'al gira cun na màchina lòfi c'n un trul a 'l pòst dal parfùm in sal cruscòt. Quànd a riva 'l inśgnēr a gh'è na surpréśa parchè l'è n'inśgnēra e anc dimóndi fata bèṅ tant che Nicola al pèrd la tèsta par lē e al s daśméndga ad sò mujér a 'l mâr da par lē in Ligûria in na pensiòṅ pîna 'd vèć. Chi lē, ch'l'è dimóndi gelóśa, la decìd ad turnàr subìt in Lumbardìa par far-'g-la pagàr e dar-'g-i, jutàda da 'n bagnarōl tracagnòt, Gustavo (Salvatore Baccaro).
Secónd epiśòdi: Dméndga • regìa ad Pasquale Festa Campanile
Mario Salvetti (Michele Placido) al fà 'l camiunìsta e la dméndga al vrév punsàr parchè 'l è stlâ par la fadìga dal lavōr pēś dla stmana. Purtròp par lò la dóna ch'la viṿ a 'l piàṅ ad sōvar, l’Enza (Barbara Bouchet), la s è misa in tèsta ad tōr-as la vita parchè i èṅ drē a rivàr i sò genitōr da la Sicìglia par cgnós'r-an al marè Camillo (Manuel Zarzo) che però 'l è sōl al sò amànt esénd lò bèla spuśâ. P'r al fat che sò pàdar (Antonio Ferrandis) 'l è dimóndi a l'antìga, c'n al ciòld fis d'l unōr dla famìja Paternò, e al n pōl pròpria minga cumpatìr-as na fiōla cumpagnàda e briśa spuśàda, piutòst al la cópa, lē la dmanda a Mario ad far finta 'd èsar sò marè. Chi lò 'l è custrét acsè ad pasàr-'n ad tut i culōr par salvàr la vita a l’Enza.
Tèrs epiśòdi: Venardè • regìa ad Castellano e Pipolo
Ambrose Costantin (Adriano Celentano) 'l è 'n impreśàri fóra 'd tèsta ch'al tîṅ di spetàcui in gir p'r al mónd dal famóś balét “Les porte-bonheur”, furmâ par trédas ragàsi cavàdi śò. I gh dànan na maṅ un cureógrafar chichèṅ (Ernest Thole) e 'n sarvidōr ad culōr (Master Andrew Omokaro). Un dè la balarìna arvèrsa Jacqueline (Lova Moor) la mòla incòsa p'r andàr-'s a spuśàr c'n al gangster Fred (Manuel Gallardo) ma Costantin al n è minga tant dl'idéa e al partìs in quàrta p'r andàr-la a tōr indrē.
Culegamènt estéran
This article uses material from the Wikipedia Emiliàn e rumagnòl article Sabato, domenica e venerdì, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.