Quel Gran Pezzo Dell'ubalda Tutta Nuda E Tutta Calda
C'l artìcul chè 'l è scrit in Miranduléś
Miranduléś Quel gran pezzo dell'Ubaldatutta nuda e tutta calda | ||
 La Fenech, D'Orsi e Franco in na figùra dal film | ||
| Cal pès grôs dl'Ubalda nûda dal tut e bèla bujènta 1972 | ||
|---|---|---|
| Regìa: Mariano Laurenti | ||
| Scritōr: Tito Carpi • Luciano Martino | ||
| Atōr: Edwige Fenech • Pippo Franco • Dante Cleri Karin Schubert • Umberto D'Orsi • Pino Ferrara Gino Pagnani • Renato Malavasi • Carla Mancini Alberto Sorrentino • Renato Montalbano | ||
| Müsica: Bruno Nicolai | ||
| Léngua: Itagliàṅ | ||
| Dürä dal film: 91 minüt | ||
| Nasiōṅ: Itàglia | ||
Quel gran pezzo dell'Ubalda tutta nuda e tutta calda (Cal pès grôs dl'Ubalda nûda dal tut e bèla bujènta) 'l è 'n film da rìdar dal 1972 ad Mariano Laurenti. 'L è 'l tèrs film dal filòṅ dla cumèdia spurcaciòna a l'itagliàna e quél ch'l à fat cgnósar dabòṅ la Edwige Fenech.
Custâ Nuànta migliòṅ ad franc a 'l incìrca, al 'n à pò fat sù setsènt-vintnóṿ. A 'l èstar 'l è cgnusû anc c'n al tìtul ad “Ubalda, all naked and warm”.
Cla pelìcula chè l'à ciapâ i cumplimènt ad Walter Veltroni quànd al fava 'l crìtic cinematugràfic par La Repubblica. Par lò l'inténsa Fenech l'éra 'n persunàǵ a la Truffaut méntar l'interpretasiòṅ patìda ad Pippo Franco l'à śuntâ dla pueśìa a cal preśèpi lè minimàł .
Sunt
Turnâ a cà dòp la guèra, Olimpio De' Pannocchieschi (Pippo Franco) al vèṅ a savér che sò mujér, la Fiamma (Karin Schubert), l'à fat un vōt, la n s darà minga a sò marè prima ad quindas dè. Ma l'è tuta na scuśa parchè lē, ch'la gh'à na sìngia 'd castità adòs, la gh'à biśógn ad tèmp par śluntanàr via tut gl'amànt ch'la gh'à stramnâ in gir par cà. In tut al manéri l'è stada śvélta a fargàr la ciàṿ a sò marè méntar lò 'l éra drē a far-'s un bagn, muśnènt cum 'l éra.
In cal méntar Olimpo al gh'à anc da far paś cun al sò vśèṅ dimóndi arliâ, al munàr Màstar Oderisi (Umberto D'Orsi), ch'al s è spuśâ ad nóṿ cun l’Ubalda (Edwige Fenech), na dóna dimóndi bèla ch'la fà pèrdar la tèsta a Olimpo.
Culegamènt estéran
Nòti
This article uses material from the Wikipedia Emiliàn e rumagnòl article Quel gran pezzo dell'Ubalda tutta nuda e tutta calda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.