C'l artìcul chè 'l è scrit in Miranduléś
Harte Jungs | ||
Porky college 2 - Sempre più duro | ||
Schenke e la Mina Tander in na figùra dal film | ||
Culéǵ purcùs 2 - Sèmpar più dûr 2000 | ||
---|---|---|
Regìa: Marc Rothemund | ||
Scritōr: Granz Henman • Alberto Moravia | ||
Atōr: Tobias Schenke • Axel Stein • Luise Helm Mina Tander • Björn Kirschniok • Nicky Kantor | ||
Müsica: Johnny Klimek • Xaver Naudascher | ||
Léngua: Tedésc | ||
Dürä dal film: 95 minüt | ||
Nasiōṅ: Germàgna |
Porky college 2 - Sempre più duro (Culéǵ purcùs 2 - Sèmpar più dûr) l'è na cumèdia vulgaròta tedésca dal 2000 ad Marc Rothemund trata da 'l rumànś "Mè & Lò" 'd Alberto Moravia.
La pelìcula la gh'à abû 'n séguit dū an dòp da 'l tìtul Porky college: Un duro per amico.
Florian Thomas dit Flo (Tobias Schenke) 'l è 'n śuvnòt tedésc che na matìna, daśdànd-as da lèt c'n al cas dûr, al s rénd cònt ch'al sò uśèl 'l è bòṅ 'd dascórar sèg, specialmènt quànd in gir al véd dal téti, di cûi e dal còsi. A clasiòṅ, méntar 'l è drē a magnàr cun sò màdar Petra (Sissi Perlinger) e sò pàdar (Stefan Jürgens), al śguìsa par śbali 'd lat la maja 'd sò sîna Zelda (Andrea Sawatzki) dastràt da 'l sò téti ch'i pàran dū mlòṅ.
Flo al n capìs minga qvél ch'l è drē a sucéd'r-ag in mèś a 'l gambi dònca al dmanda dal driti prima a i sò genitōr e pò a 'l sò amìg Rudolf (Axel Stein) dit "Red Bull" parchè a gh piàś dimóndi cla bvanda lè. A scōla Florian al buta 'l òć su na ragasōla dimóndi misa bèṅ impgnàda a teàtar, la Leonie (Mina Tander), purtròp par lò chi lē la gh'à 'n brut grintèṅ par muróś, Kai (Björn Kirschniok). Esénd che chi lē la 'l à invidâ a recìtar sèg in dla tragèdia Romeo e Giulietta ad William Shakespeare e a far dal próvi a cà sua p'r al venardè ch'al gh'à da vgnir, Flo al créd ch'la sia inamuràda 'd lò dònca da vìrgin al decìd prima 'd pruàr a far sès cun na putàna p'r a n far bruta figùra.
This article uses material from the Wikipedia Emiliàn e rumagnòl article Porky college 2 - Sempre più duro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.