Penny Brown
C'l artìcul chè 'l è scrit in Miranduléś .
MiranduléśC'l artìcul chè 'l è scrit inMiranduléś |
La Penny Brown (Sherman, 31 ad Luj dal 1941), l'è n'atōra e cantànta americàna.
Biugrafìa
Nada in Tèxas, la Penny la riva in Itàglia a la fiṅ di an Ssanta dvintànd la basìsta dal grup ad fémni prudót par Gianni Boncompagni Le Pupille. In chi an lè la frequénta 'l Piper Club e la taca a recitàr in soquànti pelìculi cuma L'uomo dei cinque palloni ad Marco Ferreri cun Marcello Mastroianni, Ugo Tognazzi e la Catherine Spaak.
In dal 1970 la fà vgnir fóra al sìngul Miraggio d'estate insém a Giorgio Albertazzi e pò la tōś part a 'l musical Hair, un prugèt curâ par Giuseppe Patroni Griffi fat insém a Renato Zero, Ronnie Jones, la Mita Medici, Teo Teocoli e la Loredana Berté. 'L an dòp la la fà la hippie drugàda pódga in dal śal Una lucertola con la pelle di donna ad Lucio Fulci.
In dal 1980 la tórna a 'l cìnema faghénd la femnìsta in dal film ad Federico Fellini La città delle donne. In séguit la gira I guerrieri dell'anno 2072, film fantasientìfic ad Lucio Fulci, e 'l thriller 'd aventùra Inferno in diretta ad Ruggero Deodato. In dal 1986 la lavóra cun Carlo Verdone in dla cumèdia Troppo forte pò la tōś part, dand la sò vóś, a L'ultima tentazione di Cristo ad Martin Scorsese.
L'ultma pelìcula a 'l cìnema giràda da lē l'è 'l film ad scarésa Fatal Frames - Fotogrammi mortali cun l'Alida Valli, Ugo Pagliai, Giorgio Albertazzi, Rossano Brazzi, Ciccio Ingrassia e Donald Pleasence.
Filmugrafìa
- 1966 - Chappaqua, regìa ad Conrad Rooks
- 1967 - Quando dico che ti amo, regìa ad Giorgio Bianchi
- 1968 - L'uomo dei cinque palloni, regìa ad Marco Ferreri
- 1969 - Togli le gambe dal parabrezza, regìa ad Massimo Franciosa
- 1970 - Gradiva, regìa ad Giorgio Albertazzi
- 1971 - Una lucertola con la pelle di donna, regìa ad Lucio Fulci
- 1980 - La città delle donne, regìa ad Federico Fellini
- 1984 - I guerrieri dell'anno 2072, regìa ad Lucio Fulci
- 1985 - Inferno in diretta, regìa ad Ruggero Deodato
- 1986 - Troppo forte, regìa ad Carlo Verdone
- 1987 - I Love N.Y., regìa ad Gianni Bozzacchi
- 1996 - Fatal Frames - Fotogrammi mortali, regìa 'd Al Festa
Culegamènt estéran
This article uses material from the Wikipedia Emiliàn e rumagnòl article Penny Brown, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply. (view authors). Il contenuto è disponibile in base alla licenza CC BY-SA 3.0, se non diversamente specificato. Images, videos and audio are available under their respective licenses.
#Wikipedia® is a registered trademark of the Wiki Foundation, Inc. Wiki (DUHOCTRUNGQUOC.VN) is an independent company and has no affiliation with Wiki Foundation.