Film Peccato Veniale
C'l artìcul chè 'l è scrit in Miranduléś
Miranduléś Peccato veniale | ||
.png) La Laura Antonelli in na figùra dal film | ||
| Pcâ da gnint 1974 | ||
|---|---|---|
| Regìa: Salvatore Samperi | ||
| Scritōr: Salvatore Samperi Ottavio Jemma • Alessandro Parenzo | ||
| Atōr: Laura Antonelli • Alessandro Momo Orazio Orlando • Monica Guerritore • Lino Banfi Lino Toffolo • Massimo Vanni • Lilla Brignone Stefano Amato • Tino Carraro • Fred Bongusto | ||
| Müsica: Fred Bongusto | ||
| Léngua: Itagliàṅ • Vènet • Napulitàṅ | ||
| Dürä dal film: 96 minüt | ||
| Nasiōṅ: Itàglia | ||
Peccato veniale (Pcâ da gnint) 'l è 'n film eròtic itagliàṅ dal 1974 ad Salvatore Samperi.
Al prutagunìsta masć dla pelìcula, Alessandro Momo, 'l è mòrt a darsèt an soquànti stmani dòp la surtìda dal film, faghénd 'n incidènt mént'r al druàva la mòta dl'Eleonora Giorgi sò amìga.
Sunt
Sandro Bellotto (Alessandro Momo), dit Sandrino in famìja, 'l è 'n ragàs ad darsèt an in vacànsa a 'l mâr in Tuscàna cun sò pàdar Giustino (Tino Carraro) e sò màdar Lilla (Lilla Brignone). Un dè a riva lè anc sò fradèl più grand Renzo (Orazio Orlando) insém a sò mujēr, spuśàda da pôc, la Laura (Laura Antonelli). I dū i èṅ dimóndi inamurâ e i s ciàm'n ad cuntìnuv cicìna e cicèṅ. Esénd che Renzo al gh'à da lauràr, al lasa la sò dóna in vacànsa da i sò genitōr, cun Sandro ch'al gh'à da tgnir-'g adrē e far-ag cumpagnìa.
In spiàgia al śōvan al gh dà la créma p'r al scutadùri, al gh dassùla 'l custùm par far-ag ciapàr méj al Sōl e al la pòrta a far di gir in barca. 'L è a 'l mâr a gh'è anc un bagnèṅ da la léngua lunga, Lino (Lino Toffolo), un culturìsta ch'a gh piàś far véd'r i sò mùscui a cal dóni (Massimo Vanni), al cònt Zagaria (Lino Banfi) insém a sò mujēr (Fiona Florence) e na napulitàna cun dla barba in dal grugn (Ria De Simone).
In vacànsa a gh'è anc la Rosy (Monica Guerritore), na śuvnòta milanéśa ch'a gh piàś Sandro mo chi lò al n gh fà minga a mènt parchè al s è inamurâ 'd sò cugnàda. Al ragàs ad nòt al và a scultàr ad nascòst in dla cambra dla Laura quànd chi lē la gusa cun sò fradèl, in di ucaśiòṅ in dua Renzo al cata 'l tèmp par na scapàda.
Culegamènt estéran
This article uses material from the Wikipedia Emiliàn e rumagnòl article Peccato veniale (film), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.