Film Orizzonti Di Gloria
C'l artìcul chè 'l è scrit in Miranduléś
Miranduléś Paths of Glory | ||
| Orizzonti di gloria | ||
.png) Kirk Douglas in na figùra dal film | ||
| Uriśònt ad glòria 1957 | ||
|---|---|---|
| Regìa: Stanley Kubrick | ||
| Scritōr: Stanley Kubrick • Jim Thompson Calder Willingham • Humphrey Cobb | ||
| Atōr: Kirk Douglas • Ralph Meeker • Joe Turkel Adolphe Menjou • Emile Meyer • Wayne Morris Richard Anderson • George Macready • Fred Bell | ||
| Müsica: Gerald Fried | ||
| Léngua: Ingléś • Tedésc • Latìn | ||
| Dürä dal film: 88 minüt | ||
| Nasiōṅ: Stat Unî | ||
Orizzonti di gloria (Uriśònt ad glòria) 'l è 'n film ad guèra americàṅ in biànc e négar dal 1957 ad Stanley Kubrick trat da 'l rumànś umònim dal 1935 'd Humphrey Cobb ch'al cònta di fat sucès dabòṅ a 'l eśércit francéś durànt la Guèra granda tant ch'in Frància la pelìcula l'è stada cinsuràda in fiṅ a dòp al 1975, incóra pèś in Spaggna in du l'è stada pruibìda in fiṅ a 'l 1986.
In dal 1992 'l è stâ mis in dla lista di film ch'i fànan part dal National Film Registry dla Bibliutéca dal Cungrès di Stat Unî da tgnir dacàt.
Sunt
Durànt la prima guèra mundiàla, in dal 1916, al generàł francéś Broulard (Adolphe Menjou) al dmanda a 'l sò culéga su 'l frònt ucidentàł Paul Mireau (George Macready) 'd urganiśàr 'n atàc dal sò eśércit a na pustasiòṅ nemìga in maṅ a i tedésc, dita „furmigàr“. Chi lò al s rénd cònt ch'a s trata dna strulgàda dimóndi periculóśa ma 'l decìd listés ad cuntintàr al sò cap, giùst par psēr puntàr a na prumusiòṅ.
Al culunèl Dax (Kirk Douglas), ch'al gh'à da cmandàr la misiòṅ, 'l è cuntràri dal tut, saénd ch'a sarév un masèl, ma 'l gh'à da pigàr-as. Quànd a s véd ch'un tèrs dal trupi la n partìs briśa, anc parchè al fōg nemìg al martèla fòrt e ninsòṅ di francéś 'l è bòṅ ad rivàr là, Mireau al decìd a sparàr-ag cóntar pò 'l urganìśa un prucès par cundanàr-i e dar na lesiòṅ a tut i suldâ. Tri 'd lōr i èṅ sarnî p'r èsar masâ a sćiuptàdi davànti a 'l plutòṅ 'd eśecusiòṅ: al capuràł Paris (Ralph Meeker), al suldâ Ferol (Timothy Carey) e 'l curagióś Arnaud (Joe Turkel), bcâ a caś. Dax, che prima 'd far al militàr 'l éra 'n avucàt ad Parì, al próa a difénd'r-i ma 'l sà ch'l è 'n quèl inùtil.
Culegamènt estéran
This article uses material from the Wikipedia Emiliàn e rumagnòl article Orizzonti di gloria (film), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.