C'l artìcul chè 'l è scrit in Miranduléś
Oklahoma City (a s lèś /oʊkləˈhoʊmə ˈsɪtɪ/ in ingléś), cgnusùda anc cun la siggla «OKC», l'è na sità di Stat Unî ad siesènt-trentamìla abitànt a 'l incìrca (dat dal 2015), sèntar più impurtànt e capitàl dal stat d'l Oklahoma.
La s cata in dal cuntèi 'd Oklahoma, Canadian, Cleveland e Pottawatomie e in mèś a gh pasa l'autostràda Route 66. Al sò clima 'l è subtrupicàł ùmid.
Tgnénd adrē a 'l censimènt dal 2010 la sò pupulasiòṅ la s divìd in un 62,7% ad biànc, un 15,1% ad négar, un 3,5% ad natìṿ americàṅ, un 4,0% 'd aśiàtic, al rèst atri rasi o rasi misći.
Al 19 'd Avrìl dal 1995 in sità a gh'è stâ un brut atintâ ch'l à fat 168 vitmi. Al respunsàbil, ch'l à tirâ śò 'n palàs faghénd scupiàr un càmion, 'l è stâ 'n espunènt dla dèstra pēśa americàna, Timothy McVeigh.
Da 'l 2004 al sò sìndig 'l è 'l republicàṅ Mick Cornett. 'L è da 'l 1987 ch'la sità la gh'à di sìndig dal GOP méntar prima, da 'l dòp guèra in avànti, 'l iva elèt sèmpar di espunènt demucràtic.
This article uses material from the Wikipedia Emiliàn e rumagnòl article Oklahoma City, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.