Nightmare - Dal Profondo Della Notte
C'l artìcul chè 'l è scrit in Miranduléś
Miranduléś A Nightmare on Elm Street | ||
| Nightmare - Dal profondo della notte | ||
 La Langenkamp e Englund in na figùra dal film | ||
| Arbgàt - in dal cōr dla nòt 1984 | ||
|---|---|---|
| Regìa: Wes Craven | ||
| Scritōr: Wes Craven | ||
| Atōr: Heather Langenkamp • Robert Englund Johnny Depp • John Saxon • Amanda Wyss Nick Corri • Charles Fleischer • Ronee Blakley Jsu Garcia • Joseph Whipp • Lin Shaye | ||
| Müsica: Charles Bernstein | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Nightmare - Dal profondo della notte (Arbgàt - in dal cōr dla nòt) 'l è 'n film ad scarésa americàṅ dal 1984 ad Wes Craven. Custâ 1,8 migliòṅ ad dòlar, al 'n à pò purtâ a cà 26. Par via dal sucès ch'al gh'à abû, in dal cōrs dal tèmp 'l à anc muciâ sù sèt séguit e 'n arfacimènt: Nightmare II: La rivincita dal 1985, Nightmare III: I guerrieri del sogno dal 1987, Nightmare IV: Il non risveglio dal 1988, Nightmare V: Il mito dal 1989, Nightmare VI: La fine dal 1991, Nightmare - Nuovo incubo dal 1994, Freddy vs. Jason dal 2003 (incróś cun al persunàǵ ad Venerdì 13) e al remake Nightmare dal 2010.
In cal film chè al fà al sò debùt un śóvan Johnny Depp.
Sunt
La śóvna Tina Gray (Amanda Wyss) la patìs da spés di brut arbgàt in dua 'n óm catìṿ, cun un capèl incô e un majòṅ a bandi vérdi e rósi adòs, al n la lasa minga in paś. Quànd la ragasōla la s déśda la gh'à di atàc ad pànic ma sò màdar la n gh dà minga a mènt, tut àtar, la gh siga anc a drē. Na sira, dascurénd cun dū di sò amìg, la Nancy Thompson (Heather Langenkamp) e Glen Lantz (Johnny Depp), la vèṅ a savér ch'la n è minga sōl lē a insugnàr-as ch'al tisi là. Quànd a riva a cà sua anc 'n àt'r amìg, Rod (Nick Corri), la Tina la vèṅ masàda sóta i sò òć. La pulisìa la gh dà la cólpa e Rod al scapa via. La Nancy la próa a cuntàr i arbgàt ad Tina a la pulisìa, anc p'r al fat che sò pàdar Thompson (John Saxon) al fà al tenènt, ma ninsòṅ al gh dà a mènt.
La Nancy l'è acsè custréta a purtàr avànti la sò batàja da par lē anc parchè Rod, in cal méntar purtâ in parśòṅ, al vèṅ catâ mòrt impicâ druànd i sò linsōi. Al móstar ch'a gh'è drē 'l è pròpria 'l óm di sógn, Freddy Krueger (Robert Englund), un manìac ch'al cupàva i putèn druànd da gl'armi difarénti, anc un guànt fat da lò cun dagl'óngi a curtèi.
Culegamènt estéran
This article uses material from the Wikipedia Emiliàn e rumagnòl article Nightmare - Dal profondo della notte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.